لبشرة متوهجة أفضل 8 أكلات داومي عليهم قبل الفرح بـ3 شهور

Large

كلنا عارفين أن في منتجات تجميلية كثيرة بتوعدنا ببشرة ناعمة ومتوهجة، لكن دايما الطبيعي بيكون أفضل، ولو بتعملي دايت الموضوع هيكون مناسب، لأن الأطعمة دي تقدري تدخليها في نظام الدايت بتاعك، خبيرة التغذية بريجيت زيتلين، بتنصح ببعض الأطعمة للعروسة قبل الفرح بـ3 شهور.

1- البنجر:

من أفضل الأطعمة اللي بتحافظ على الجلد وبتحميه من التجاعد والشيخوخة المبكرة، وبيحفز على إنتاج وإصلاح الخلايا، وده لأنه بيحتوي على معادن زي الحديد وفيتامينات تانية موجودة فيه بس، لازم تتأكدي إن جسمك بيتمتع بصحة داخلية لإنه هينعكس على شكلك الخارجي. داومي على شرب كوباية من عصير البنجر مرة في اليوم هيساعد جسمك على التخلص من السموم، وينقي الدم. 

 من الناحية الجمالية ممكن تعملي ماسك البنجر، بيساعد على نعومة الجلد وده بيرجع لإن البنجر بيساعد على إزالة الخلايا الميتة ويحل محلها بخلايا جديدة.

2- السالمون والتونة:

الأسماك الدهنية زي السالمون والتونة بتحتوي على أحماض أوميجا 3 الدهنية، اللي بتساعد البشرة على الاحتفاظ بالرطوبة. ممكن يكون سبب جفاف البشرة لأسباب تانية، لكن أهم أسبابه نقص أوميجا 3. الأسماك الدهنية كمان بتحتوي على أحماض بتحارب الالتهاب، كمان مليان بالبروتين اللي يعتبر الأساس في إصلاح البشرة. ممكن تخلي التونة بدل السالمون وجبة رئيسية للغذاء 3 مرات في الأسبوع.

3- عين الجمل واللوز:

عين الجمل بيحتوي على كمية كبيرة من المعادن اللي بتعزز الكولاجين، ويحارب أضرار أشعة الشمس، وده بيساعد في الحفاظ على البشرة ونضارتها وإشراقها، وكمان اللوز مصدر غني بفيتامين E، ويساعد على نعومة البشرة، ممكن تاخدي حبة قد الكف مرتين في الأسبوع، ويفضل يكون غير مملح.

4- الفراولة:

الفراولة مليانة فيتامين سي، وبتساعد على إستعادة الكولاجين اللي بيحافظ على نعومة ومرونة البشرة وبيساعد على التخلص من الخطوط الدقيقة على الجلد، مش بس كدة، غنية كمان بمضادات أكسدة، فيتامين K، بوتاسيوم، حمض الفوليك اللي بيساهم في إصلاح خلايا الجسم، والكالسيوم، اليود، المجنيسيوم، المنجنيز وأوميجا 3. الفراولة بتساعد الجسم على التخلص من السموم.

شوف أكتر: أسهل وأسرع أسرار العناية بالبشرة لكل عروسة رقم 5 مفاجأة

 

 

 

5- السبانخ: 

زي كل الخضروات الخضرا الورقية، السبانخ فيها كم كبير من مضادات الأكسدة القوية، اللي تعتبر مهمة لتطوير خلايا الجلد الطبيعية واللي بتساعد البشرة إنها تظهر بشكل صحي. كمان من مزايا السبانج أنها بتزيد من إنتاج الكولاجين، واللي بيساعد على تقوية الشعيرات الدموية في الجسم، ويقلل من ظهور التجاعيد والخطوط الدقيقة، علشان تظهر بشرتك أكتر نعومة وصحة. كمان فيتامين A في السبانخ بيساعد الجلد على الاحتفاظ بالرطوبة لمحاربة جفاف البشرة، كل ده بالإضافة لفيتامين K، اللي بيقلل الهالات السوداء حول العين.

6- المشمش: 

مصدر غني بفيتامين A اللي بيحافظ على نضارة البشرة، وده أحد أسباب إن السكراب اللي بيدخل فيه المشمش بيكون الأفضل، خاصة إنه بيساعد على تحسين لون البشرة، لأنه بيمنع التصبغات، مش بس كدة إنتي ممكن تعملي من زيت المشمش السكراب في البيت مع السكر. المشمش كمان بيساعد على شد البشرة والتخلص من الخطوط الدقيقة والتجاعيد الصغيرة.