لأى عروسة جديدة.. زينة رمضان بطريقة شيك وتريندى!

Large

عزومات رمضان مبتخلصش وكل عروسة جديدة محتاجة تجمل بيتها بزينة رمضان و أجواءه الجميلة قبل ما تستقبل ضيوفها فيه لأول مرة، و سواء انتى اجتماعية وبتحبى اللمة وعزومات الفطار والسحور، أو  بتفضلى الهدوء ومتابعة المسلسلات المختلفة، فيه طقوس مهمة لازم تعمليها فى رمضان.

أول حاجة تشترى قفطان، لأن ده أكتر موسم بيتلبس فيه، وطبعا زينة رمضان خصوصا أنها بقت أكتر من مجرد شوية فوانيس هنا وهناك، وفيه حاجات تانية كتير تعمليها لو جايلك ضيوف، عشان كده قررنا نساعدك ونجمعلك الديكورات التريندى الجميلة إلى تحافظ على أجواء رمضان من غير ما البيت يتحول لقهوة.

الفوانيس والإضاءة

زينة رمضان متنفعش من غير الفوانيس والإضاءة المميزة، و هى جزء أساسى فى ديكور بيتك، لكن فانوس رمضان العادى مش كفاية، والأحسن تجربى أشكال جديدة من الفوانيس المعمولة من مواد و تصميمات مختلفة أو المنحوتة، سواء مكتوب عليها بالخط العربي، أو بتصميم بسيط وصغير ، أو بستايل شرقى تفاصيلة كتيره، ممكن كمان تعملى خلفية جميلة من ضل الفوانيس.

مش ضرورى تعتمدى فى الديكور على الفوانيس بس، تقدرى تخلقى جو دافى كمان بالشموع، سواء كانت حوامل الشموع هي إلى عليها زينة رمضان أو الشموع نفسها، فيه حاجات كتير  جميلة وشيك بالنسبة للإضاءة تجربيها.

إقرا أكتر: عروسة جديدة..إطلالات لفطار رمضان لازم تجربيها!

مفارش السفرة

بعد ما تخلصى تظبيط الإضاءه، نيجى بقى للسفرة والترابيزات الصغيرة، ضيفى لمسة رمضانية بطريقة سهلة وبسيطة باستخدام مفارش السفرة المزخرفة، أو المناديل والكوبايات المتزينة بالخط العربى، أو بستايل شرقى، أو تشترى صواني الحلويات أو المكسرات بستايل شرقى ماشى مع نفس درجات اللون.

لو عايزه تزودى الأجواء الرمضانية فى بيتك ولعى البخور علطول، وشغلى مزيكا بآلة العود بعد الفطار!

عزومات رمضان مبتخلصش وكل عروسة جديدة محتاجة تجمل بيتها بزينة رمضان و أجواءه الجميلة قبل ما تستقبل ضيوفها فيه لأول مرة، و سواء انتى اجتماعية وبتحبى اللمة وعزومات الفطار والسحور، أو  بتفضلى الهدوء ومتابعة المسلسلات المختلفة، فيه طقوس مهمة لازم تعمليها فى رمضان.

أول حاجة تشترى قفطان، لأن ده أكتر موسم بيتلبس فيه، وطبعا زينة رمضان خصوصا أنها بقت أكتر من مجرد شوية فوانيس هنا وهناك، وفيه حاجات تانية كتير تعمليها لو جايلك ضيوف، عشان كده قررنا نساعدك ونجمعلك الديكورات التريندى الجميلة إلى تحافظ على أجواء رمضان من غير ما البيت يتحول لقهوة.

الفوانيس والإضاءة