فرح الأسبوع ده مميز جدا لأن ستايله فينتادج، أو بمعنى أدق واخد الاستايل الكلاسيكي العتيق من أيام المماليك. الفرح اتعمل في قصر البرنس نجيب شركس في جزيرة الدهب في المنيب، واللي بناه البرنس الشركسي آخر أمراء المماليك من حوالي 22 سنة. موقع القصر أكتر من هايل، جزيرة الدهب من أجمل المساحات الخضرا في المدينة وكمان على النيل مباشرة، أما بالنسبة لديكور القصر ومعماره هو مستحوى من العصر المملوكي وده لإن البرنس نجيب شركس من سلالة المماليك، وهدفه هو إحياء الطراز المعماري المملوكي.
المكان عامل زي اللوحة الفنية أو القطعة الأثرية من جمال تفاصيله وتقسيمات مساحاته سواء في الغرف، الجناين، الممرات، الأبواب، المداخل، والشبابيك. كل ده ساعد العرسان إنهم يختاروا يكون فرحهم واخد تيمته فينتادج. نقدر نقول إن عرسان فرح الأسبوع كرستينا ومالك إختاروا مكان أبرز بشكل قوي جدا الفن المعماري القديم الأصيل. القصر ده متخيل إنك شوفته قبل بس مش فاكر فين!. ده القصر اللي اتصور فيه مشاهد كتير لمسلسل "أنا شهيرة.. أنا الخائن"، واللي كلنا كنا بنسأل وقتها هو المكان ده فين!
إقرا أكتر: فرح هنا الزاهد وأحمد فهمي مستوحى من قصة خيالية
كرستينا جهزت في أوضة ملوكي ببلكونة بتطل على النيل، مصور الفرح منجاوي التقط أناقة العروسة في كل إختيارتها من أول الإكسسوارات، الفستان، المكياج وصولا للبوكيه. كرستينا ربطت خصلتين من شعرها لورا بهيد بيس رقيقة جدا متزينة بحجر اللؤلؤ ومعاها طرحة طويلة سادة، فستانها كان من القماش التل المطرز، بفتحة صدر V، وريش على الكتاف، البوكيه كان أبيض بالورود البرية المربوطة بشكل عشوائي، لبست حلق وغوايش ذهبي على شكل حلقات، اختارت إن المكياج يكون رقيق فاستخدمت الألوان الترابية. مالك كان عريس شيك وروش جدا في بدلته والفيست الأزرق، جزمة هافان، منديل نبيتي، وبيبيون منقوشة بالأزرق والنبيتي.
فوتوسيشن العرسان اتصور في ممرات القصر وجناينه، وكملت الفكرة عربية فينتادج مركونة قدام القصر، وآخر جزء في جلسة التصوير كان في رحلة نيلية قبل عقد القران، المركب كانت من نفس ستايل القصر واللي أضاف روح رومانسية للقطات المصور.
بعد جلسة التصوير اتجه العرسان للقصر لعقد القران وبعده كان الفرح. جنينة القصر كانت اتزينت بديكور راستيك وستايل الفرح كان كاجوال وتصميم الإضاءة إدى طابع رومانسي للفرح كله. منظمة الفرح استخدمت سنتربيس فازات مع ورود برية، وعملت جيست بوك للمعازيم في مدخل الفرح بألون مبهجة من نفس ألوان ديكور الفرح. الليلة كانت ساحرة بروح أصحاب الفرح ومعازيمهم اللي ملت المكان كله!
منظمين الفرح:
المكان: قصر الأمير نجيب، جزيرة الدهب
تصوير: منجاوي
مكياج: عبدالله الرفاعي
شعر: حمادة سليم
منظم الفرح: Bloemevents
دي جي: Armin
فرح الأسبوع ده مميز جدا لأن ستايله فينتادج، أو بمعنى أدق واخد الاستايل الكلاسيكي العتيق من أيام المماليك. الفرح اتعمل في قصر البرنس نجيب شركس في جزيرة الدهب في المنيب، واللي بناه البرنس الشركسي آخر أمراء المماليك من حوالي 22 سنة. موقع القصر أكتر من هايل، جزيرة الدهب من أجمل المساحات الخضرا في المدينة وكمان على النيل مباشرة، أما بالنسبة لديكور القصر ومعماره هو مستحوى من العصر المملوكي وده لإن البرنس نجيب شركس من سلالة المماليك، وهدفه هو إحياء الطراز المعماري المملوكي.
المكان عامل زي اللوحة الفنية أو القطعة الأثرية من جمال تفاصيله وتقسيمات مساحاته سواء في الغرف، الجناين، الممرات، الأبواب، المداخل، والشبابيك. كل ده ساعد العرسان إنهم يختاروا يكون فرحهم واخد تيمته فينتادج. نقدر نقول إن عرسان فرح الأسبوع كرستينا ومالك إختاروا مكان أبرز بشكل قوي جدا الفن المعماري القديم الأصيل. القصر ده متخيل إنك شوفته قبل بس مش فاكر فين!. ده القصر اللي اتصور فيه مشاهد كتير لمسلسل "أنا شهيرة.. أنا الخائن"، واللي كلنا كنا بنسأل وقتها هو المكان ده فين!
إقرا أكتر: فرح هنا الزاهد وأحمد فهمي مستوحى من قصة خيالية
كرستينا جهزت في أوضة ملوكي ببلكونة بتطل على النيل، مصور الفرح منجاوي التقط أناقة العروسة في كل إختيارتها من أول الإكسسوارات، الفستان، المكياج وصولا للبوكيه. كرستينا ربطت خصلتين من شعرها لورا بهيد بيس رقيقة جدا متزينة بحجر اللؤلؤ ومعاها طرحة طويلة سادة، فستانها كان من القماش التل المطرز، بفتحة صدر V، وريش على الكتاف، البوكيه كان أبيض بالورود البرية المربوطة بشكل عشوائي، لبست حلق وغوايش ذهبي على شكل حلقات، اختارت إن المكياج يكون رقيق فاستخدمت الألوان الترابية. مالك كان عريس شيك وروش جدا في بدلته والفيست الأزرق، جزمة هافان، منديل نبيتي، وبيبيون منقوشة بالأزرق والنبيتي.
فوتوسيشن العرسان اتصور في ممرات القصر وجناينه، وكملت الفكرة عربية فينتادج مركونة قدام القصر، وآخر جزء في جلسة التصوير كان في رحلة نيلية قبل عقد القران، المركب كانت من نفس ستايل القصر واللي أضاف روح رومانسية للقطات المصور.
بعد جلسة التصوير اتجه العرسان للقصر لعقد القران وبعده كان الفرح. جنينة القصر كانت اتزينت بديكور راستيك وستايل الفرح كان كاجوال وتصميم الإضاءة إدى طابع رومانسي للفرح كله. منظمة الفرح استخدمت سنتربيس فازات مع ورود برية، وعملت جيست بوك للمعازيم في مدخل الفرح بألون مبهجة من نفس ألوان ديكور الفرح. الليلة كانت ساحرة بروح أصحاب الفرح ومعازيمهم اللي ملت المكان كله!
منظمين الفرح:
المكان: قصر الأمير نجيب، جزيرة الدهب
تصوير: منجاوي
مكياج: عبدالله الرفاعي
شعر: حمادة سليم
منظم الفرح: Bloemevents
دي جي: Armin
