قواعد جديدة لإستخدام السوشيال ميديا للإعلان عن خطوبتك أو فرحك

Large

السوشيال ميديا بقت واخدة جزء كبير من حياتنا، مش بس علشان نتواصل مع أصحابنا وعيلتنا، لكن كمان بنستخدمها في الإعلان عن أمور مهمة في حياتنا، منها الخطوبة، الزواج او حتى اللي ربنا بيرزقه بأولاد.

لكن دلوقتي زي ما كل حاجة في حياتنا بتتطور، كمان أسلوب وطريقة إعلان عن حاجة شخصية ومهمة زي خطوبتك أو فرحك اتطورت، وبقى ليها قواعد وأساليب جديدة على السوشيال ميديا.

كتبت الكاتبة الأمريكية ستيفان وويرز، مقالة عن إتيكيت ونصائح لكل شخص بيستخدم السوشيال ميديا عاوز يعلن عن خطوبته أو فرحه، وأكدت إن فيه آداب وإتيكيت وفن للإعلان عن الفرح أو الخطوبة، ومن الأفضل إنه يتم استخدام فن الإتيكيت ده على السوشيال ميديا. في بعض الحاجات لازم يتم مراعتها قبل ما نكتب أو نعلن عن الجواز أو الخطوبة سواء على فيسبوك أو إنستجرام أو تويتر.

هنا هنعرف شكل وأسلوب الإتيكيت في الإعلان عن الفرح أو الخطوبة على السوشيال ميديا

1- الإعلان عن خبر مهم: 

كلنا بنحب نشارك أحبابنا وأصحابنا القريبين الأخبار الحلوة، لكن على السوشيال ميديا الموضوع مختلف. السؤال دايما أعلن ولا ما أعلنش؟، ده سؤال بيراود أي حد قبل ما يعلن الخبر على السوشيال ميديا سواء الخطوبة أو الفرح، لكن قبل ما  تفكر في كده، لازم تتأكد الأول أن  العائلة والأصدقاء المقربين عرفوا الخبر قبل ما تعلن للعالم كله، لأنه مش خبر عادي، إنت مش بتعمل check in  في مكان، لا دي حالة اجتماعية اتغيرت.

2- توقيت وتفاصيل الخطوبة أو الفرح: 

من الأفضل إنكم ما تعلنوش بدري عن الخطوبة أو الفرح، اعلنوا قبل وقت التنفيذ بفترة بسيطة. قبل الإعلان لازم تتفقوا مع بعض إيه اللي هتكتبوه، هل هو مجرد إعلان عن الارتباط وحابين تحتفظوا بخصوصيتكم، ولا ناوين تشاركوا شوية تفاصيل مع أصحابكم. بعد كدة بتتنقلوا لمرحلة تانية خالص، وهي مرحلة المشاركة العامة بعيدا عن الأهل والأصدقاء المقربين، ونصيحة حاولوا تستمتعوا باللحظات الخاصة قبل مرحلة الإعلان على السوشيال ميديا.

3- #فرحك: 

إذا كنتوا من الناس اللي بتحب أصحابكم كلهم يشاركوكم فرحتكم بأسلوب وطريقة خاصة، فالهاش تاج هو الطريقة الجديدة والأمثل للمشاركة، وبالطريقة دي هتضمنوا إن كل أصحابكم هيشوفوا صور وفيديوهات الفرح، لكن كمان نوعية الحاجات اللي ناوين تحطوها على السوشيال ميديا لازم تختاروها بعناية، يعني لو ناويين تشاركوا بتفاصيل الفرح أو الخطوبة يبقى إنستجرام أو سناب شات هما الأفضل من فيسبوك أو تويتر.

 

4- توقيت إعلان الهاش تاج: 

أفضل توقيت للإعلان عن الهاش تاج قبل الفرح بيومين، وبمعنى أدق، مع ليلة الحنة وحفل توديع العزوبية، مع كل صورة بتنشروها على السوشيال ميديا من ليلة الحنة وحفل توديع العزوبية، اكتبوا معاها الهاش التاج اللي اتفقتوا عليه، وطبعا ما تنسوش تعملوا منشن لبعض.

شوف أكتر: قبل الفرح بسنة ليه تعمل موقع لفرحك

5- أفكار لاستخدام الهاش تاج وانتشاره: 

لو حابين الهاش تاج الخاص بيكم ينتشر بشكل كبير بين أصحابكم والعيلة، ممكن تكتبوا الهاش تاج في دعوات الفرح، وعلى الموقع الخاص بفرح واللي ممكن تعمله (هنا). ممكن كمان تكتبوه على الصور اللي هتكون على باب القاعة، أوتكتبوه وتحطوه على ترابيزات الفرح، وفي كتاب المعازيم.

6- فيسبوك وإنستجرام لايف: 

أكيد العريس والعروسة مش هسيبوا الفرح ويطلعوا لايف، ورغم كدة حابين إن فرحهم يكون في جزء منه لايف مع أصحابهم على السوشيال ميديا، في الحالة دي لازم يكون في حد من الأصحاب المقربين أو الأخوات يقوم بالمهمة دي. يوم زي ده أكيد حابين توثقوه بكل الطرق الممكنة. 

في النهاية السوشيال ميديا ملهاش قواعد محددة، لكن لها أسلوب وطريقة في التعامل معاها مدام مفيش أذية لحد وبتحترم خصوصية الآخرين.

السوشيال ميديا بقت واخدة جزء كبير من حياتنا، مش بس علشان نتواصل مع أصحابنا وعيلتنا، لكن كمان بنستخدمها في الإعلان عن أمور مهمة في حياتنا، منها الخطوبة، الزواج او حتى اللي ربنا بيرزقه بأولاد.

لكن دلوقتي زي ما كل حاجة في حياتنا بتتطور، كمان أسلوب وطريقة إعلان عن حاجة شخصية ومهمة زي خطوبتك أو فرحك اتطورت، وبقى ليها قواعد وأساليب جديدة على السوشيال ميديا.

كتبت الكاتبة الأمريكية ستيفان وويرز، مقالة عن إتيكيت ونصائح لكل شخص بيستخدم السوشيال ميديا عاوز يعلن عن خطوبته أو فرحه، وأكدت إن فيه آداب وإتيكيت وفن للإعلان عن الفرح أو الخطوبة، ومن الأفضل إنه يتم استخدام فن الإتيكيت ده على السوشيال ميديا. في بعض الحاجات لازم يتم مراعتها قبل ما نكتب أو نعلن عن الجواز أو الخطوبة سواء على فيسبوك أو إنستجرام أو تويتر.

هنا هنعرف شكل وأسلوب الإتيكيت في الإعلان عن الفرح أو الخطوبة على السوشيال ميديا

1- الإعلان عن خبر مهم: 

كلنا بنحب نشارك أحبابنا وأصحابنا القريبين الأخبار الحلوة، لكن على السوشيال ميديا الموضوع مختلف. السؤال دايما أعلن ولا ما أعلنش؟، ده سؤال بيراود أي حد قبل ما يعلن الخبر على السوشيال ميديا سواء الخطوبة أو الفرح، لكن قبل ما  تفكر في كده، لازم تتأكد الأول أن  العائلة والأصدقاء المقربين عرفوا الخبر قبل ما تعلن للعالم كله، لأنه مش خبر عادي، إنت مش بتعمل check in  في مكان، لا دي حالة اجتماعية اتغيرت.

2- توقيت وتفاصيل الخطوبة أو الفرح: 

من الأفضل إنكم ما تعلنوش بدري عن الخطوبة أو الفرح، اعلنوا قبل وقت التنفيذ بفترة بسيطة. قبل الإعلان لازم تتفقوا مع بعض إيه اللي هتكتبوه، هل هو مجرد إعلان عن الارتباط وحابين تحتفظوا بخصوصيتكم، ولا ناوين تشاركوا شوية تفاصيل مع أصحابكم. بعد كدة بتتنقلوا لمرحلة تانية خالص، وهي مرحلة المشاركة العامة بعيدا عن الأهل والأصدقاء المقربين، ونصيحة حاولوا تستمتعوا باللحظات الخاصة قبل مرحلة الإعلان على السوشيال ميديا.

3- #فرحك: 

إذا كنتوا من الناس اللي بتحب أصحابكم كلهم يشاركوكم فرحتكم بأسلوب وطريقة خاصة، فالهاش تاج هو الطريقة الجديدة والأمثل للمشاركة، وبالطريقة دي هتضمنوا إن كل أصحابكم هيشوفوا صور وفيديوهات الفرح، لكن كمان نوعية الحاجات اللي ناوين تحطوها على السوشيال ميديا لازم تختاروها بعناية، يعني لو ناويين تشاركوا بتفاصيل الفرح أو الخطوبة يبقى إنستجرام أو سناب شات هما الأفضل من فيسبوك أو تويتر.

 

4- توقيت إعلان الهاش تاج: 

أفضل توقيت للإعلان عن الهاش تاج قبل الفرح بيومين، وبمعنى أدق، مع ليلة الحنة وحفل توديع العزوبية، مع كل صورة بتنشروها على السوشيال ميديا من ليلة الحنة وحفل توديع العزوبية، اكتبوا معاها الهاش التاج اللي اتفقتوا عليه، وطبعا ما تنسوش تعملوا منشن لبعض.

شوف أكتر: قبل الفرح بسنة ليه تعمل موقع لفرحك

 

5- أفكار لاستخدام الهاش تاج وانتشاره: 

لو حابين الهاش تاج الخاص بيكم ينتشر بشكل كبير بين أصحابكم والعيلة، ممكن تكتبوا الهاش تاج في دعوات الفرح، وعلى الموقع الخاص بفرح واللي ممكن تعمله (هنا). ممكن كمان تكتبوه على الصور اللي هتكون على باب القاعة، أوتكتبوه وتحطوه على ترابيزات الفرح، وفي كتاب المعازيم.

6- فيسبوك وإنستجرام لايف: 

أكيد العريس والعروسة مش هسيبوا الفرح ويطلعوا لايف، ورغم كدة حابين إن فرحهم يكون في جزء منه لايف مع أصحابهم على السوشيال ميديا، في الحالة دي لازم يكون في حد من الأصحاب المقربين أو الأخوات يقوم بالمهمة دي. يوم زي ده أكيد حابين توثقوه بكل الطرق الممكنة. 

في النهاية السوشيال ميديا ملهاش قواعد محددة، لكن لها أسلوب وطريقة في التعامل معاها مدام مفيش أذية لحد وبتحترم خصوصية الآخرين.