قبل الفرح بـ7 شهور: تعملوا إيه لو مش عايزين تبقوا تحت الأضواء؟

قلقانين من تركيز المعازيم معاكم؟ سيبكم من حبشتكنات الفرح!

Large

تسليط الأضواء على العريس والعروسة يوم الفرح هيكون كبير، لو أنت أو إنتي شخصية خجولة ممكن تحسوا بضغط نفسي كل ما هتلاقوا معاد الفرح بيقرب، وضع مش سهل على ناس كتير إنها تبقى محط أنظار كل اللي في المكان، أجواء الفرح ممكن تدي إحساس زي رهبة المسرح كده، وأكيد مش كل الناس مرت بتجارب شبيهة علشان تخليهم متقبلين إنهم يبقوا مركز إهتمام.

مفهوم الجواز والالتزام لشخص معين لبقية حياتنا فكرة مخيفة،  ممكن تسبب حالة من التوتر قبل الفرح، تخيلوا بقى إنكم هتضطروا كمان تتعاملوا مع توتر تسليط الأضواء عليكم، والتركيز الرهيب من كل اللي رايح وجاي؟!.

بسبب التوتر ده فيه ناس بتختار يا يعملوا فرح صغير لأقرب الناس ليهم أو ما يعملوش فرح أساسا، مش لازم تلجأوا للإختيارين دول وتفوتوا فرصة تعملوا فيها فرح تفتكروه طول عمركم، لمجرد مش حابين تبقوا مركز اهتمام، إعرفوا إزاي تقدروا تتغلبوا على القلق وتوتر ده بطرق بسيطة ومريحة. 

تصوير ريمون الماركيز

قللوا المعازيم:

بسيطة، قللوا العدد وبالتالي هتقل الدوشة والتفاعل مع ناس ممكن تكون غريبة عنكم، إعزموا القريبين سواء قرايب أو أصحاب، وعلشان تسهلوا على نفسكم إختاروا من الأول مكان ما يسعش عدد كبير، مش شرط يكون مكان فخم لكن هيديكوا إحساس بالراحة النفسية.

إعملوا فرح شكله بسيط:

لو بتحبوا البساطة ومش حابين أجواء الأفراح اللي فيها تسليط الأضواء بشكل كبير على العريس والعروسه، الأفضل تعملوا فرح بسيط يعكس شخصياتكم، بدل ما تختاروا تعملوه في فندق كبير ممكن يحسسكم بتوتر وضغط أكبر.

مكان الفرح رويال ليلي

إلبسوا اللي يريحكم:

مش علشان إنتم عرسان يبقى تلبسوا فستان، بدلة أو جزمة في منتهى الشياكة والأناقة وما تعرفوش تتحركوا بيهم! إختاروا الحاجة اللي هتديكم ثقة في نفسكم وكمان هترتاحوا في الحركة فيها. 

خلوا المكان اللي هتلبسوا فيه هادي:

لازم المكان اللي هيلبس فيه العريس والعروسة يوم الفرح يكون هادي ومريح نفسيا، مش لازم يبقى فيه 100 شخص طالعين خارجين من الأوضة!، قللوا عدد الأشخاص اللي هيبقوا موجودين لأهم وأقرب الناس ليكم علشان تحسوا بالاطمئنان. 

تصوير إيهاب زكريا

إعملوا جلسة تصوير قبل ما الفرح يبدأ على طول:

ناس كتير بتعمل جلسة تصوير قبل الفرح ما يبدأ والمعازيم تيجي، الحقيقة إنها طريقة هايلة لتقليل التوتر، التصوير هيخليكم تتعودوا على إحساس تسليط الأضواء عليكم، وممكن يقلل من التوتر اللي هتحسوا بيه مع بداية الفرح.

شوفي أكتر: 15 حاجة للعريس والعروسة مينفعش تتعمل يوم الفرح

ركزوا مع بعض وإنسوا اللي حواليكم:

طمنوا بعض، إنسوا الناس اللي حواليكم وفكروا في حبكم لبعض وقد إيه كل واحد فيكم محظوظ بالتاني، ممكن تجهزوا مكان بعيد عن دوشة الفرح، ترتاحوا فيه لمدة بسيطة علشان تسترجعوا طاقتكم وتريحوا أعصابكم شوية. 

تصوير حامد كامل

مثلوا لحد ما تنبسطوا بحق وحقيقي:

مثلوا لحد ما تتمكنوا، بمعنى إن لو حد فيكم لقى نفسه متوتر جدا يحاول يظهر العكس، لغاية ما يلاقي نفسه بمنتهى التلقائية مبسوط وفرحان بجد!، لو بس حاولتوا تفكوها شوية هتكتشفوا إن التوتر ده في الحقيقة مخاداع، الفقرات الأولى في الفرح ممكن تخض شوية، الأفضل تعملوا نفسكم في غاية الإرتياح والسعادة لحد ما التوتر يبدأ يختفي شوية شوية.

فقرات الفرح المنقذ الواعد:

جهزوا أي فقرة في الفرح لو الميزانية هتسمح علشان تبعدوا الأنظار عنكم شوية، الفقرات هتبقى نوع من الراحة بالنسبة لكم، وفي نفس الوقت هتبسط المعازيم، الفقرات ممكن تكون عروض رقص، فرق مزيكا أو مطربين. 

الراقصة ماريس

سيبكم من حبشتكنات الفرح:

معظم الحاجات اللي بتحصل في الأفراح بتسلط الضوء على العريس والعروسة، ومع ذلك مش لازم تحسوا بضغط إنكم لازم تعملوها كلها، اختاروا اللي يناسبكم، ممكن فعلا تعملوا فرح جميل والكل ينبسط فيه من غير الأجزاء التقليدية والحبشتكنات اللي ممكن توتركم زي: 

• بلاش الرقصة الأولى:

فككم من الرقصة السولو مع بعض وخلوا كل الناس ينضموا معاكم على الدانس فلور، الرقص الجماعي هيكون فيه تركيز أقل بكتير عليكم من لو رقصتوا لوحدكم في الأول، إطلبوا من الناس القريبة يقوموا بالمهمة دي معاكم ويحيوا الفرح بشكل يخلي الأضواء تتشال من عليكم شوية.

• بلاش فقرة تقطيع التورتة:

حضروا جزء من البوفيه للحلو وحطوا التورتة في وسط الترابيزة بدل ما يبقى فيه جزء مخصوص من الفرح لتقطيع التورتة وبعدين تأكلوها لبعض والناس كلها تتفرج! بلاش مش كده؟!

• بلاش الكوشة:

صحيح الكوشة جزء لا يتجزأ من أي فرح مصري أصيل، لكن الحقيقة إنها بتسليط الأضواء بشكل واضح وصريح عليكم طول الوقت، دلوقتي فيه عرسان كتير بتشيل الكوشة خالص وبيفضلوا يقعدوا عادي مع القرايب والاصحاب علي الترابيزات.

• بلاش زفة:

أيوة عادي، ممكن يبقى فيه فرح من غير زفة، ولو عايزين، ممكن تبقى زفة بسيطة تقليدية بدون أي إضافات غريبة تسليط الأضواء عليكم بشكل مش مريح، الفكرة إن الدخول للفرح ممكن يوتر ويخض كمان، ولو قلقانين من الخضة الأولى خلوا دخولكم بسيط وعادي.

تصوير محمد عاطف

 

تسليط الأضواء على العريس والعروسة يوم الفرح هيكون كبير، لو أنت أو إنتي شخصية خجولة ممكن تحسوا بضغط نفسي كل ما هتلاقوا معاد الفرح بيقرب، وضع مش سهل على ناس كتير إنها تبقى محط أنظار كل اللي في المكان، أجواء الفرح ممكن تدي إحساس زي رهبة المسرح كده، وأكيد مش كل الناس مرت بتجارب شبيهة علشان تخليهم متقبلين إنهم يبقوا مركز إهتمام.

مفهوم الجواز والالتزام لشخص معين لبقية حياتنا فكرة مخيفة،  ممكن تسبب حالة من التوتر قبل الفرح، تخيلوا بقى إنكم هتضطروا كمان تتعاملوا مع توتر تسيلط الأضواء عليكم، والتركيز الرهيب من كل اللي رايح وجاي؟!.

بسبب التوتر ده فيه ناس بتختار يا يعملوا فرح صغير لأقرب الناس ليهم أو ما يعملوش فرح أساسا، مش لازم تلجأوا للإختيارين دول وتفوتوا فرصة تعملوا فيها فرح تفتكروه طول عمركم، لمجرد مش حابين تبقوا مركز اهتمام، إعرفوا إزاي تقدروا تتغلبوا على القلق وتوتر ده بطرق بسيطة ومريحة. 

تصوير ريمون الماركيز

قللوا المعازيم:

بسيطة، قللوا العدد وبالتالي هتقل الدوشة والتفاعل مع ناس ممكن تكون غريبة عنكم، إعزموا القريبين سواء قرايب أو أصحاب، وعلشان تسهلوا على نفسكم إختاروا من الأول مكان ما يسعش عدد كبير، مش شرط يكون مكان فخم لكن هيديكوا إحساس بالراحة النفسية.

إعملوا فرح شكله بسيط:

لو بتحبوا البساطة ومش حابين أجواء الأفراح اللي فيها تسليط الأضواء بشكل كبير على العريس والعروسه، الأفضل تعملوا فرح بسيط يعكس شخصياتكم، بدل ما تختاروا تعملوه في فندق كبير ممكن يحسسكم بتوتر وضغط أكبر.

مكان الفرح رويال ليلي

إلبسوا اللي يريحكم:

مش علشان إنتم عرسان يبقى تلبسوا فستان، بدلة أو جزمة في منتهى الشياكة والأناقة وما تعرفوش تتحركوا بيهم! إختاروا الحاجة اللي هتديكم ثقة في نفسكم وكمان هترتاحوا في الحركة فيها. 

خلوا المكان اللي هتلبسوا فيه هادي:

لازم المكان اللي هيلبس فيه العريس والعروسة يوم الفرح يكون هادي ومريح نفسيا، مش لازم يبقى فيه 100 شخص طالعين خارجين من الأوضة!، قللوا عدد الأشخاص اللي هيبقوا موجودين لأهم وأقرب الناس ليكم علشان تحسوا بالاطمئنان. 

تصوير إيهاب زكريا

إعملوا جلسة تصوير قبل ما الفرح يبدأ على طول:

ناس كتير بتعمل جلسة تصوير قبل الفرح ما يبدأ والمعازيم تيجي، الحقيقة إنها طريقة هايلة لتقليل التوتر، التصوير هيخليكم تتعودوا على إحساس تسليط الأضواء عليكم، وممكن يقلل من التوتر اللي هتحسوا بيه مع بداية الفرح.

شوفي أكتر: 15 حاجة للعريس والعروسة مينفعش تتعمل يوم الفرح

ركزوا مع بعض وإنسوا اللي حواليكم:

طمنوا بعض، إنسوا الناس اللي حواليكم وفكروا في حبكم لبعض وقد إيه كل واحد فيكم محظوظ بالتاني، ممكن تجهزوا مكان بعيد عن دوشة الفرح، ترتاحوا فيه لمدة بسيطة علشان تسترجعوا طاقتكم وتريحوا أعصابكم شوية. 

تصوير حامد كامل

مثلوا لحد ما تنبسطوا بحق وحقيقي:

مثلوا لحد ما تتمكنوا، بمعنى إن لو حد فيكم لقى نفسه متوتر جدا يحاول يظهر العكس، لغاية ما يلاقي نفسه بمنتهى التلقائية مبسوط وفرحان بجد!، لو بس حاولتوا تفكوها شوية هتكتشفوا إن التوتر ده في الحقيقة مخاداع، الفقرات الأولى في الفرح ممكن تخض شوية، الأفضل تعملوا نفسكم في غاية الإرتياح والسعادة لحد ما التوتر يبدأ يختفي شوية شوية.

فقرات الفرح المنقذ الواعد:

جهزوا أي فقرة في الفرح لو الميزانية هتسمح علشان تبعدوا الأنظار عنكم شوية، الفقرات هتبقى نوع من الراحة بالنسبة لكم، وفي نفس الوقت هتبسط المعازيم، الفقرات ممكن تكون عروض رقص، فرق مزيكا أو مطربين.