قبل الفرح بـ6 شهور: إزاي تختاري تورتة الفرح؟ !

شيكولاتة يا مانجة حليب يا قشطة

Large

عملية اختيار تورتة الفرح من أمتع الحاجات اللي ممكن تعملوها سوا في التجهيزات، هتدوقوا كيك من أماكن كتير، ممكن تحسوا للحظة هو اللي جابنا هنا أصلا؟، أكيد مجاش في بالكم إن ممكن يجي اليوم اللي تقرأوا فيه مقالة أون لاين عن اختيار تورتة الفرح؟!، موضوع في مشوق مش كده؟، الحقيقة اختيار تورتة الفرح حاجة مهمة فعلا وفي نفس الوقت ممتعة، من غير ما نطول عليكم خلينا نقولكم إزاي ممكن تختاروا أحلى أنواع تورت الفرح.

  تورتة فرح: Cocoa by: Ohoud

1- اختيار مصمم تورتة الفرح:

"اللي بنى مصر كان في الأصل حلواني"، وعلشان كده لازم تتأكدوا الأول لو مقدم بوفيه الفرح بيعمل تورت للأفراح ولا لا قبل ما تبدأوا تدوروا في أماكن تانية، لو الإجابة أيوا، لازم تتأكدوا إن الحلو بتاعهم على نفس جودة الحادق، تاني حاجة محتاجين تعملوها إنكم تدوقوا التورت وتشوفوا نماذج منه.

في حالة إنهم مش بيعملوا تورت للأفراح، لازم تعملوا قائمة لأفضل صناع ومصممين التورت بناء على ترشيحات الأصدقاء، بعد كده ابدأوا في عمل زيارات ليهم علشان تقرروا مين أفضلهم على حسب الطعم، الشكل، الجودة والسعر، خلاص كده تم إختيار الحلواني!.

2- اختيار تورتة الفرح:

بعد ما تقرروا المصمم اللي هتختاروا من ضمن التورت اللي عنده أكتر حاجة مناسبة لكم، لأن مش بس الطعم اللي هيحدد اختياركم، كمان الموسم اللي هيتعمل فيه الفرح والألوان والديكورهيفرضوا نفسهم على التورتة، لازم تحطوا في بالكم إن التورتة جزء من شكل الفرح ككل، ماينفعش يبقى شكلها مش لايق على الفرح!.. اختاروا المكونات ونوع التورتة على حسب الموسم، يعني لو في الصيف ممكن تبقى بالآيس كريم.

 

 تورتة فرح: Salsabella cake studio

3- حجم تورتة الفرح:

علشان تحددوا الحجم لازم تستقرروا نهائيا على عدد المعازيم، يعني التورتة 3 أدوار بتأكل من 50 لـ100 شخص، والـ5 بتأكل من 200 أو أكتر.

4- سعر تورتة الفرح:

طبعا مش محتاجة كلام إن تحديد السعر هيعتمد على الميزانية، أول حاجة لازم تختاروا مصمم أسعاره معقولة وتتماشى مع ميزانيتكم، تاني حاجة لازم تعرفوها إن نوع التورتة بمكوناتها والزينة اللي عليها بيفرقوا في السعر بشكل كبير. 

5- طرق للتوفير:

اختاروا الزينة البسيطة، ابعدوا عن استخدام الورد المصنع من السكر وخليكوا في ورد طبيعي أو فاكهة طازة، في طريقة تانية ممكن توفروا بيها وهي إنكم تقللوا أدوار التورتة، وتجهزوا حلو وكيك بنفس الطعم من غير كل الزينة المكلفة، ممكن برضه تضيفوا أدوار في النص مصنعة على نفس شكل التورتة علشان تخلي شكلها أفخم وأكبر.

 تورتة فرح: Whipped Gourmet Cakery 

6- الطبقة الخارجية للتورتة:

لازم تعملوا حسابكم على الجو في اختيار الطبقة الخارجية للتورتة، لو هتعملوا الفرح في مكان خارجي ما تستخدموش مكونات الكريمة، اللارينج، والكريم شانتيه علشان ممكن يسيح من الحر، ممكن تستخدموا "الفندان" اللي هو عبار عن طبقة سميكة معمولة من السكر والماية وبيخلي شكل التورتة متماسكة، ممكن برضه طبقات تانية زي الـ"جاناش" اللي هي عبار عن موس شيكولاتة سميك معمول من الشيكولاتة والكريمة وبيبقى شكله زي المراية وطعمه شبيه للفادج. 

7- تقديم تورتة الفرح:

مش لازم تبالغوا أوي في تقديم تورتة الفرح، يعني مش مهم إنها تتقدم على صحن من الذهب ولا تنزل من السقف مثلا، إلا لو انتوا عاوزين كدة، بس في حالة لو حابين التقديم يبقى بشكل أساسي وبسيط اتأكدوا إن  شكل الترابيزة أو الصحن يبقى على شكل التورتة، يعني الاتنين يبقوا مدورين أو مربعين وهكذا.  

8- توصيل تورتة الفرح:

لازم تتأكدوا أكتر من مرة لو مصمم التورتة هيوفر التوصيل ولا لا، ما تعتمدوش على أنه أكيد هيوصل لو ده مش موجود في العقد، أوقات ناس كتير بتعتمد على إنها حاجة أساسية المصمم بيوفرها من غير ما يتأكدوا وفي الآخر بيعرفوا متأخر إن مفيش توصيل، بلاش تحطوا نفسكم في مواقف صعبة ودايما اتأكدوا تاني وتالت.

عملية اختيار تورتة الفرح من أمتع الحاجات اللي ممكن تعملوها سوا في التجهيزات، هتدوقوا كيك من أماكن كتير، ممكن تحسوا للحظة هو اللي جابنا هنا أصلا؟، أكيد مجاش في بالكم إن ممكن يجي اليوم اللي تقرأوا فيه مقالة أون لاين عن اختيار تورتة الفرح؟!، موضوع في مشوق مش كده؟، الحقيقة اختيار تورتة الفرح حاجة مهمة فعلا وفي نفس الوقت ممتعة، من غير ما نطول عليكم خلينا نقولكم إزاي ممكن تختاروا أحلى أنواع تورت الفرح.

  تورتة فرح: Cocoa by: Ohoud

1- اختيار مصمم تورتة الفرح:

"اللي بنى مصر كان في الأصل حلواني"، وعلشان كده لازم تتأكدوا الأول لو مقدم بوفيه الفرح بيعمل تورت للأفراح ولا لا قبل ما تبدأوا تدوروا في أماكن تانية، لو الإجابة أيوا، لازم تتأكدوا إن الحلو بتاعهم على نفس جودة الحادق، تاني حاجة محتاجين تعملوها إنكم تدوقوا التورت وتشوفوا نماذج منه.

في حالة إنهم مش بيعملوا تورت للأفراح، لازم تعملوا قائمة لأفضل صناع ومصممين التورت بناء على ترشيحات الأصدقاء، بعد كده ابدأوا في عمل زيارات ليهم علشان تقرروا مين أفضلهم على حسب الطعم، الشكل، الجودة والسعر، خلاص كده تم إختيار الحلواني!.

2- اختيار تورتة الفرح:

بعد ما تقرروا المصمم اللي هتختاروا من ضمن التورت اللي عنده أكتر حاجة مناسبة لكم، لأن مش بس الطعم اللي هيحدد اختياركم، كمان الموسم اللي هيتعمل فيه الفرح والألوان والديكورهيفرضوا نفسهم على التورتة، لازم تحطوا في بالكم إن التورتة جزء من شكل الفرح ككل، ماينفعش يبقى شكلها مش لايق على الفرح!.. اختاروا المكونات ونوع التورتة على حسب الموسم، يعني لو في الصيف ممكن تبقى بالآيس كريم.

 

 تورتة فرح: Salsabella cake studio

3- حجم تورتة الفرح:

علشان تحددوا الحجم لازم تستقرروا نهائيا على عدد المعازيم، يعني التورتة 3 أدوار بتأكل من 50 لـ100 شخص، والـ5 بتأكل من 200 أو أكتر.

4- سعر تورتة الفرح:

طبعا مش محتاجة كلام إن تحديد السعر هيعتمد على الميزانية، أول حاجة لازم تختاروا مصمم أسعاره معقولة وتتماشى مع ميزانيتكم، تاني حاجة لازم تعرفوها إن نوع التورتة بمكوناتها والزينة اللي عليها بيفرقوا في السعر بشكل كبير. 

5- طرق للتوفير:

اختاروا الزينة البسيطة، ابعدوا عن استخدام الورد المصنع من السكر وخليكوا في ورد طبيعي أو فاكهة طازة، في طريقة تانية ممكن توفروا بيها وهي إنكم تقللوا أدوار التورتة، وتجهزوا حلو وكيك بنفس الطعم من غير كل الزينة المكلفة، ممكن برضه تضيفوا أدوار في النص مصنعة على نفس شكل التورتة علشان تخلي شكلها أفخم وأكبر.