قبل الفرح بـ5 شهور: 10 حاجات هتساعدك تحدد مكان شهر العسل

سور الصين العظيم ولا بوركينا فاسو؟!

Large

كتبت آمنه مجدي

اختيار مكان شهر العسل من الحاجات اللي بتحتاج تخطيط بدري ودقيق، لو نفسكوا في سفرية ما حصلتش لازم  تدوروا الأول، في عالم الأفراح اللي بيخطط صح بينول، نفس الحاجة بتمشي على شهر العسل، كل ما تبدأ بدري في بحثك وتخطيطك هتلاقي أحسن العروض لأي مكان إنت عاوزه!.

اختيار المكان في الحقيقة يعتبر أهم وأسهل جزء في تجهيز رحلة شهر العسل، بعد كده بقى بيجي الحجز، تخطيط برنامج الرحلة، تحضير أوراق السفر والتذاكر وتحضير الشنط والذي منه، خلينا نسمي الأول ونبدأ بالأهم، هنروح فين؟!.

رحلة من: Tripoholic

1. ميزانية شهر العسل:

قبل ما حتى تبدأوا تحلموا ممكن تروحوا فين لازم يكون فيه ميزانية واضحة وصريحة لشهر العسل لوحده بعيد عن ميزانية الفرح، طبعا ميزانية الإتنين بيعتمدوا على بعض بشكل كبير، بعد ما تستقروا على ميزانية للإتنين هتقدروا تحددوا الأماكن اللي ممكن تروحوها.

2. جوا ولا برا مصر:

خلاص الميزانية اتحطت واتفقتوا عليها؟ دلوقتي باقي التظبيطات والقرارات هتكون أوضح كتير، أهمهم هل هتقدروا تسافروا برا ولا الميزانية هتقضي بس شهر عسل جوا مصر.

3. قائمة للأماكن اللي نفسكوا تزوروها:

لما يجي الوقت اللي هتقعدوا فيه مع بعض علشان تختاروا المكان لازم تبقوا مرنين ومستعدين تعملوا تنازلات بسيطة، أول حاجة تعملوها في القاعدة دي هي إن كل واحد يكتب أكتر 3 أماكن نفسه يروحهم، بعد كده اجمعوا كل الأماكن في قائمة واحدة.

فندق: STEIGENBERGER ALCAZAR

4. إزاي تقللوا الإختيارات:

دلوقتي الميزانية موجودة وكمان عملتوا قائمة من 6 أماكن نفسكم تروحوهم، علشان تقللوا الاختيارات شوية شوفوا إيه أكتر الحاجات اللي تحبوا تعملوها في شهر العسل، ركزوا على الأماكن اللي فيها حاجات انتوا الاتنين عاوزينها، ده هياخدنا للنقطة الجاية.

5. إختاروا المكان بناءا على اهتمامتكم:

الطبيعي هتختاروا مكان بناءا على اهتمامتكم انتوا الإتنين، هل بتحبوا المغامرة وحابين تخوضوا تجربة مثيرة؟، ممكن برضه تكونوا حابين تروحوا مدينة كبيرة وتزوروا معالم سياحية وأماكن تاريخية، ولا تفضلوا رحلة استرخائية تقضوها سوا على الرملة البيضاء الناعمة، وتاخدوا تان تحت الشمس الدافية قدام الماية التركوازية؟

6. الفيزا:

من أكتر الحاجات اللي هتقلل إختيارتكم كمان وكمان هي الفيزا! هل الفيزا سهلة ولا معقدة لدرجة إن ممكن تطلع بعد معاد السفر ويتحرق دمكم على كل التعب والفلوس اللي راحت؟!، مما لاشك فيه إن عنصر الفيزا هيوفر عليكم تعب كتير وهيساعدكم أكتر في اختيار البلد أو مكان الرحلة.

رحلة من: Tripoholic 

7. الوضع السياسي والصحي للبلد:

من الحاجات المهمة جدا اللي لازم تحطوها في الإعتبار هي الوضع السياسي والصحي في البلد اللي عاوزين تروحوها، اتأكدوا قبل ما تقرروا نهائيا إن الاوضاع مستقرة ومفيش أي خطورة على حياتكم ولا على صحكتم. 

8. فكروا في الجو والموسم:

حاجة تانية ما تفوتكمش هي الجو! هل الجو في المكان ده، في الوقت ده مناسب لبرنامج الرحلة اللي انتوا حاطينه والحاجات اللي عايزين تعملوها هناك؟، لازم تتأكدوا من قبل ما تستقروا على المكان إذا كان الجو مناسب وحلو ولا لأ، لأن أكيد مش هتبقوا عايزين تتفاجئوا بإنكم حجزتوا في الموسم الغلط علشان كسلتوا تدوروا صح. 

9. إعملوا برنامج لشهر العسل: 

الواجب لسة مخلصش! دلوقتي بقى قبل ما تروحوا أي مكان لازم تعملوا لنفسكم برنامج كده بسيط للحاجات اللي هتعملوها هناك، دوروا على حاجات جديدة وأماكن مستخبية ممكن تكتشفوها سوا، بلاش تمشوا على برنامج سياحي تقليدي كل الناس بتعمله وخلاص، اعرفوا لو فيه أماكن أو نشاطات هتحتاج حجز من بدري او لو هتحتاجوا تحجزوا وسائل مواصلات لأماكن تانية قريبة، خليكوا جاهزين لكل ده وخططوا له كويس!

فندق : Le Méridien Dahab Resort & Spa

10. شهر عسل دوبل!:

فيه ناس مش بتقدر توفر ميزانية كافية لشهر عسل برا مع ميزانية الفرح، وعلشان كده فيه كتير طبعا بيروحوا أماكن جوا مصر،السؤال هو ليه ما نعملش الإتنين؟ لو الميزانية خرمت منكم بعد تجهيزات الفرح ممكن تحضروا لسفرية لأي مكان في مصر وبعد سنة أو أكتر تسافروا برا، خلال الوقت ده ممكن تحوشوا وتعملوا أبحاثكم على رواقة أكتر، بعيدا عن دوشة الفرح، وكمان هتبقى فرصة تعملوا حاجة ممتعة بعد وقت من الجواز يجدد الإثارة مابينكم.

كتبت آمنه مجدي

اختيار مكان شهر العسل من الحاجات اللي بتحتاج تخطيط بدري ودقيق، لو نفسكوا في سفرية ما حصلتش لازم  تدوروا الأول، في عالم الأفراح اللي بيخطط صح بينول، نفس الحاجة بتمشي على شهر العسل، كل ما تبدأ بدري في بحثك وتخطيطك هتلاقي أحسن العروض لأي مكان إنت عاوزه!.

اختيار المكان في الحقيقة يعتبر أهم وأسهل جزء في تجهيز رحلة شهر العسل، بعد كده بقى بيجي الحجز، تخطيط برنامج الرحلة، تحضير أوراق السفر والتذاكر وتحضير الشنط والذي منه، خلينا نسمي الأول ونبدأ بالأهم، هنروح فين؟!.

رحلة من: Tripoholic

1. ميزانية شهر العسل:

قبل ما حتى تبدأوا تحلموا ممكن تروحوا فين لازم يكون فيه ميزانية واضحة وصريحة لشهر العسل لوحده بعيد عن ميزانية الفرح، طبعا ميزانية الإتنين بيعتمدوا على بعض بشكل كبير، بعد ما تستقروا على ميزانية للإتنين هتقدروا تحددوا الأماكن اللي ممكن تروحوها.

2. جوا ولا برا مصر:

خلاص الميزانية اتحطت واتفقتوا عليها؟ دلوقتي باقي التظبيطات والقرارات هتكون أوضح كتير، أهمهم هل هتقدروا تسافروا برا ولا الميزانية هتقضي بس شهر عسل جوا مصر.

3.  قائمة للأماكن اللي نفسكوا تزوروها:

لما يجي الوقت اللي هتقعدوا فيه مع بعض علشان تختاروا المكان لازم تبقوا مرنين ومستعدين تعملوا تنازلات بسيطة، أول حاجة تعملوها في القاعدة دي هي إن كل واحد يكتب أكتر 3 أماكن نفسه يروحهم، بعد كده اجمعوا كل الأماكن في قائمة واحدة.

فندق: STEIGENBERGER ALCAZAR

4. إزاي تقللوا الإختيارات:

دلوقتي الميزانية موجودة وكمان عملتوا قائمة من 6 أماكن نفسكم تروحوهم، علشان تقللوا الاختيارات شوية شوفوا إيه أكتر الحاجات اللي تحبوا تعملوها في شهر العسل، ركزوا على الأماكن اللي فيها حاجات انتوا الاتنين عاوزينها، ده هياخدنا للنقطة الجاية.

5. إختاروا المكان بناءا على اهتمامتكم:

الطبيعي هتختاروا مكان بناءا على اهتمامتكم انتوا الإتنين، هل بتحبوا المغامرة وحابين تخوضوا تجربة مثيرة؟، ممكن برضه تكونوا حابين تروحوا مدينة كبيرة وتزوروا معالم سياحية وأماكن تاريخية، ولا تفضلوا رحلة استرخائية تقضوها سوا على الرملة البيضاء الناعمة، وتاخدوا تان تحت الشمس الدافية قدام الماية التركوازية؟

6. الفيزا:

من أكتر الحاجات اللي هتقلل إختيارتكم كمان وكمان هي الفيزا! هل الفيزا سهلة ولا معقدة لدرجة إن ممكن تطلع بعد معاد السفر ويتحرق دمكم على كل التعب والفلوس اللي راحت؟!، مما لاشك فيه إن عنصر الفيزا هيوفر عليكم تعب كتير وهيساعدكم أكتر في اختيار البلد أو مكان الرحلة.