قبل الفرح بـ3 شهور: ليه تروح لمستشار علاقات قبل الجواز

ادخل برجلك اليمين من غير خوف

Large

بيقولوا لما تشك أو تخاف، اقرأ عن الموضوع وأنت هتطمن. لكن بالنسبة للجواز، عشان تطمن وتكون عارف كل اللي محتاج تعرفه قبل الفرح لازم تعمل زيارة لمستشار علاقات زوجية، دكتور نفسي أو معالج. نوع الخوف اللي بنتكلم عنه حلو، مطلوب وبيحصل بشكل طبيعي، بيكون سببه التحمس والفضول إنك تعرف اللي مستنيك وتطمن له. الإحساس بيبدأ معاك من لحظة ما تقول "أنا بحبك، وعايز أكمل حياتي معاك" لحد الوقت اللي بتبقوا فيه متجوزين رسمي. وده النوع اللي بيزقك لقدام، بيشجعك، بيحمسك تعرف وتتعلم، تدور على إجابات علشان تقتل خوفك من نفسك، من الطرف التاني، من علاقاتكم، من الجواز، من المستقبل، ومن محاولة إنك تكون مثالي فتفشل وكل حاجة تانية. ده بالظبط اللي يخليك تروح لمستشار علاقات قبل الجواز مرة أو اتنين، علشان تبقى متأكد 100%، معاك رأي متخصص وتكون داخل على الموضوع وأنت مطمن، ناسي خوفك وعارف كل اللي لازم تعرفه. 

قبل الفرح بتلات شهور، دور أونلاين واسأل عن مستشار نفسي كويس وشاطر واحجز أول ميعاد ليكم سوا. هتعرف في اللي جاي إزاي الزيارة دي هتفيدكم.

هي مرة واحدة بس:

أنت بتبدأ حياة جديدة، رحلة متعرفش فيها إيه، ماشي الموضوع خطوة خطوة لأنك بتعمل حاجات لأول مرة وكأنك بتبني عمارة من غير ولا عمال ولا أدوات، مش معاك غير نفسك. وعلشان كده، فيه مواضيع لازم تتكلم فيها، على الأقل مرة واحدة قبل الفرح وممكن تسمي المواضيع دي "مناقشات المرة الواحدة". 

١- توقعاتك، أنت بتتوقع إيه من الطرف التاني؟ هل عندك أي افتراضات أو تخيلات عن اللي مفروض يحصل؟، إيه هي؟، هل دي الحقيقة والواقع؟، هل الطرف التاني حاسس بنفس الكلام؟.

٢- الفلوس والمصاريف، حتى لو دي حاجة مش بتشغلك دلوقتي، لكن في المستقبل أنتم الاتنين هتكونوا مهتمين بيها. الماديات بتفرق ولازم تتفقوا عليها من الأول. إيه نوعية الحياة المناسبة ليك؟، إيه احتياجاتك المادية الأساسية؟ وإيه الحاجات اللي ممكن تستغنى عنها عادي لو واجهتكم أي مشكلة مادية؟

٣- قلقان من فرق النوع، راجل وست ودور كل واحد إيه؟، خايف من حاجة؟ خايف يتم التحكم فيك وفي حياتك أو العكس؟ ولو حصل، تتعامل إزاي مع ده؟ إيه الحالة الوسط اللي ممكن تتقابلوا فيها وتبدأوا تتفقوا؟ مين فيكم صاحب القرار الأخير لو اختلفتوا ولازم حد يقول الكلمة الأخيرة؟

٤- العلاقة الجنسية، اتكلمتوا عن ده؟!، لو لسه، يبقى لازم تتكلموا بصراحة وفي وجود دكتور متخصص، علشان ده موضوع يا يتفتح من بدري يا إما هتفضلوا خايفين تتناقشوا فيه. الدكتور هيسهل عليكم المهمة، هيعرفكم على الأقل أهم المفاهيم اللي لازم تتفقوا عليها والحاجات اللي لازم تعرفوها عن بعض. 

٥- الأطفال، رأيكم إيه أنتم الاتنين في الموضوع ده؟، عايزين تخلفوا؟ دلوقتي، بعدين ولا مفيش وقت معين؟ طيب، التربية هيكون شكلها إيه؟، كل واحد هيكون مسؤول عن إيه؟، هل حد فيكم بيفضل طريقة محددة في التربية أو في التعامل مع الأطفال؟ 

صوره من: Serenity Psychology Center

حدد أهدافك:

مش شرط تحدد كل الأهداف من الأول وانت رايح لمستشار العلاقات الزوجية، بس على الأقل يكون فيه هدف أو اتنين واضحين، خصوصا وأنت داخل تشارك حياتك وبيتك مع شخص جديد فجأة ولأول مرة. ده عادة بيحصل بشكل تلقائي، وسط الحوار بنتناقش في أهدافنا من الحياة ومن الجواز. 

١- عندك أهداف مهم تتحقق في علاقتك؟ متخيل شكل معين لحياتكم سوا؟ اشرح للطرف التاني أنت متخيل إيه، خليه معاك في الصورة علشان محدش فيكم يتصدم، واسمع رأيه ورأي المتخصص كمان عن الصورة اللي في خيالكم وعلاقتها بالواقع والحياة العملية. 

٢- إيه أهدافك في الحياة عامة؟، إيه قيمك، مبادئك، أولوياتك والحاجات اللي بتؤمن بيها وبتدافع عنها؟. اتكلم عن الحاجات المهمة بالنسبة لك واللي ما تقدرش تكمل من غيرها ولازم الطرف التاني يحترمها ويقدرها فيك.

صوره من: The Re Relation Retreat

شوفي أكتر: الأبحاث العلمية بتقول إن فيه 5 أنواع للعلاقات الزوجية.. إعرفوا إنتوا أي نوع فيهم!

إزاي تعمل كده:

ما فاتش الأوان ولا الوقت اتأخر على إنك تسأل، تقول إزاي اعمل كذا أو كذا، حتى لو الموضوع يبان عادي وبسيط. ممكن تلاقي مواقف ما كنتش تعرف إنك هتتعرضلها ومش عارف تتعامل معاها إزاي، ومش لازم تكون مشكلة، هي بس حاجات محتاج تعرف لها وصفة للتعامل.

١- إزاي تتعامل مع مخاوف الطرف التاني؟، والنقط اللي أنت شخصيا مش حاسس بالأمان من ناحيتها؟، هل الحاجات دي ممكن تأثر على جوازكم بعدين؟!.

٢- تعمل إيه لو زهقت؟، وإزاي تتعامل مع الملل والتعود؟!.

٣- إزاي تتعامل مع المشاكل؟ هل الحوار لازم يحصل وقت المشكلة ولا لو اتأجل لتاني يوم هيكون أحسن؟

٤- إزاي تعرف أصل المشكلة والخناقة لما الكلام يبقى مش واضح، وتكون خناقة واحدة ليها مليون سبب صغير؟.

٥- إزاي تتعامل مع الغضب؟.

٦- إزاي تتناقشوا بشكل مثمر ولطيف يوصلكم لحلول؟.

شارك، اهتم واتكلم:

إنك تسمع اللي قدامك ده فن ويمكن تكون أهم وأحلى حاجة تقدمها للطرف التاني في العلاقة هي إنك تسمعله. والفكرة مش بس في إنك تقعد قدامه وهو بيتكلم، الفكرة في إنك تسأله الأسئلة الصح، تهتم كفاية بيه وتبينله اهتمامك، وإنك عايز بجد تعرفه أكتر وتقرب منه وتستثمر فيه وفي علاقتكم. زيارة مستشار علاقات زوجية أو دكتور نفسي قبل الجواز هتساعدكم في تمهيد الطريق لكل ده بحاجات بسيطة زي:

١- الكلام عن مفاهيمكم وأهم الأفكار لكل واحد فيكم عن المستقبل وعن الحياة ونظرت كل طرف لنفسه وللشخص التاني. 

٢- مشاركة قصصكم القديمة، ذكرياتكم وخبراتكم الحياتية قبل ما تتقابلوا. 

٣- الكلام عن العيلتين، مشاكل كل طرف مع أهله شكلها كان إيه؟، ذكرياتكم مع أهلهكم وقت الطفولة عاملة إزاي؟.

٤- إيه اللي بتكرهوه في بعض؟ وإزاي مقررين تتعاملوا مع كل صفة مش بتحبوها في الطرف التاني. 

٥- إنكم تفهموا نفسكم، طبيعة العلاقة بينكم، نقط ضعفكم واحتياجاتكم. 

٦- وجود شخص محايد، يقدر يسمع ويقول رأيه اللي هيساعدكم من غير ما يكون متحيز لحد.

صوره من: Inside-out Counseling Center

بيقولوا لما تشك أو تخاف، اقرأ عن الموضوع وأنت هتطمن. لكن بالنسبة للجواز، عشان تطمن وتكون عارف كل اللي محتاج تعرفه قبل الفرح لازم تعمل زيارة لمستشار علاقات زوجية، دكتور نفسي أو معالج. نوع الخوف اللي بنتكلم عنه حلو، مطلوب وبيحصل بشكل طبيعي، بيكون سببه التحمس والفضول إنك تعرف اللي مستنيك وتطمن له. الإحساس بيبدأ معاك من لحظة ما تقول "أنا بحبك، وعايز أكمل حياتي معاك" لحد الوقت اللي بتبقوا فيه متجوزين رسمي. وده النوع اللي بيزقك لقدام، بيشجعك، بيحمسك تعرف وتتعلم، تدور على إجابات علشان تقتل خوفك من نفسك، من الطرف التاني، من علاقاتكم، من الجواز، من المستقبل، ومن محاولة إنك تكون مثالي فتفشل وكل حاجة تانية. ده بالظبط اللي يخليك تروح لمستشار علاقات قبل الجواز مرة أو اتنين، علشان تبقى متأكد 100%، معاك رأي متخصص وتكون داخل على الموضوع وأنت مطمن، ناسي خوفك وعارف كل اللي لازم تعرفه. 

قبل الفرح بتلات شهور، دور أونلاين واسأل عن مستشار نفسي كويس وشاطر واحجز أول ميعاد ليكم سوا. هتعرف في اللي جاي إزاي الزيارة دي هتفيدكم.

هي مرة واحدة بس:

أنت بتبدأ حياة جديدة، رحلة متعرفش فيها إيه، ماشي الموضوع خطوة خطوة لأنك بتعمل حاجات لأول مرة وكأنك بتبني عمارة من غير ولا عمال ولا أدوات، مش معاك غير نفسك. وعلشان كده، فيه مواضيع لازم تتكلم فيها، على الأقل مرة واحدة قبل الفرح وممكن تسمي المواضيع دي "مناقشات المرة الواحدة". 

١- توقعاتك، أنت بتتوقع إيه من الطرف التاني؟ هل عندك أي افتراضات أو تخيلات عن اللي مفروض يحصل؟، إيه هي؟، هل دي الحقيقة والواقع؟، هل الطرف التاني حاسس بنفس الكلام؟.

٢- الفلوس والمصاريف، حتى لو دي حاجة مش بتشغلك دلوقتي، لكن في المستقبل أنتم الاتنين هتكونوا مهتمين بيها. الماديات بتفرق ولازم تتفقوا عليها من الأول. إيه نوعية الحياة المناسبة ليك؟، إيه احتياجاتك المادية الأساسية؟ وإيه الحاجات اللي ممكن تستغنى عنها عادي لو واجهتكم أي مشكلة مادية؟

٣- قلقان من فرق النوع، راجل وست ودور كل واحد إيه؟، خايف من حاجة؟ خايف يتم التحكم فيك وفي حياتك أو العكس؟ ولو حصل، تتعامل إزاي مع ده؟ إيه الحالة الوسط اللي ممكن تتقابلوا فيها وتبدأوا تتفقوا؟ مين فيكم صاحب القرار الأخير لو اختلفتوا ولازم حد يقول الكلمة الأخيرة؟

٤- العلاقة الجنسية، اتكلمتوا عن ده؟!، لو لسه، يبقى لازم تتكلموا بصراحة وفي وجود دكتور متخصص، علشان ده موضوع يا يتفتح من بدري يا إما هتفضلوا خايفين تتناقشوا فيه. الدكتور هيسهل عليكم المهمة، هيعرفكم على الأقل أهم المفاهيم اللي لازم تتفقوا عليها والحاجات اللي لازم تعرفوها عن بعض. 

٥- الأطفال، رأيكم إيه أنتم الاتنين في الموضوع ده؟، عايزين تخلفوا؟ دلوقتي، بعدين ولا مفيش وقت معين؟ طيب، التربية هيكون شكلها إيه؟، كل واحد هيكون مسؤول عن إيه؟، هل حد فيكم بيفضل طريقة محددة في التربية أو في التعامل مع الأطفال؟ 

صوره من: Serenity Psychology Center

حدد أهدافك:

مش شرط تحدد كل الأهداف من الأول وانت رايح لمستشار العلاقات الزوجية، بس على الأقل يكون فيه هدف أو اتنين واضحين، خصوصا وأنت داخل تشارك حياتك وبيتك مع شخص جديد فجأة ولأول مرة. ده عادة بيحصل بشكل تلقائي، وسط الحوار بنتناقش في أهدافنا من الحياة ومن الجواز. 

١- عندك أهداف مهم تتحقق في علاقتك؟ متخيل شكل معين لحياتكم سوا؟ اشرح للطرف التاني أنت متخيل إيه، خليه معاك في الصورة علشان محدش فيكم يتصدم، واسمع رأيه ورأي المتخصص كمان عن الصورة اللي في خيالكم وعلاقتها بالواقع والحياة العملية. 

٢- إيه أهدافك في الحياة عامة؟، إيه قيمك، مبادئك، أولوياتك والحاجات اللي بتؤمن بيها وبتدافع عنها؟. اتكلم عن الحاجات المهمة بالنسبة لك واللي ما تقدرش تكمل من غيرها ولازم الطرف التاني يحترمها ويقدرها فيك.

صوره من: The Re Relation Retreat

شوفي أكتر: الأبحاث العلمية بتقول إن فيه 5 أنواع للعلاقات الزوجية.. إعرفوا إنتوا أي نوع فيهم!

إزاي تعمل كده:

ما فاتش الأوان ولا الوقت اتأخر على إنك تسأل، تقول إزاي اعمل كذا أو كذا، حتى لو الموضوع يبان عادي وبسيط. ممكن تلاقي مواقف ما كنتش تعرف إنك هتتعرضلها ومش عارف تتعامل معاها إزاي، ومش لازم تكون مشكلة، هي بس حاجات محتاج تعرف لها وصفة للتعامل.

١- إزاي تتعامل مع مخاوف الطرف التاني؟، والنقط اللي أنت شخصيا مش حاسس بالأمان من ناحيتها؟، هل الحاجات دي ممكن تأثر على جوازكم بعدين؟!.

٢- تعمل إيه لو زهقت؟، وإزاي تتعامل مع الملل والتعود؟!.

٣- إزاي تتعامل مع المشاكل؟ هل الحوار لازم يحصل وقت المشكلة ولا لو اتأجل لتاني يوم هيكون أحسن؟

٤- إزاي تعرف أصل المشكلة والخناقة لما الكلام يبقى مش واضح، وتكون خناقة واحدة ليها مليون سبب صغير؟.

٥- إزاي تتعامل مع الغضب؟.

٦- إزاي تتناقشوا بشكل مثمر ولطيف يوصلكم لحلول؟.

شارك، اهتم واتكلم:

إنك تسمع اللي قدامك ده فن ويمكن تكون أهم وأحلى حاجة تقدمها للطرف التاني في العلاقة هي إنك تسمعله. والفكرة مش بس في إنك تقعد قدامه وهو بيتكلم، الفكرة في إنك تسأله الأسئلة الصح، تهتم كفاية بيه وتبينله اهتمامك، وإنك عايز بجد تعرفه أكتر وتقرب منه وتستثمر فيه وفي علاقتكم. زيارة مستشار علاقات زوجية أو دكتور نفسي قبل الجواز هتساعدكم في تمهيد الطريق لكل ده بحاجات بسيطة زي:

١- الكلام عن مفاهيمكم وأهم الأفكار لكل واحد فيكم عن المستقبل وعن الحياة ونظرت كل طرف لنفسه وللشخص التاني. 

٢- مشاركة قصصكم القديمة، ذكرياتكم وخبراتكم الحياتية قبل ما تتقابلوا. 

٣- الكلام عن العيلتين، مشاكل كل طرف مع أهله شكلها كان إيه؟، ذكرياتكم مع أهلهكم وقت الطفولة عاملة إزاي؟.

٤- إيه اللي بتكرهوه في بعض؟ وإزاي مقررين تتعاملوا مع كل صفة مش بتحبوها في الطرف التاني. 

٥- إنكم تفهموا نفسكم، طبيعة العلاقة بينكم، نقط ضعفكم واحتياجاتكم. 

٦- وجود شخص محايد، يقدر يسمع ويقول رأيه اللي هيساعدكم من غير ما يكون متحيز لحد.

صوره من: Inside-out Counseling Center

الترتيب لفرحك أسهل كتير مع Weds360. لأننا عارفين إيه المهم، تقدر تعتمد علينا في كل تفصيلة.

Tools website

موقع الفرح

ده المكان اللي هتحتفظ فيه بكل الأوقات الحلوة وكل صور الفرح للأبد وتتحكم في كل التفاصيل. وهتقدر تختار تصميمه، وتخلي المعازيم يبعتولك عليه الصور والفيديوهات واللحظات المميزة في فرحك. اختار موقع الفرح
Tools budgeter

تكاليف الفرح

لو محدد الرقم اللي هتصرفه في الفرح، هنساعدك هنا تعرف تستغله صح وترتب التكاليف صح. اتحكم في فلوس فرحك
Tools checklist

جدول المهام

حدد الحاجات اللي وراك، اعمل لنفسك جدول بالمهم منها وبأولوياتك في تنظيم الفرح علشان متنساش حاجة. ابدأ من هنا
Tools guestlist

المعازيم

مين اللي جاي الفرح؟ ومين اللي لازم تأكد عليه؟ ومين اعتذر؟ كلها حاجات هتقدر تنظمها، تتحكم فيها وتبعت دعوات فرح مخصصة لكل مجموعة. ابدأ من هنا
Tools vendors

متخصصين الفرح

اعرف أكتر عن متخصصين الأفراح في كل المجالات وشوف شغلهم واختار الأفضل ليك ولفرحك. ابدأ من هنا
Tools registry

هدايا الفرح

جمع كل هدية نفسك فيها، كل محل بتحبه في مكان واحد، وساعد المعازيم يختاروا هدية الجواز من غير مواقف محرجة أو تكرار للهدايا. ابدأ من هنا
× Logo
Weds360
Mobile App
Install now