قبل الفرح بـ3 أسابيع: بروفة فستان الفرح الأخيرة أهم من التفصيل!

جهزي نفسك للبروفة الأخيرة فستان الفرح، المكياج والشعر

Large

فاضل 3 أسابيع على الفرح وتبقي عروسة، مامتك بتلبسك فستان الفرح، الكوافير بيعملك شعرك والميكب ارتيست بيحطلك مكياج فرحك، وقت البروفة النهائية عدى ووقت العرض الحقيقي جه. قبل ما نتكلم على وقت العرض خلينا الأول نرجع لـ3 أسابيع قبل الفرح ونشوف ممكن نجهز للعرض ده إزاي ونخلي حلمك يبقى حقيقة!. 

الأحسن إن قبل ما بنعمل أي حاجة جديدة لازم نجربها الأول، إنتي أكيد عملتي أبحاثك وخططتك وعملتي إختيارات كتير، دلوقتي جه الوقت اللي هتجربي فيه إختياراتك لآخر مرة علشان تتأكدي إن كله تمام، أول حاجة لازم تتأكدي إنها ميت فل وعشرة هي شكلك النهائي هيكون عامل إزاي، علشان كده لازم تجهزي نفسك كويس لآخر بروفة فستان، شعر وميك أب.

مصممة الأزياء: نورين فرح

- آخر بروفة لفستان الفرح:

في آخر بروفة لفستان الفرح لازم يكون على مقاسك بالظبط!، لا يكون ضيق ولا واسع زيادة من أي حتة، ما تقلقيش لو لقيتي الفستان مقاسه اختلف شوية عن آخر مرة لبستيه فيها، لإن ممكن تكوني زدتي أو خسيتي حبة، وده سبب إن آخر بروفة قبل الفرح على طول مهمة جدا، حتى لو الفستان مظبوط ومفهوش حاجة، أي تفاصيل محتاجة تعديل بيبقى سهل تعديلها في وقتها، أهم حاجة ما تمشيش إلا وإنتي مبسوطة ومرتاحة من تفاصيل الفستان. 

ركزي في كل التفاصيل وما تنسيش تسألي عن أي حاجة في تجهيز الفستان مش عرفاها، زي مثلا تعملي إيه لو الفستان إتكسر ومحتاج يتكوي؟، تستخدمي المكواة ولا البخار أفضل؟، كلها أسئلة ممكن ما تجيش على بالك إلا وإنتي في الموقف نفسه، حاجة تانية ممكن تساعدك هي إنك تتصوري وإنتي لابسة الفستان من كل الإتجاهات علشان ما يفوتكيش أي تفصيلة!. 

شوفي أكتر: 6 مواعيد لازم يكونوا في جدول العروسة قبل الفرح بـ6 شهور

تصميم: هشام أبو العلا

- أهم الحاجات اللي لازم تاخديها معاكي للبروفة:

• الملابس الداخلية:

خدي معاكي الملابس الداخلية اللي هتلبسيها يوم الفرح، علشان تتأكدي أنهم مظبوطين مع الفستان، مهم جدا تقيسي كل حاجة زي ما هتلبسيها في الفرح علشان تقدري تشوفي لو فيه أي تعديلات أخيرة لازم تتعمل للفستان.    

• الجزمة:

الجزمة بتحدد طول فستانك، ما تروحيش من غيرها بالذات في البروفة الأخيرة، ولو ناوية تلبسي كذا جزمة خديهم كلهم وقيسيهم على الفستان واتأكدي إن الطول مناسب.

• الطرحة والاكسسوار:

هاتي معاكي الطرحة والاكسسوار اللي هتلبسيهم يوم الفرح علشان تقدري تشوفي الصورة كاملة.

• ما تروحيش لوحدك:

أهم حاجة الشخص اللي هيبقى معاكي في البروفة لازم يكون معاكي يوم الفرح وانتي بتلبسي، ممكن مامتك، أختك، صديقتك أو قريبتك، الفكرة إن الشخص ده مش بس هيكون عينيكي اللي هتشوفي بيها من برا أي تفاصيل محتاجة تتعدل، لكن كمان هي اللي هتساعدك تلبسي الفستان وبالتالي هتكون مسؤولة تعرف تفاصيل محددة في لبس الفستان، يعني لو فيه زراير أو سوست معقدة شوية لازم تعرف إزاي بيتركبوا أو يتقفلوا صح. 

- بروفة الشعر الأخيرة:

قبل ماتروحي آخر بروفة عند الكوافير لازم تتأكدي من كام حاجة الأول:

أول حاجة هي أسعار البروفات، هل الكوافير عاملك عرض فيه بروفة أو أكتر من ضمن السعر الأساسي ولا هتضطري تدفعي حاجة زيادة؟، ولو سعر البروفة مش من ضمن العرض هتقدري تدفعي كام علشان تجربي مرة أو إتنين قبل الفرح؟.

تاني حاجة لازم تكوني محددة فيها هي الذوق والاستايل اللي إنتي عاوزاه، سواء الستايل ده بوهيمي، كلاسيكي،  أو فخم فلازم الشعر يكمل الشكل والستايل ده.

كوافير: حمادة سليم

 شوية نصايح لآخر بروفة شعر للفرح :

• لازم تاخدي معاكي الطرحة أو إكسسوار الشعر.

• ركزي وشوفي شعرك هيستحمل معاكي قد إيه بعد البروفة، شوفي لو مرتاحة في الحركة، ولا حاسة إنك لازم تمشي على قشر بيض علشان ما يبوظش منك.

• دايما تاخدي صور بعد أي بروفة، وتقارني بين أي بروفات عملتيها قبل كده، وشوفي لو ده خلاص اللي إنتي عاوزاه وعاجبك، ولا لسة فيه حاجة مش مظبوطة. 

• لازم شعرك يكون مغسول  ليلة البروفة مش يومها، علشان زيوت الشعر الطبيعية ترجع تظهر شوية، وبلاش تحطي أي حاجة على شعرك بعد ما يتغسل.

شوفي أكتر: إزاي تختاري كوافير الفرح؟

- بروفة ميك اب الفرح الأخيرة:

• نفس الحاجة في بروفة الميكب، اتأكدي من الميكب أرتيست، لو البروفة من ضمن العرض الكامل ولا لا.

• فكري في الجو، الوقت والمكان اللي هيتعمل فيهم الفرح، لو الفرح في مكان برا وفي الصيف خدي بالك جدا من الحر والرطوبة، ممكن يبوظ أو يسيح.

• مهم برضه تفكري في الشكل النهائي اللي إنتي عاوزاه والستايل اللي هتختاريه، الميكب من أهم العناصر اللي بتخلي الستايل ده يتحقق، بلاش ميكب مش لايق على فستانك وشعرك، لانه ممكن يغير الشكل تماما.

• بعد ما تخلصي البروفة اتصوري وانزلي اتمشي أو اعملي أي مشاوير محتاجة تنجزيها، علشان تاخدي فكرة المكياج ممكن يصمد معاكي قد إيه.

تصوير: رامي مزيكا

شوفي أكتر: إزاي تختاري الميك آب آرتست للفرح؟

- قواعد ثابتة للبروفات قبل الفرح:

• لو فيه أي تفصيلة مش عجباكي لازم تتكلمي وتسألي، ما تستنيش لحد قبل الفرح على طول علشان تحصل أي حاجة!.

• شوفي الميكب والشعر هيخدوا وقت قد إيه، وقتها هتعرفي الوقت اللي ممكن تجهزي فيه يوم الفرح، وبالتالي هتتفادي أي تأخير محتمل حتى لو بسيط.

 

فاضل 3 أسابيع على الفرح وتبقي عروسة، مامتك بتلبسك فستان الفرح، الكوافير بيعملك شعرك والميكب ارتيست بيحطلك مكياج فرحك، وقت البروفة النهائية عدى ووقت العرض الحقيقي جه. قبل ما نتكلم على وقت العرض خلينا الأول نرجع لـ3 أسابيع قبل الفرح ونشوف ممكن نجهز للعرض ده إزاي ونخلي حلمك يبقى حقيقة!. 

الأحسن إن قبل ما بنعمل أي حاجة جديدة لازم نجربها الأول، إنتي أكيد عملتي أبحاثك وخططتك وعملتي إختيارات كتير، دلوقتي جه الوقت اللي هتجربي فيه إختياراتك لآخر مرة علشان تتأكدي إن كله تمام، أول حاجة لازم تتأكدي إنها ميت فل وعشرة هي شكلك النهائي هيكون عامل إزاي، علشان كده لازم تجهزي نفسك كويس لآخر بروفة فستان، شعر وميك أب.

مصممة الأزياء: نورين فرح

- آخر بروفة لفستان الفرح:

في آخر بروفة لفستان الفرح لازم يكون على مقاسك بالظبط!، لا يكون ضيق ولا واسع زيادة من أي حتة، ما تقلقيش لو لقيتي الفستان مقاسه اختلف شوية عن آخر مرة لبستيه فيها، لإن ممكن تكوني زدتي أو خسيتي حبة، وده سبب إن آخر بروفة قبل الفرح على طول مهمة جدا، حتى لو الفستان مظبوط ومفهوش حاجة، أي تفاصيل محتاجة تعديل بيبقى سهل تعديلها في وقتها، أهم حاجة ما تمشيش إلا وإنتي مبسوطة ومرتاحة من تفاصيل الفستان. 

ركزي في كل التفاصيل وما تنسيش تسألي عن أي حاجة في تجهيز الفستان مش عرفاها، زي مثلا تعملي إيه لو الفستان إتكسر ومحتاج يتكوي؟، تستخدمي المكواة ولا البخار أفضل؟، كلها أسئلة ممكن ما تجيش على بالك إلا وإنتي في الموقف نفسه، حاجة تانية ممكن تساعدك هي إنك تتصوري وإنتي لابسة الفستان من كل الإتجاهات علشان ما يفوتكيش أي تفصيلة!. 

شوفي أكتر: 6 مواعيد لازم يكونوا في جدول العروسة قبل الفرح بـ6 شهور

تصميم: هشام أبو العلا

- أهم الحاجات اللي لازم تاخديها معاكي للبروفة:

• الملابس الداخلية:

خدي معاكي الملابس الداخلية اللي هتلبسيها يوم الفرح، علشان تتأكدي أنهم مظبوطين مع الفستان، مهم جدا تقيسي كل حاجة زي ما هتلبسيها في الفرح علشان تقدري تشوفي لو فيه أي تعديلات أخيرة لازم تتعمل للفستان.    

• الجزمة:

الجزمة بتحدد طول فستانك، ما تروحيش من غيرها بالذات في البروفة الأخيرة، ولو ناوية تلبسي كذا جزمة خديهم كلهم وقيسيهم على الفستان واتأكدي إن الطول مناسب.

• الطرحة والاكسسوار:

هاتي معاكي الطرحة والاكسسوار اللي هتلبسيهم يوم الفرح علشان تقدري تشوفي الصورة كاملة.

• ما تروحيش لوحدك:

أهم حاجة الشخص اللي هيبقى معاكي في البروفة لازم يكون معاكي يوم الفرح وانتي بتلبسي، ممكن مامتك، أختك، صديقتك أو قريبتك، الفكرة إن الشخص ده مش بس هيكون عينيكي اللي هتشوفي بيها من برا أي تفاصيل محتاجة تتعدل، لكن كمان هي اللي هتساعدك تلبسي الفستان وبالتالي هتكون مسؤولة تعرف تفاصيل محددة في لبس الفستان، يعني لو فيه زراير أو سوست معقدة شوية لازم تعرف إزاي بيتركبوا أو يتقفلوا صح. 

- بروفة الشعر الأخيرة:

قبل ماتروحي آخر بروفة عند الكوافير لازم تتأكدي من كام حاجة الأول:

أول حاجة هي أسعار البروفات، هل الكوافير عاملك عرض فيه بروفة أو أكتر من ضمن السعر الأساسي ولا هتضطري تدفعي حاجة زيادة؟، ولو سعر البروفة مش من ضمن العرض هتقدري تدفعي كام علشان تجربي مرة أو إتنين قبل الفرح؟.

تاني حاجة لازم تكوني محددة فيها هي الذوق والاستايل اللي إنتي عاوزاه، سواء الستايل ده بوهيمي، كلاسيكي،  أو فخم فلازم الشعر يكمل الشكل والستايل ده.