قبل الفرح بـ12 شهر: إزاي تختاري فستان الفرح اللي يناسب شكل جسمك؟

مش علشان عاجبك لازم يليق عليكي!

Large

 في عناصر مهمة لازم العروسة تفكر فيها وهي بتختار فستان الفرح، أول حاجة لازم تعرفيها هو نوع وشكل جسمك، وإيه التصميمات اللي بتحبيها، على أساس الحاجتين دول هتبدئي تدوري على موديلات مختلفة، تابعي مجلات ومواقع الأفراح المفضلة ليكي ودوري على أشكال كتيرة لفساتين الأفراح على pinterest، ممكن تاخدي أفكار عن أكتر الحاجات اللي بتحبيها، حابة الموديلات الشيك البسيطة؟ ولا ميالة لفستان الفرح المطرز أكتر؟، جهزي قائمة للموديلات والتصميمات المفضلة ليكي علشان يساعدوكي أكتر في التدوير. 

قبل ما تبدئي تدوري على فستان أحلامك لازم الأول تحددي الإطلالة أو اللوك اللي حابة تظهري به يوم فرحك، من أكتر الحاجات اللي بتساعد في عملية الاختيار هي إنك تقيسي تصميمات مختلفة علشان تعرفي أيه اللي بيليق عليكي ومناسب لتقسيمة وشكل جسمك، ممكن تكوني حابة تصميم معين، لكن تكتشفي بعد ما تقيسي إنه مش مناسب خالص لتقسيمة جسمك!.

هنا هنقولك على شوية نصايح تسهل عليكي اختار تصميم الفستان المناسب لشكل جسمك، هنساعدك برضه تعملي قائمة على أساسها هتبدئي مشوارك في الاختيار والبحث. 

شكل الكمثرى:

شكل الكمثرى بيوصف الجسم اللي عرض الكتاف بيكون أقل من الجناب، لو جسمك واخد شكل الكمثرى اظهري رقبتك وداري الجناب، اعرفي أكثر التصميمات المناسبة لتقسيمة جسم الكمثرى:

• الفستان السان بروتيل وخصوصا القصة اللي على شكل قلب هيحلي شكل كتافك ورقبتك.

• الجيب اللي على شكل حرف A  اللي ماسكة من عند الوسط ونازلة على واسع بتصغر حجم الجناب.

• ممكن برضه تلبسي ستايل البرنسيس اللي بيركز على الوسط وبيخبي الجزء اللي تحت لو مليان.

• لو مش حابة تلفتي النظر للجزء اللي تحت ابعدي عن الضيق وديل السمكة في الجيب علشان التصميمات دي بتظهر أوي تفاصيل جسمك.

شوفي أكتر: إزاي تختاري الستايليست بتاعك؟

الفستان من Glamour Bridals

شكل التفاحة:

شكل الجسم اللي على شكل تفاحة بيكون منطقة الصدر والوسط  أكبر من الأطراف، وفي الحالة دي ممكن تختاري من التصميمات دي لفستان الفرح

• الوسط العالي والجيب اللي على شكل A علشان هيخلوا شكلك أطول وأكتر رشاقة، وهيخفوا منطقة الوسط.

• تفادي الوسط اللي بيبقى عند الجناب ومعاه الجيب المنفوشة علشان بيركزوا بشكل كبير على منطقة الوسط.

• شكل السبعة في الجزء اللي فوق بيظهر رقبتك طويلة وممشوقة، وبيبعد الأنظار عن منطقة الصدر والوسط.

• لو بتحبي السان بروتيل اختاري شكل القلب، علشان يدي إحساس بالتحكم أكتر، وبيدي شكل أصغر لمنطقة الصدر.

الفستان تصميم نورين فرح

شكل الساعة الرميلة:

الجسم اللي تقسيمته على شكل ساعة رملية هو اللي بيتناسق الكتاف فيه مع الجناب، أكتر الموديلات اللي بتليق عليه: 

• ديل السمكة هيحلي شكل جسمك جدا لأنه بيركز على المنحنيات، وبرضه شكل الترامبت اللي شبيه جدا لديل السمكة.

• الوسط اللي عند الجناب اختيار مناسب تماما، لأنه بيحدد منطقة الوسط  لغاية الجناب وبيركز على تناسق جسمك.

• ممكن تختاري الرقبة المفتوحة على شكل سبعة، أو مدورة، أو مربعة أو حتى على شكل قلب.

• تقدري تختاري السان بروتيل لو حابة تركزي على كتافك أكتر.

الفستان تصميم Shay's Couture

الجسم الصغير:

نوع الجسم ده بيبقى هيئة جسمه كلها صغيرة، ويليق عليه التصميمات دي: 

• الوسط العادي مع جيب نازلة على واسع بيدي طول أكتر.

• جربي نوع الفستان المجسم من فوق ونازل على واسع، "إيفازيه" بيدي طول ورشاقة.

• تفادي تماما الوسط اللي عند الجناب لأنه بيدي الإيحاء إن جسمك مقسوم نصين!

• أحسن اختيار هو الفستان اللي بينزل على منحنيات الجسم بشكل طبيعي، من غير أي كرانيش أو جيب منفوشة.

• غير الرقبة المربعة، المدورة أو السان بروتيل ممكن تجربي الرقبة الطويلة اللي بتطول شكل رقبتك وكتافك.

شوفي أكتر: إزاي تختاري مصمم فستان فرحك؟

الفستان من Malton Bridal

الجسم المليان:

• جربي الجيب اللي على شكل A  بتدي شكل متناسق لأي جسم.

• الوسط العادي والجيب الـ A  بيطول الجسم من الوسط لتحت وبيدي رشاقة.

• ما تستخدميش تطريز، فصوص أو خياطة كتيرة عند منطقة الوسط بالذات علشان بيدوا إيحاء إن الحجم أكبر من الطبيعي.

• الوسط اللي عند الجناب واللي نازل على جيب واسعة بيرفع الجسم وبيدي شكل جميل لمنحنيات جسمك.

الفستان من ANSKADA

 في عناصر مهمة لازم العروسة تفكر فيها وهي بتختار فستان الفرح، أول حاجة لازم تعرفيها هو نوع وشكل جسمك، وإيه التصميمات اللي بتحبيها، على أساس الحاجتين دول هتبدئي تدوري على موديلات مختلفة، تابعي مجلات ومواقع الأفراح المفضلة ليكي ودوري على أشكال كتيرة لفساتين الأفراح على pinterest، ممكن تاخدي أفكار عن أكتر الحاجات اللي بتحبيها، حابة الموديلات الشيك البسيطة؟ ولا ميالة لفستان الفرح المطرز أكتر؟، جهزي قائمة للموديلات والتصميمات المفضلة ليكي علشان يساعدوكي أكتر في التدوير. 

قبل ما تبدئي تدوري على فستان أحلامك لازم الأول تحددي الإطلالة أو اللوك اللي حابة تظهري به يوم فرحك، من أكتر الحاجات اللي بتساعد في عملية الاختيار هي إنك تقيسي تصميمات مختلفة علشان تعرفي أيه اللي بيليق عليكي ومناسب لتقسيمة وشكل جسمك، ممكن تكوني حابة تصميم معين، لكن تكتشفي بعد ما تقيسي إنه مش مناسب خالص لتقسيمة جسمك!.

هنا هنقولك على شوية نصايح تسهل عليكي اختار تصميم الفستان المناسب لشكل جسمك، هنساعدك برضه تعملي قائمة على أساسها هتبدئي مشوارك في الاختيار والبحث. 

شكل الكمثرى:

شكل الكمثرى بيوصف الجسم اللي عرض الكتاف بيكون أقل من الجناب، لو جسمك واخد شكل الكمثرى اظهري رقبتك وداري الجناب، اعرفي أكثر التصميمات المناسبة لتقسيمة جسم الكمثرى:

• الفستان السان بروتيل وخصوصا القصة اللي على شكل قلب هيحلي شكل كتافك ورقبتك.

• الجيب اللي على شكل حرف A  اللي ماسكة من عند الوسط ونازلة على واسع بتصغر حجم الجناب.

• ممكن برضه تلبسي ستايل البرنسيس اللي بيركز على الوسط وبيخبي الجزء اللي تحت لو مليان.

• لو مش حابة تلفتي النظر للجزء اللي تحت ابعدي عن الضيق وديل السمكة في الجيب علشان التصميمات دي بتظهر أوي تفاصيل جسمك.

شوفي أكتر: إزاي تختاري الستايليست بتاعك؟

الفستان من Glamour Bridals

شكل التفاحة:

شكل الجسم اللي على شكل تفاحة بيكون منطقة الصدر والوسط  أكبر من الأطراف، وفي الحالة دي ممكن تختاري من التصميمات دي لفستان الفرح

• الوسط العالي والجيب اللي على شكل A علشان هيخلوا شكلك أطول وأكتر رشاقة، وهيخفوا منطقة الوسط.

• تفادي الوسط اللي بيبقى عند الجناب ومعاه الجيب المنفوشة علشان بيركزوا بشكل كبير على منطقة الوسط.

• شكل السبعة في الجزء اللي فوق بيظهر رقبتك طويلة وممشوقة، وبيبعد الأنظار عن منطقة الصدر والوسط.

• لو بتحبي السان بروتيل اختاري شكل القلب، علشان يدي إحساس بالتحكم أكتر، وبيدي شكل أصغر لمنطقة الصدر.