قبل الفرح بـ11 شهر إزاي تحدد ميزانية فرحك؟
Amna Magdy
May 2, 2019
وقت القراءة:
4د
قبل الفرح بـ11 شهر إزاي تحدد ميزانية فرحك؟
تدفع إيه.. ما تدفعش إيه!
مش عارف إزاي تحدد ميزانية الفرح ولا تبتدي منين؟، من أكتر الحاجات اللي بتقلق العرسان تحديد ميزانية الفرح. ما تقلقش، خد نفس عميق ببطء، شهيق، زفير، كل حاجة ليها حل وكله بيعدي! شوية حاجات بس هتعملهم وهتلاقي نفسك في الكوشة بتشرب الشربات!
مين هيدفع وهيدفع إيه؟:
قبل أي خطط لازم إنتوا الإتنين تقعدوا وتتكلموا عن الميزانية وتعرفوا مين يقدر يشارك بإيه، يعني مثلا الفرح هيكون النص بالنص ولا العريس هيدفع الأساسيات والعروسة هتدفع أي حاجة زيادة؟، هي أكيد مناقشة مش لطيفة لكن في غاية الأهمية. حاولوا تحطوا رقم تقريبي للميزانية مع بعض بناءا على إمكانياتكم المادية، سموا باسم الله وابدؤا في مناقشة تفاصيل المواضيع دي:
أول حاجة قرروا إيه ممكن تكون مصادر الميزانية:
إيه هي مصادر الميزانية؟، فيه مصادر أساسية لازم تعتمدوا عليها زي حساب البنك والدخل الشهري لكل واحد فيكم، وهل والأهل هيساهموا في تكاليف الفرح؟!، بعد ما تشيلوا مبلغ على جنب لأي ظرف طارئ، هتعرفوا معاكم قد إيه، ولازم تحددوا كل واحد يقدر يشيل قد إيه بالظبط من الدخل الشهري.
نفسك في إيه في فرحك؟:
بتحلم يوم فرحك يبقي شكله عامل إزاي؟ نفسك فرحك يبقي فيه مين؟ لازم تعملوا قائمة بكل الحاجات اللي محتاجينها للفرح بداية من البوفيه، الورد، حتى الإضاءة، بعد كده قسم القائمة الكبيرة لتلاتة صغيرين، أول واحدة فيها أهم الحاجات، تاني واحدة فيها اللي مش مهمة أوي، والتالتة الحاجات اللي ممكن نستغنى عنها.
دعوة فرح من: White Yard
محتاج كام لكل حاجة؟:
قيموا سعر كل حاجة موجودة في كل قائمة لوحدها، بعد كدة اجمعوا أسعار كل واحدة لوحدها علشان تعرفوا السعر التقريبي لكل قائمة من التلاتة، وسعر تاني للتلاتة مع بعض. قارنوا الأسعار مع الرقم الموجود في الميزانية في الأول خالص، ساعتها هتعرفوا انتوا محتاجين تضيفوا أو تنقصوا إيه علشان تظبطوا ميزانيتكم.
متابعة ميزانية الفرح بحرص:
فيه تفاصيل كتير هتفكروا فيها للفرح، ومع التفاصيل دي ممكن حاجات كتير تقع منكم في النص، ولو مكتبتوش الحاجات اللي اتدفعت واللي لسة ما اتدفعتش الميزانية ممكن تتخرم!، لازم تتابعوا كويس إيه اللي خلص واللي لسة ما خلصش علشان ما تتفاجؤوش بحاجة كانت تايهة عنكم.
أهم الحاجات اللي بتحدد ميزانية الفرح:
شكل ومكان الفرح:
أهم حاجة تفكروا فيها علشان تعرفوا تحددوا الميزانية شكل ومكان الفرح، لو الفرح رسمي التكاليف ممكن تعلى أكتر، لإنكم هتضطروا ترفعوا مستوى كل حاجة في الفرح علشان ياخد الشكل الرسمي. تاني حاجة تفكروا فيها هي المكان اللي هتعملوا فيه الفرح فندق كبير، فيلا، على البحر، المكان بيحدد شكل أو مود الفرح مع إختيار التوقيت بليل أو الظهر، على حسب ميزانيتكم اختاروا المكان والشكل والوقت.
Le Méridien Dahab Resort & Spa
بوفيه الفرح:
بوفيه الفرح جزء تاني مهم جدا، لأنه من أكتر الحاجات المكلفة في أي فرح سواء كان في أكبر فندق في البلد أو في فيلا خاصة، البوفيه كمان بيحدد عدد المعازيم، دوروا على مقدمين البوفيه من على السوشيال ميديا وحاولوا تصمموا البوفيه بطريقة مش مكلفة، مش لازم تختاروا أكلات مكلفة بشكل كبير، ممكن برضه تحددوا أشكال وأصناف البوفيه، كل ده هيقلل شوية من التكاليف، وهيخليكم تتحركوا في عدد المعازيم بشكل أكبر.
شوفي أكتر: ٥ حاجات تخليك تغطي تكاليف الفرح
بوفيه من : Crave Egypt
تصميم قائمة معازيم الفرح:
عدد المعازيم مش بس بيتحدد على حسب عدد الأصدقاء والقرايب، لكن كمان على حسب قدرتكم المادية، هل هتقدروا تستقبلوا كل العدد ده؟ هل المكان اللي اختارتوه يقدر يستوعب العدد كله؟، هل الميزانية تكفي بوفيه لكل العدد ده؟، أول حاجة حددوا عدد المعازيم على أساس ميزانية الفرح والمكان، بعد كده اقسموا العدد بينكم، بعد التقسيم خططوا كويس جدا إزاي ممكن تستغلوا المكان والميزانية بشكل ناجح علشان كل حبايبكم يحضروا فرحكم..
مش عارف إزاي تحدد ميزانية الفرح ولا تبتدي منين؟، من أكتر الحاجات اللي بتقلق العرسان تحديد ميزانية الفرح. ما تقلقش، خد نفس عميق ببطء، شهيق، زفير، كل حاجة ليها حل وكله بيعدي! شوية حاجات بس هتعملهم وهتلاقي نفسك في الكوشة بتشرب الشربات!
مين هيدفع وهيدفع إيه؟:
قبل أي خطط لازم إنتوا الإتنين تقعدوا وتتكلموا عن الميزانية وتعرفوا مين يقدر يشارك بإيه، يعني مثلا الفرح هيكون النص بالنص ولا العريس هيدفع الأساسيات والعروسة هتدفع أي حاجة زيادة؟، هي أكيد مناقشة مش لطيفة لكن في غاية الأهمية. حاولوا تحطوا رقم تقريبي للميزانية مع بعض بناءا على إمكانياتكم المادية، سموا باسم الله وابدؤا في مناقشة تفاصيل المواضيع دي:
أول حاجة قرروا إيه ممكن تكون مصادر الميزانية:
إيه هي مصادر الميزانية؟، فيه مصادر أساسية لازم تعتمدوا عليها زي حساب البنك والدخل الشهري لكل واحد فيكم، وهل والأهل هيساهموا في تكاليف الفرح؟!، بعد ما تشيلوا مبلغ على جنب لأي ظرف طارئ، هتعرفوا معاكم قد إيه، ولازم تحددوا كل واحد يقدر يشيل قد إيه بالظبط من الدخل الشهري.
نفسك في إيه في فرحك؟:
بتحلم يوم فرحك يبقي شكله عامل إزاي؟ نفسك فرحك يبقي فيه مين؟ لازم تعملوا قائمة بكل الحاجات اللي محتاجينها للفرح بداية من البوفيه، الورد، حتى الإضاءة، بعد كده قسم القائمة الكبيرة لتلاتة صغيرين، أول واحدة فيها أهم الحاجات، تاني واحدة فيها اللي مش مهمة أوي، والتالتة الحاجات اللي ممكن نستغنى عنها.
دعوة فرح من: White Yard
محتاج كام لكل حاجة؟:
قيموا سعر كل حاجة موجودة في كل قائمة لوحدها، بعد كدة اجمعوا أسعار كل واحدة لوحدها علشان تعرفوا السعر التقريبي لكل قائمة من التلاتة، وسعر تاني للتلاتة مع بعض. قارنوا الأسعار مع الرقم الموجود في الميزانية في الأول خالص، ساعتها هتعرفوا انتوا محتاجين تضيفوا أو تنقصوا إيه علشان تظبطوا ميزانيتكم.
متابعة ميزانية الفرح بحرص:
فيه تفاصيل كتير هتفكروا فيها للفرح، ومع التفاصيل دي ممكن حاجات كتير تقع منكم في النص، ولو مكتبتوش الحاجات اللي اتدفعت واللي لسة ما اتدفعتش الميزانية ممكن تتخرم!، لازم تتابعوا كويس إيه اللي خلص واللي لسة ما خلصش علشان ما تتفاجؤوش بحاجة كانت تايهة عنكم.
أهم الحاجات اللي بتحدد ميزانية الفرح:
شكل ومكان الفرح:
أهم حاجة تفكروا فيها علشان تعرفوا تحددوا الميزانية شكل ومكان الفرح، لو الفرح رسمي التكاليف ممكن تعلى أكتر، لإنكم هتضطروا ترفعوا مستوى كل حاجة في الفرح علشان ياخد الشكل الرسمي. تاني حاجة تفكروا فيها هي المكان اللي هتعملوا فيه الفرح فندق كبير، فيلا، على البحر، المكان بيحدد شكل أو مود الفرح مع إختيار التوقيت بليل أو الظهر، على حسب ميزانيتكم اختاروا المكان والشكل والوقت.
Le Méridien Dahab Resort & Spa
بوفيه الفرح:
بوفيه الفرح جزء تاني مهم جدا، لأنه من أكتر الحاجات المكلفة في أي فرح سواء كان في أكبر فندق في البلد أو في فيلا خاصة، البوفيه كمان بيحدد عدد المعازيم، دوروا على مقدمين البوفيه من على السوشيال ميديا وحاولوا تصمموا البوفيه بطريقة مش مكلفة، مش لازم تختاروا أكلات مكلفة بشكل كبير، ممكن برضه تحددوا أشكال وأصناف البوفيه، كل ده هيقلل شوية من التكاليف، وهيخليكم تتحركوا في عدد المعازيم بشكل أكبر.
شوفي أكتر: ٥ حاجات تخليك تغطي تكاليف الفرح
بوفيه من : Crave Egypt
تصميم قائمة معازيم الفرح:
عدد المعازيم مش بس بيتحدد على حسب عدد الأصدقاء والقرايب، لكن كمان على حسب قدرتكم المادية، هل هتقدروا تستقبلوا كل العدد ده؟ هل المكان اللي اختارتوه يقدر يستوعب العدد كله؟، هل الميزانية تكفي بوفيه لكل العدد ده؟، أول حاجة حددوا عدد المعازيم على أساس ميزانية الفرح والمكان، بعد كده اقسموا العدد بينكم، بعد التقسيم خططوا كويس جدا إزاي ممكن تستغلوا المكان والميزانية بشكل ناجح علشان كل حبايبكم يحضروا فرحكم..
