قبل الفرح بشهر: ازاي توصل لمكان فرحك بشياكة؟ !

فيسبا بقى أو ليموزين الليلة ليلتك

Large

الليلة قربت وأكيد الحماسة واخداك! شهر واحد بس قبل الفرح معناه إنك لازم تتأكد من مواعيد وتفاصيل كتيرة مهمة، هتحتاج تركز أكتر في التفاصيل البسيطة الأخيرة  وأولهم إزاي هتختار عربية الفرح؟ علشان توصل لفرحك بشياكة أناقة بدلتك لوحدها مش كفاية!.

مهم جدا ترتب تفاصيل الوصول والرحيل من ولمكان الفرح هيحصل إزاي من قبلها بشوية، ما تسيبش تفصيلة زي دي لآخر لحظة حتى لو ممكن تكون حاجة بسيطة وسهلة، خلي بالك إن مش معنى إن الموضوع بسيط إنه مش مهم.

تصوير إيهاب زكريا

اختيار الوسيلة والطريقة اللي هتوصل بيها لفرحك هيترتب عليهم كذا عامل، أولهم إنك الأول تعرف إيه هي إحتياجاتك الأساسية؟ 

مثلا عايز كام عربية تزفك إنت وعروستك من البيت لمكان الفرح ومن الفرح لبيتكم الجديد؟، غير العربية اللي هتركبوا فيها مع بعض، هتحتاج تتأكد إن العيلة والأصحاب القريبين ليهم توصيلة ومظبطين عربياتهم للزفة، أما باقي المعازيم والأصحاب ما تشلش همهم لأنهم أكيد هيرتبوا بنفسهم التوصيلة بتاعتهم. 

الإيجار:

أول حاجة لازم تحددها هتأجر عربية ليوم الفرح ولا هتروحوا بعربيتك، هتستلف عربية حد من أهلك أو أصحابك؟، فيه بيفضلوا يأجروا عربية واحدة بس للعريس والعروسة، وفيه بيأجروا ليموزين علشان تاخد عدد أكبر، بغض النظر عن الإختيار اللي هترسى عليه في الآخر المهم تزين وتظبط العربية كويس قبلها.

تصوير محمد عاطف

فرح برا القاهرة:

لو قررتوا تعملوا فرحكم برا القاهرة لازم تأجر عدد أتوبيسات كافي لتوصيل المعازيم، لازم تحدد الأول عدد المعازيم علشان تعرف هتأجر كام أتوبيس، لو الفرح هيكون على الضيق ممكن برضه تتفق مع الأصحاب والقرايب على توصيلة مع بعض وتنسى خالص موضوع الإيجار ده.

تصوير ريمون الماركيز

الميزانية:

الميزانية بتاعة فرحك هتسهل عليك إختيارات كتيرة، منها إختيار التوصيلة، مبدأيا هتعرف تقدر تأجر أصلا ولا لا، ولو هتأجر الميزانية برضه هتحددلك إيه نوع العربية اللي هتأجرها، أسعار الليموزين غير المرسيديس غير العربيات الروشة اللي من غير سقف.

شكل العربية:

شكل ونوع العربية اللي هتختارها هيفرق معاك لو ناوي على داخلة درامية أو ليها فكرة معينة، لو مثلا الفرح كلاسيكي أكتر ممكن تأجر ليموزين، أو لو الستايل على قديم شوية ممكن تستخدم عربية موديلها قديم. يا سلام بقى لو زوقكم روش والفرح برا القاهرة ممكن تيجوا على موتوسيكل أو في عربية من غير سقف! ولو حابب تخلي الموضوع بسيط أعمل حسابك بس إن شكل ولون العربية والزينة اللي عليها يبقوا لايقين على تيمة وديكور الفرح.

شوفي أكتر: صور: بـ11 فكرة.. فرحك فارق عن غيره

العربيات من أنتوبولا

الحجز:

خد بالك جدا من جزئية الحجز لإنها أهم حاجة بعد التخطيط، لو خلاص قررت تأجر عربية، لازم تحجزها من قبلها بشهر، اتفق مع الشركة على السعر، اليوم والمعاد اللي هتستلم فيه العربية علشان تتفادى أي مشاكل ملهاش لازمة يوم الفرح.

مين هيسوق:

لو هتأجر خلاص شوف لو الشركة ممكن توفر سواق ولا هتضطر تشوف سواق من برا، لو مش حابب فكرة السواق ممكن تسوق وعروستك جنبك، إحتمال تاني برضه هو إنك ممكن تستعين بحد من قرايبك أو أصحابك القريبين.

الزينة والديكور:

من أكتر الحاجات المسلية في عملية إختيار وتجهيز عربية الفرح هي تزينها، في حالة التأجير إتأكد من الشركة لو بتقدم خدمة تزين العربيات ولا لا، لو إنت بقى المسؤول عن التزيين، دور على محل ورد خدمته كويسة وعنده أنواع وألوان ورود كتيرة قريب من بيتك، ألوان الزينة والورد لازم يليقوا على ألوان وديكور الفرح وكمان لون العربية، ركز في الإختيار وما تعتمدش على بياع الورد علشان يختارلك.

تصوير إيهاب زكريا

 

الليلة قربت وأكيد الحماسة واخداك! شهر واحد بس قبل الفرح معناه إنك لازم تتأكد من مواعيد وتفاصيل كتيرة مهمة، هتحتاج تركز أكتر في التفاصيل البسيطة الأخيرة  وأولهم إزاي هتختار عربية الفرح؟ علشان توصل لفرحك بشياكة أناقة بدلتك لوحدها مش كفاية!.

مهم جدا ترتب تفاصيل الوصول والرحيل من ولمكان الفرح هيحصل إزاي من قبلها بشوية، ما تسيبش تفصيلة زي دي لآخر لحظة حتى لو ممكن تكون حاجة بسيطة وسهلة، خلي بالك إن مش معنى إن الموضوع بسيط إنه مش مهم.

تصوير إيهاب زكريا

اختيار الوسيلة والطريقة اللي هتوصل بيها لفرحك هيترتب عليهم كذا عامل، أولهم إنك الأول تعرف إيه هي إحتياجاتك الأساسية؟ 

مثلا عايز كام عربية تزفك إنت وعروستك من البيت لمكان الفرح ومن الفرح لبيتكم الجديد؟، غير العربية اللي هتركبوا فيها مع بعض، هتحتاج تتأكد إن العيلة والأصحاب القريبين ليهم توصيلة ومظبطين عربياتهم للزفة، أما باقي المعازيم والأصحاب ما تشلش همهم لأنهم أكيد هيرتبوا بنفسهم التوصيلة بتاعتهم. 

الإيجار:

أول حاجة لازم تحددها هتأجر عربية ليوم الفرح ولا هتروحوا بعربيتك، هتستلف عربية حد من أهلك أو أصحابك؟، فيه بيفضلوا يأجروا عربية واحدة بس للعريس والعروسة، وفيه بيأجروا ليموزين علشان تاخد عدد أكبر، بغض النظر عن الإختيار اللي هترسى عليه في الآخر المهم تزين وتظبط العربية كويس قبلها.

تصوير محمد عاطف

فرح برا القاهرة:

لو قررتوا تعملوا فرحكم برا القاهرة لازم تأجر عدد أتوبيسات كافي لتوصيل المعازيم، لازم تحدد الأول عدد المعازيم علشان تعرف هتأجر كام أتوبيس، لو الفرح هيكون على الضيق ممكن برضه تتفق مع الأصحاب والقرايب على توصيلة مع بعض وتنسى خالص موضوع الإيجار ده.

تصوير ريمون الماركيز

الميزانية:

الميزانية بتاعة فرحك هتسهل عليك إختيارات كتيرة، منها إختيار التوصيلة، مبدأيا هتعرف تقدر تأجر أصلا ولا لا، ولو هتأجر الميزانية برضه هتحددلك إيه نوع العربية اللي هتأجرها، أسعار الليموزين غير المرسيديس غير العربيات الروشة اللي من غير سقف.

شكل العربية:

شكل ونوع العربية اللي هتختارها هيفرق معاك لو ناوي على داخلة درامية أو ليها فكرة معينة، لو مثلا الفرح كلاسيكي أكتر ممكن تأجر ليموزين، أو لو الستايل على قديم شوية ممكن تستخدم عربية موديلها قديم. يا سلام بقى لو زوقكم روش والفرح برا القاهرة ممكن تيجوا على موتوسيكل أو في عربية من غير سقف! ولو حابب تخلي الموضوع بسيط أعمل حسابك بس إن شكل ولون العربية والزينة اللي عليها يبقوا لايقين على تيمة وديكور الفرح.

شوفي أكتر: صور: بـ11 فكرة.. فرحك فارق عن غيره