قبل الفرح بشهرين: إزاي وإمتى تبعت قائمة هدايا الفرح للمعازيم

Large

قائمة هدايا الفرح عادة تعتبر جديدة على الثقافة المصرية، ده غير كمان المواقع الشخصية اللي بتتعمل للعرسان، فيه بلاد وثقافات تانية غير مصر العرسان فيهم بيبعتوا القائمة لاصحابهم وعيلتهم بعد الخطوبة على طول علشان يجمعوا مابين هداية الخطوبة وهداية الفرح مرة واحدة.

أما في مجتمعنا العرسان بيجيبوا كل الأساسيات الأول، وقبل الفرح بحوالي شهرين تلاتة بيشوفوا إيه اللي ناقصهم، ويعملوا قائمة لهدايا الفرح، أكيد مش لازم نلتزم بالظبط بالمعاد ده، ممكن تبعتوا القائمة أول ما تحددوا الحاجات اللي ناقصكم. 

غير الهدايا، فيه ناس كتير بتختار تدي فلوس للعريس والعروسة قبل، بعد أو في يوم الفرح، الحقيقة هي إن فيه عرسان كتير بيفضلوا الفلوس على الهدية، لأن بيديهم حرية تصرف على حسب احتياجتهم، أما القرايب والأصحاب اللي بيختاروا تكون هديتهم فلوس يمكن لإنهم مش عارفين انتم محتاجين إيه بالظبط، أو مش قريبين كفاية علشان يسألوا، أو علشان يبقى ليكم حرية التصرف في الفلوس بدون حرج.

اعمل قائمة هدايا فرحك من هنا

موقع فرحكم:

لو عندكم موقع لفرحكم واللي بيبقى أكيد عليه قائمة هدايا الفرح الخاصة بيكم، هيسهل جدا عملية إزاي أقول للناس على الهدية المعينة لجوازي!، حطوا لينك القائمة على موقع الفرح علشان المعازيم متفوتهاش.

الرسالة اللى على اللينك لازم تبقى لطيفة وبتخير المعازيم لو حابين يجيبوا هيدية أو لا، والمهم كمان ما تبقاش رسالة فيها أمر "هات هدية للعرسان من هنا!".

ابدا موقع فرحك من هنا 

مواقع التواصل الإحتماعي:

موقع فرحكم هيسهل برضه إنكم تشاركوا قائمة الهدايا مع الأصدقاء والعيلة على مواقع التواصل الإجتماعي، أو من خلال الايميل بطريقة غير مباشرة وبدون إحراج. هتبعتوا لينك الموقع ومن خلاله هيلاقوا لينك لقائمة الهدايا، في حالة لو ما عندكش موقع، نصيحتنا ما تبعتش أو ماتشاركش القائمة على مواقع التواصل الإجتماعي، علشان ده ممكن يدي الإيحاء بالمادية، غير إنكم أكيد مش عازمين كل الناس اللي على المواقع دي للفرح، بلاش تعقدوا الأمور وخليكم في الأمان. 

دعوة الفرح:

لو عندكم موقع للفرح وعليه لينك لقائمة الهدايا، ممكن بسهولة تحطوا لينك الموقع بتاعكم على دعوة الفرح واللي هيوصل المعازيم للقائمة، ما تحطوش لينك القائمة على الدعوة لأن ده ممكن يدي فكرة مش كويسة وشكلها مش حلو، خليكم مع الإتيكيت في النقطة دي كويس!.

تصميم الدعوه: White Yard

دور العيلة والأصحاب القريبين:

دي أهم وأبسط طريقة تنشر بيها قائمة هداية الفرح، علشان توصلها لكل المعازيم بشكل غير مباشر، في معظم البلاد والثقافات الناس بتعتمد على الناس القريبة منهم إنهم يبلغوا الدواير اللي حواليهم من المعازيم على هداية جوازكم، الطريقة المثالية هي إنكم تقسموا المعازيم لدواير محددة الأول، بعد كده كلفوا أصحابكم وعائلتكم بالدواير دي علشان يبلغوهم او يبعتلهم القائمة. 

ممكن برضه تستفيدوا من أي حد تعرفوه بيكلمكم علشان يبارك ويسأل على الحاجات اللي ناقصاكم، ابعتولهم لينك القائمة واطلبوا منهم يشاركوها كمان مع أي أصحاب أومعارف تانيين.

 

قائمة هدايا الفرح عادة تعتبر جديدة على الثقافة المصرية، ده غير كمان المواقع الشخصية اللي بتتعمل للعرسان، فيه بلاد وثقافات تانية غير مصر العرسان فيهم بيبعتوا القائمة لاصحابهم وعيلتهم بعد الخطوبة على طول علشان يجمعوا مابين هداية الخطوبة وهداية الفرح مرة واحدة.

أما في مجتمعنا العرسان بيجيبوا كل الأساسيات الأول، وقبل الفرح بحوالي شهرين تلاتة بيشوفوا إيه اللي ناقصهم، ويعملوا قائمة لهدايا الفرح، أكيد مش لازم نلتزم بالظبط بالمعاد ده، ممكن تبعتوا القائمة أول ما تحددوا الحاجات اللي ناقصكم. 

غير الهدايا، فيه ناس كتير بتختار تدي فلوس للعريس والعروسة قبل، بعد أو في يوم الفرح، الحقيقة هي إن فيه عرسان كتير بيفضلوا الفلوس على الهدية، لأن بيديهم حرية تصرف على حسب احتياجتهم، أما القرايب والأصحاب اللي بيختاروا تكون هديتهم فلوس يمكن لإنهم مش عارفين انتم محتاجين إيه بالظبط، أو مش قريبين كفاية علشان يسألوا، أو علشان يبقى ليكم حرية التصرف في الفلوس بدون حرج.

اعمل قائمة هدايا فرحك من هنا

موقع فرحكم:

لو عندكم موقع لفرحكم واللي بيبقى أكيد عليه قائمة هدايا الفرح الخاصة بيكم، هيسهل جدا عملية إزاي أقول للناس على الهدية المعينة لجوازي!، حطوا لينك القائمة على موقع الفرح علشان المعازيم متفوتهاش.

الرسالة اللى على اللينك لازم تبقى لطيفة وبتخير المعازيم لو حابين يجيبوا هيدية أو لا، والمهم كمان ما تبقاش رسالة فيها أمر "هات هدية للعرسان من هنا!".

ابدا موقع فرحك من هنا 

مواقع التواصل الإحتماعي:

موقع فرحكم هيسهل برضه إنكم تشاركوا قائمة الهدايا مع الأصدقاء والعيلة على مواقع التواصل الإجتماعي، أو من خلال الايميل بطريقة غير مباشرة وبدون إحراج. هتبعتوا لينك الموقع ومن خلاله هيلاقوا لينك لقائمة الهدايا، في حالة لو ما عندكش موقع، نصيحتنا ما تبعتش أو ماتشاركش القائمة على مواقع التواصل الإجتماعي، علشان ده ممكن يدي الإيحاء بالمادية، غير إنكم أكيد مش عازمين كل الناس اللي على المواقع دي للفرح، بلاش تعقدوا الأمور وخليكم في الأمان. 

دعوة الفرح:

لو عندكم موقع للفرح وعليه لينك لقائمة الهدايا، ممكن بسهولة تحطوا لينك الموقع بتاعكم على دعوة الفرح واللي هيوصل المعازيم للقائمة، ما تحطوش لينك القائمة على الدعوة لأن ده ممكن يدي فكرة مش كويسة وشكلها مش حلو، خليكم مع الإتيكيت في النقطة دي كويس!.