قبل الفرح بشهرين دعوات الفرح: الأسئلة المهمة والإجابات اللي من الآخر

ابعت الدعوات وحط في بطنك بطيخة صيفي

Large

تقول للناس الخبر ده إزاي وتعزمهم على فرحك؟! ده واحد من أهم الأخبار اللي ممكن تحصل في حياتك وعلشان كده، بتفكر كتير في الطريقة اللي هتقول بيها للناس، تعزمهم، تعرفهم بتفاصيل الفرح وتتأكد إنهم جايين. خلينا نسأل الأسئلة المهمة اللي بتفكر فيها، ونقولك إجاباتها من الآخر علشان تبعت دعوات فرحك وأنت متطمن وحاطط في بطنك بطيخة صيفي. 

في خطوات بسيطة، هتعرف إزاي وامتى تبدأ تعزم الناس وتجهزهم لليلة الكبيرة. 

الدعوه من: White Yard

امتى أبعت دعوات الفرح؟

باختصار شديد وعلشان نساعدك، هنقولك التوقيتات المناسبة لكل حاجة. 

- قبل الفرح بـ 3 شهور:

١- ده الميعاد المناسب علشان تبعت الدعوات، لو فرحك هيكون في مكان بعيد والمعازيم هيسافروا أو محتاجين يآخدوا إجازات من الشغل. 

٢- لو حد من ضيوفك موجود برا البلد وهيسافر مخصوص علشان يحضر اليوم، يفضل تبعتله الدعوات قبل الفرح بـ ٣ شهور علشان يلحق يرتب سفره ويحجز تذاكر الطيارة، القطر أو الأوتوبيس. 

- قبل الفرح بشهرين: 

١- ده أنسب وقت تبدأ تعزم فيه الناس لفرحك، وتبعت الدعوات لو المكان هيكون قريب ومفيهوش سفر. 

٢- لو قررت متعملش موقع للفرح ولا تكون العزومة أونلاين، يبقى مع الدعوات الورقية اللي هتبعتها محتاج تبعت كروت للرد على الدعوة سواء بالحضور أو الإعتذار. 

- قبل الفرح بشهر ونص:

١- لو أنتي العروسة، يبقى أصحابك محتاجين يبدأوا يعزموا الناس على "ليلة الحنة" بتاعتك قبل الفرح بشهر ونص، سواء هتكون في البيت عندك، عند حد من أصحابك أو في مكان تاني. 

- فاضل شهر على الفرح:

١- للعريس، ده الوقت اللي أصحابك المفروض يحضروا فيه لحفلة العزوبية أو ليلة الحنة ويبدأوا يعزموا الناس. 

٢- قبل الفرح بشهر، ده آخر ميعاد لاستلام ردود المعازيم على الدعوات. لأن في الوقت ده المفروض يكون عندك رقم تقريبي لعدد الحضور في الفرح. ولو لسه عندك تأكيدات تعملها أو مكالمات ورسايل تبعتها، يبقى ده وقتها. 

- آخر أسبوعين قبل الفرح:

١- ده آخر وقت ينفع تعمل فيه تعديلات على الفرح، سواء لنفسك أو للمعازيم. فلو عايز تغير حاجة ولسه هتبعت للناس الجديد، اعمل كده بدري لأن آخر أسبوعين ما ينفعش تغير فيهم حاجة. 

- أسبوع واحد على الفرح:

١- الأسبوع اللي فاضل ده، هو اللي هتبدأ فيه ترتيب الكراسي وتوزيعها بالأسماء والأرقام على المعازيم. وتقدر تعرف إزاي تختار الترابيزات وتقعد الناس من هنا. (لينك لموضوع إزاي تختار الترابيزات للمعازيم؟)

- من أسبوعين لتلاتة بعد الفرح:

١- وآخر حاجة، لو وصلتك هدايا الجواز في الفرح، قبله أو بعده يبقى حاول تبعت ردود الشكر للناس بسرعة، من أسبوعين لتلاتة بعد الفرح. 

أكتب إيه في الدعوات؟ 

بالرغم إن كل شخص ليه طريقته في الكتابة والكلام، إلا إن دعوات الفرح كلها فيها حاجات مشتركة ولازم تكون موجودة. 

١- التاريخ والوقت: تاريخ ويوم الفرح ومعاه مواعيد تقريبية لجدول اليوم، هيبدأ الساعة كام؟ البوفيه هيفتح امتى؟ مفترض يخلص امتى؟ وهكذا.

٢- المكان والمواصلات: اسم المكان وعنوانه لازم يكون واضح، وأحسن أكيد إنك تزود خريطة بالرسم مش بس بالكتابة. ولو فيه مواصلات متوفرة للمعازيم، محتاج تكتب ده. 

٣- شكل الفرح: الفرح هيكون في قاعة ولا مكان مفتوح؟ الستايل هيكون رسمي ولا كلاسيك ولا سواريه؟ هل فيه لبس معين للفرح؟ 

٤- المعازيم: كام عدد المعازيم المسموح بيهم للدعوة الواحدة؟ هل ممكن حد يجيب معاه ضيف؟ مسموح بالأطفال؟ ولو مسموح هل المكان آمن للأطفال ولا لازم يكون معاهم حد كبير؟

٥- طريقة للتواصل: زود في الآخر طريقة للتواصل معاك، موقع للفرح أو رقم تليفون علشان المعازيم يقدروا يوصلوا للمسؤول قبل اليوم لو عندهم أي سؤال.

ومن هنا هتقدر تلاقي الطريقة والإتيكيت لكتابة دعوات الفرح.

الدعوه من: الخردواتي

إزاي أبعت دعوة الفرح؟

ممكن يحصل وينطبق على طرق كتير للدعوة، والموضوع يرجع لاختيارك. ممكن تبعت دعوات بالشكل التقليدي بالورق والأظرف وممكن تختار تعمل موقع للفرح وتبعت منه الدعوات. تقدر من خلال الإيميل كمان تعمل أكتر من قائمة وتبعتلهم الدعوات. اختار أكتر طريقة شبهك وبتعبر عنك وعن ستايل الفرح، لكن المهم تتأكد إنها أفضل طريقة للتواصل مع أكبر عدد من الضيوف والمعازيم في نفس الوقت ومن غير ما تنسى حد. 

لسه فيه حاجة تانية؟

ممكن دايما يبقى فيه حاجة تتعمل أو نصيحة تتقال، لكن في الآخر هي طريقتك أنت إنك تقول للناس اللي بتحبهم قد إيه هم مهمين عندك ومينفعش فرحك يكون من غيرهم. فكل اللي محتاجه بجد إنك تكون لطيف وتستخدم طريقتك وكلامك ومفرداتك، علشان يوصلهم إحساسك وإحساس إن كل واحد من اللي وصلته الدعوة مميز عندك وليه معزة خاصة، لأن أنت بالنسبة لكل حد منهم مهم ومميز.

تقول للناس الخبر ده إزاي وتعزمهم على فرحك؟! ده واحد من أهم الأخبار اللي ممكن تحصل في حياتك وعلشان كده، بتفكر كتير في الطريقة اللي هتقول بيها للناس، تعزمهم، تعرفهم بتفاصيل الفرح وتتأكد إنهم جايين. خلينا نسأل الأسئلة المهمة اللي بتفكر فيها، ونقولك إجاباتها من الآخر علشان تبعت دعوات فرحك وأنت متطمن وحاطط في بطنك بطيخة صيفي. 

في خطوات بسيطة، هتعرف إزاي وامتى تبدأ تعزم الناس وتجهزهم لليلة الكبيرة. 

الدعوه من: White Yard

امتى أبعت دعوات الفرح؟

باختصار شديد وعلشان نساعدك، هنقولك التوقيتات المناسبة لكل حاجة. 

- قبل الفرح بـ 3 شهور:

١- ده الميعاد المناسب علشان تبعت الدعوات، لو فرحك هيكون في مكان بعيد والمعازيم هيسافروا أو محتاجين يآخدوا إجازات من الشغل. 

٢- لو حد من ضيوفك موجود برا البلد وهيسافر مخصوص علشان يحضر اليوم، يفضل تبعتله الدعوات قبل الفرح بـ ٣ شهور علشان يلحق يرتب سفره ويحجز تذاكر الطيارة، القطر أو الأوتوبيس. 

- قبل الفرح بشهرين: 

١- ده أنسب وقت تبدأ تعزم فيه الناس لفرحك، وتبعت الدعوات لو المكان هيكون قريب ومفيهوش سفر. 

٢- لو قررت متعملش موقع للفرح ولا تكون العزومة أونلاين، يبقى مع الدعوات الورقية اللي هتبعتها محتاج تبعت كروت للرد على الدعوة سواء بالحضور أو الإعتذار. 

- قبل الفرح بشهر ونص:

١- لو أنتي العروسة، يبقى أصحابك محتاجين يبدأوا يعزموا الناس على "ليلة الحنة" بتاعتك قبل الفرح بشهر ونص، سواء هتكون في البيت عندك، عند حد من أصحابك أو في مكان تاني. 

- فاضل شهر على الفرح:

١- للعريس، ده الوقت اللي أصحابك المفروض يحضروا فيه لحفلة العزوبية أو ليلة الحنة ويبدأوا يعزموا الناس. 

٢- قبل الفرح بشهر، ده آخر ميعاد لاستلام ردود المعازيم على الدعوات. لأن في الوقت ده المفروض يكون عندك رقم تقريبي لعدد الحضور في الفرح. ولو لسه عندك تأكيدات تعملها أو مكالمات ورسايل تبعتها، يبقى ده وقتها. 

- آخر أسبوعين قبل الفرح:

١- ده آخر وقت ينفع تعمل فيه تعديلات على الفرح، سواء لنفسك أو للمعازيم. فلو عايز تغير حاجة ولسه هتبعت للناس الجديد، اعمل كده بدري لأن آخر أسبوعين ما ينفعش تغير فيهم حاجة. 

- أسبوع واحد على الفرح:

١- الأسبوع اللي فاضل ده، هو اللي هتبدأ فيه ترتيب الكراسي وتوزيعها بالأسماء والأرقام على المعازيم. وتقدر تعرف إزاي تختار الترابيزات وتقعد الناس من هنا. (لينك لموضوع إزاي تختار الترابيزات للمعازيم؟)

- من أسبوعين لتلاتة بعد الفرح:

١- وآخر حاجة، لو وصلتك هدايا الجواز في الفرح، قبله أو بعده يبقى حاول تبعت ردود الشكر للناس بسرعة، من أسبوعين لتلاتة بعد الفرح.