قبل الفرح بسنة: إزاي ترتب لفرحك

تخليك هاوي ولا تبقى محترف؟ هو ده السؤال

Large

فيه مليون طريقة علشان توصل لهدف معين، ممكن تعمل الحاجة بأكتر من أسلوب وتوصل في الآخر لنفس النتيجة، ويمكن توصل لنتيجة أحسن، لنتيجة كان نفسك فيها. الترتيب لفرحك رحلة طويلة، لكن مهما أخدت وقت مسيرها تخلص وده الخبر الحلو. الخبر الوحش إن الرحلة نفسها صعبة جدا، مليانة ضغط ومجهود ودايما بتحتاج مساعدة. بس السؤال هو "هل هتحتاج مساعدة من منظم أفراح محترف؟" ولو آه، يبقى إيه الأسباب.

في خمس نقط، هنقولك ليه تختار تنظم فرحك مع منظم أفراح محترف. 

منظم الفرح The Lounge

١- هتوفر:

وجود منظم أفراح محترف معاك في كل خطوة هيوفرلك كتير:

وقت: تنظيم الأفراح شغلانة متكاملة وأنت عندك شغلك الأساسي، فوجود منظم محترف هيوفر عليك وقت كتير. 

مجهود: المهمة اللي ممكن تآخد منك أيام، منظم الأفراح ممكن يخلصها في كام ساعة. والفرق ده، هو المجهود اللي هتبقى بتوفره، لأن المحترف عارف كويس يروح فين ويخلص شغله إزاي وبيعرف يفاصل ويخلص المهمة أسرع وأسهل. 

منظمة الفرح ساندرا أسعد

فلوس: لما يبقى معاك منظم محترف، بيبقى كل اتفاق رسمي بورق، فواتير، حسابات وأحيانا تخفيضات وعروض مخصوص للمنظمين بس. وجود حد محترف معاك هي أحسن طريقة تخليك تصرف بذكاء وده هيساعدك تلتزم بالميزانية وتوفر فلوس. 

خناق: رحلة ترتيب الفرح مليانة ضغط، دوشة، مناقشات وخناقات ملهاش لازمة. فلما تبعد عن كل ده ويكون مهمة المنظم مش مهمتك، أكيد هتوفر خناقات كتير بينك وبين عروستك أو عريسك. 

٢- هتستمتع:

لما بتكون جوة الموضوع أو مسؤول عنه، أحيانا بتزهق وبتنسى تستمتع. ودي الحاجات اللي هتعرف تستمتع بيها لما تقرر تعين محترف لتنظيم فرحك:

بدورك: هتعرف تستمتع أكتر بكونك العريس أو العروسة من غير المسؤولية الزيادة اللي كان ممكن تكون موجودة لو بتعمل كل حاجة لنفسك وللفرح بنفسك. 

بالتفاصيل: يوم فرحك مليان تفاصيل، بس هتستمتع بيها أكتر لما تتفاجىء يومها من غير ما تكون مشغول، ولا تكون فكرت فيها مليون مرة قبل ما تحصل. 

بالفرح: في الفرح، مش هيكون عندك فكرة باللي بيحصل في الكواليس من شهور، وده هيخليك تعرف تستمتع باليوم نفسه، ويكون عندك وقت كفاية تركز في كل حاجة حوليك. 

منظم الفرح Victoria's Wedding

بتوزيع المهام: فكرة إن فيه حد هتطلب منه حاجة وهيعملهالك زي ما أنت عايز مريحة جدا، ومع منظم فرح محترف، هتستمتع كل يوم بتوزيع المهام وبإنك تطلب حاجة وتتعملك.

٣- هتتجنب:

الضغط، الأخطاء، التفاصيل الكتير كلها حاجات لازم تتجنبها وأنت بترتب للفرح، أو على الأقل محتاج تتجنب شوية من اللي جاي. 

الدراما العائلية: دي حاجة بتواجهها كل يوم، بس لما تكون أنت العريس أو العروسه ومعاك منظم أفراح محترف، هتلاقي مخرج وهيساعدك تتجنب الدراما.

الحاجات اللي ملكش فيها: هتبعد عن الحاجات اللي ملكش فيها، وعن إنك تآخد قرارات وتختار بين حاجتين ما تعرفش الفرق بينهم أصلا.

منظم الفرح أنتوبولا

الحروب: لما يبقى معاك منظم محترف، هو اللي هيبدأ كل الخناقات وهيحارب اللي يقوله لأ، وهتكون أنت بعيد عن كل الحروب دي وبتلعب دايما دور المنقذ اللي بينهم. استمتع!

٤- هتعرف:

لما يبقى معاك منظم أفراح، هتعرف حاجات كتير زي مثلا:

آخر التجديدات: الأفكار الجديدة، التجديدات، التحديثات والموضة في عالم الأفراح، كل ده هيكون عندك من قبل ما تطلبه أو تدور عليه. 

منظم الفرح Allure

إن عندك صديق جديد بمنافعه: ببساطة هيكون عندك صديق جديد، شغلته إنه ينفذ كل كلمة بتقولها ويخليك مبسوط وراضي.

إن حلمك ممكن يتحقق بالمللي: كل اللي اتمنيته وحلمت بيه ليوم فرحك، منظم الأفراح المحترف ممكن يحققهولك بالمللي، علشان دي شغلته. بس أنت احلم!

٥- هتوصل:

للخناقات اللي لازم تتخانقها: فيه خناقات ومناقشات بتكون مهمة، بتكون لازم تحصل بين العريس والعروسة لأنها بتقرب بينهم مش بتبعدهم. بتخليهم يعرفوا نفسهم وبعض أكتر، وده الهدف الأساسي. هتوفر كل الحاجات اللي ما لهاش لازمة لمنظم الفرح، وهتوصل بس للكلام المهم والخناقات الضرورية. 

فيه مليون طريقة علشان توصل لهدف معين، ممكن تعمل الحاجة بأكتر من أسلوب وتوصل في الآخر لنفس النتيجة، ويمكن توصل لنتيجة أحسن، لنتيجة كان نفسك فيها. الترتيب لفرحك رحلة طويلة، لكن مهما أخدت وقت مسيرها تخلص وده الخبر الحلو. الخبر الوحش إن الرحلة نفسها صعبة جدا، مليانة ضغط ومجهود ودايما بتحتاج مساعدة. بس السؤال هو "هل هتحتاج مساعدة من منظم أفراح محترف؟" ولو آه، يبقى إيه الأسباب.

في خمس نقط، هنقولك ليه تختار تنظم فرحك مع منظم أفراح محترف.