قبل الفرح بأسبوع: إزاي تختار الترابيزات للمعازيم وتنسى خناقات الأفراح؟

علشان تريّح وترتاح

Large

مهما حاولت كعريس أو كعروسة، هيفضل فيه معازيم الفرح مش مستلطفين بعض ومش مرتاحين في القعدة جنب بعض، مش كل العائلات هتعرف تتعامل سوا، ووارد جدا إن يحصل أي سوء تفاهم. إلا لو أنت قررت تعمل حسابك من الأول، تريّح وترتاح بإنك تجهز لكل واحد مكان باسمه يكون مرتاح فيه. طبعا ده مجهود وأكيد هياخد من وقتك كام ساعة زيادة، بس الأكيد إن كل المعازيم هيقدروا اللي أنت عملته لما يقضوا يوم مريح وجميل في فرحك.

قبل الفرح بأسبوع واحد، هو الوقت المثالي لإنك تبدأ توزيع الترابيزات والكراسي على المعازيم، ودي أفضل طريقة علشان تعمل كده.

 

منظم الفرح: Le Reve

قسّم المعازيم مجموعات أصغر:

 بعد ما تستلم الردود على دعوات الفرح اللي بعتها، هيكون عندك رقم تقريبي لعدد المعازيم بالأسامي. كل اللي هتكون محتاج تعمله إنك تقسمهم لمجموعات أصغر، كل مجموعة هيكون ليها ترابيزة أو على الأقل مساحة أو جنب. التقسيمة ممكن تكون بصلة القرابة والعيلة، بمدى قرب الناس من بعض أو تكون على أساس معرفتك أنت الشخصية بالناس وبعلاقاتهم ببعض. 

منظم الفرح: آية فهمي

الأهم ييجي في الأول:

الترابيزات الأهم هي اللي تيجي في الأول وأنت بترتب وبتكتب الأسامي، يعني أماكن الأهل والقريبين من العيليتين الأول. بعدين ييجي دور الأصدقاء المقربين، وحاول تكون ترابيزاتهم قريبة من الكوشة أو مكان العريس والعروسة علشان تكونوا شايفين بعض وقادرين تتكلموا طول الفرح. 

منظم الفرح: نهى خليل

خلي بالك من وانت بتوزع معازيم الفرح!:

وقت توزيع الكراسي والترابيزات، فيه شوية حاجات لازم تكون في حساباتك وواخد بالك منها، وهي مش قاعدة علشان كل واحد وليه القواعد بتاعته، فخليك دايما مع اللي ينفع معاك ويريحك وبس.

١- التاريخ بين المعازيم اللي جايين فرحك، يعني مين كان يعرف مين زمان؟ ومين متخانق مع مين؟ ومين كان بيشتغل مع مين؟ وهكذا

٢- الاختلافات والفروق بين الناس وخصوصا المجموعات اللي جاية من خلفيات وثقافات مختلفة.

٣- إذا كانت الشخصيات في مجموعة معينة مستعدة تتعرف على ناس جديدة أو لأ. 

٤- الفروق في الأعمار والسن والأجيال. 

٥- الناس اللي أنت عارف إن بقالهم كتير متجمعوش، ومتحمسين يتقابلوا في فرحك. لو قدرت توضبلهم ترابيزة واحدة هتكون حاجة جميلة وهتبسطهم جدا. 

٦- خلي بالك من المساحة المخصصة للرقص وبعدها عن الترابيزات، فاللي هيكون حابب يشارك في الرقص قربه للدانس فلور، واللي أنت عارف إنه هيتفرج بس مش هتفرق معاه ترابيزته تكون بعيدة شوية.

٧- اعمل حسابك تكون أرقام الترابيزات والأسامي عليها واضحة للمعازيم أول ما يوصلوا، علشان يعرفوا أماكنهم بسهولة. 

٨- يفضل إنك تكون عامل خريطة بأماكن وأرقام الترابيزات عند المدخل، علشان المعازيم يقدروا يلاقوا كراسيهم ويقدروا يلاقوا بعض بسهولة طول الفرح.

٩- خلي فيه ترابيزة مخصصة للأطفال لوحدهم، علشان يلعبوا سوا ويتعرفوا على بعض من غير ما يعملوا دوشة أو يضايقوا حد من المعازيم. 

١٠- تقدر تشوف أفكار مميزة وجديدة لخريطة الترابيزات والكراسة من هنا. (لينك لصور أفكار جديدة لده من على الموقع)

منظم الفرح: Dejavu Weddings

ما تعدي الحاجات دي عادي؟

الحاجات دي مش مهمة قوي، وتقدر ببساطة تعديها ومتلتزمش بيها لو عايز، لأن أهم حاجة إن العريس والعروسة يكونوا مستمتعين بيومهم مع الناس اللي بيحبوهم بالشكل اللي يريحهم، والباقي كله شكليات. 

١- ترابيزة العزّاب: مؤخرا ظهرت فكرة ترابيزة لأصحاب العريس والعروسة العزاب واللي مش مرتبطين علشان يتعرفوا على بعض وهكذا. لكن، بعض الناس بتشوف إن دي فكرة محرجة جدا ومش مناسبة. فلو أنت كمان شايف كده، انسى الفكرة ومتنفذهاش. 

٢- أهل العروسة وأهل العريس: هو مش قانون إن يكون فيه ناحية لأهل العروسة بس وناحية لأهل العريس بس. لو حاسس إنه أحسن للناس كلها تقعد سوا ومحدش يآخد جنب أو ناحية، اعمل كده. 

٣- الكراسي: الأفراح اللي من غير كراسي وعلى الواقف هتبدأ تبقى موضة، فعادي إنك تعمل ترابيزة أو اتنين عاليين ومن غير كراسي لأصحابك أو للناس اللي أنت عارف إنهم هيقضوها رقص ومش محتاجين الكراسي. 

 

مهما حاولت كعريس أو كعروسة، هيفضل فيه معازيم الفرح مش مستلطفين بعض ومش مرتاحين في القعدة جنب بعض، مش كل العائلات هتعرف تتعامل سوا، ووارد جدا إن يحصل أي سوء تفاهم. إلا لو أنت قررت تعمل حسابك من الأول، تريّح وترتاح بإنك تجهز لكل واحد مكان باسمه يكون مرتاح فيه. طبعا ده مجهود وأكيد هياخد من وقتك كام ساعة زيادة، بس الأكيد إن كل المعازيم هيقدروا اللي أنت عملته لما يقضوا يوم مريح وجميل في فرحك.

قبل الفرح بأسبوع واحد، هو الوقت المثالي لإنك تبدأ توزيع الترابيزات والكراسي على المعازيم، ودي أفضل طريقة علشان تعمل كده.