في 5 خطوات تعملي ايه لو خاتم الخطوبة مش عاجبك!
Marwa Yehia
September 26, 2018
وقت القراءة:
4د
في 5 خطوات تعملي ايه لو خاتم الخطوبة مش عاجبك!
إحنا كبنات ردود أفعالنا بتبقى في وقتها، بنزعل بسرعة، ولما يكون في حاجة مش عجبانا بيجي لنا شعور إن الدنيا اتهدت، وده ممكن يحصل لو خطيبك فاجئك بخاتم خطوبة مش عاجبك.
خليكي هادية وعدي من واحد لعشرة وخليه يشعر إن الخاتم تحفة، ومكنتيش متخيلة أنه يبقى بالجمال ده، وهنقولك على الخطوات اللي بيها ممكن تغيري الخاتم الجواز وكمان برضاه هو.
1- الألفة، إلبسي الخاتم كام يوم يمكن تحسي بألفة بينك وبينه.. ما احنا مش بنلبس الحاجة ونتأقلم معاها إلا بالألفة.. وأكيد في قصة أو سبب لاختياره.
2- بعد كام يوم لو محستيش أنك حبيتي الخاتم هنا جه وقت الحوار، لأن كل ما هتبصي في الخاتم هتحسي إنك قدام أمر واقع، وشعور كرهك للخاتم هينقلب عليه، وعلى رأي خبيرة العلاقات دانا كوري "كل ما حسيتي بخيبة أملك في اختيارك له ده هيكون لون علاقتكم فيما بعد".
3- هنا بقى وصلنا لمرحلة الكلام، بس خلي كلامك معاه إن الخاتم حلو وشيك، بس واسع شوية أو كان نفسك يكون بالشكل الفلاني، وفي وسط الكلام قولي انك بتفكري تغيريه، لكن حطي في بالك إنك تتحركي في إطار الميزانية الموجودة.
شوفي أكتر: دليلك الكامل لطريقة اختيار دبلة وخاتم الزواج
4- روحي اتفرجي على أشكال لخواتم الجواز، وحاولي تكوني لوحدك علشان تعرفي تختاري اللي يعجبك بدون ضغوط من حد وفي حدود الميزانية.
5- آخر نقطة وهي الأهم لو كانت مشكلتك إن حجر خاتم الخطوبة صغير وكان نفسك في واحد أكبر، يبقى ما تتكلميش أفضل في الموضوع وافتكري إنك بتتجوزي راجل مش حجر ألماظ.
كل دي نصائح الكاتبان Jen Glantz و Sherry Amatenstein
إحنا كبنات ردود أفعالنا بتبقى في وقتها، بنزعل بسرعة، ولما يكون في حاجة مش عجبانا بيجي لنا شعور إن الدنيا اتهدت، وده ممكن يحصل لو خطيبك فاجئك بخاتم خطوبة مش عاجبك.
خليكي هادية وعدي من واحد لعشرة وخليه يشعر إن الخاتم تحفة، ومكنتيش متخيلة أنه يبقى بالجمال ده، وهنقولك على الخطوات اللي بيها ممكن تغيري الخاتم الجواز وكمان برضاه هو.
1- الألفة، إلبسي الخاتم كام يوم يمكن تحسي بألفة بينك وبينه.. ما احنا مش بنلبس الحاجة ونتأقلم معاها إلا بالألفة.. وأكيد في قصة أو سبب لاختياره.
2- بعد كام يوم لو محستيش أنك حبيتي الخاتم هنا جه وقت الحوار، لأن كل ما هتبصي في الخاتم هتحسي إنك قدام أمر واقع، وشعور كرهك للخاتم هينقلب عليه، وعلى رأي خبيرة العلاقات دانا كوري "كل ما حسيتي بخيبة أملك في اختيارك له ده هيكون لون علاقتكم فيما بعد".
3- هنا بقى وصلنا لمرحلة الكلام، بس خلي كلامك معاه إن الخاتم حلو وشيك، بس واسع شوية أو كان نفسك يكون بالشكل الفلاني، وفي وسط الكلام قولي انك بتفكري تغيريه، لكن حطي في بالك إنك تتحركي في إطار الميزانية الموجودة.
شوفي أكتر: دليلك الكامل لطريقة اختيار دبلة وخاتم الزواج
4- روحي اتفرجي على أشكال لخواتم الجواز، وحاولي تكوني لوحدك علشان تعرفي تختاري اللي يعجبك بدون ضغوط من حد وفي حدود الميزانية.
5- آخر نقطة وهي الأهم لو كانت مشكلتك إن حجر خاتم الخطوبة صغير وكان نفسك في واحد أكبر، يبقى ما تتكلميش أفضل في الموضوع وافتكري إنك بتتجوزي راجل مش حجر ألماظ.
كل دي نصائح الكاتبان Jen Glantz و Sherry Amatenstein
