فلورنسا أرض الرومانسية، الفنون، التاريخ، الثقافة، والسحر كانت الإختيار المثالي لفرح فريدة ومحمد، موضة الأفراح اللي برا القاهرة بقالها كذا سنة، عرسان كتير بيعملوا أفراحهم على البحر، شوفنا كتير أفراح جميلة في الساحل والعين السخنة وغيره لكن ما شوفناش لسة في فلورنسا إيطاليا! العرسان المرة دي مفكروش بس برا الصندوق هما فكروا برا القارة كلها.
المقالة دي محاولة بسيطة نقدر نبارك بيها للعرسان على جوازهم وعلى إختيارهم الرائع للمكان. مش كتير بيقدروا الفن، الثقافة، التاريخ، والجمال بالشكل ده، وعلشان كده قررنا نشارك معاكوا فرح من أكتر الأفراح الرومانسية والمختلفة اللي صادفتنا! مفيش حاجة صدفة في إختيار زي ده، فلورنسا مش بس مدينة رومانسية وعريقة هي بلد عمالقة الثقافة والفنون زي مايكل أنجيلو، دانتيه، جاليليو، ليناردو دافينشي، وماكيفيلي.
شوفي أكتر: بيرونا وحسين عملوا أروش فرح على البحر في العين السخنة!
مصور الفرح ريمون الماركيز وصف تجربته مع تصوير فرح محمد وفريدة اللي استمر على مدار 3 أيام، بأنه ويك إند ممتع ومختلف، لأنه صور أجمل اللحظات مع العرسان. أول ليلة لمحمد وفريدة في فلورنسا كان العشاء مع الأهل والأصحاب في مطعم إسمه أوبيكا في وسط البلد. اليوم التاني الفرح نفسه اتعمل في قصر فيسيجلياتا، تم تشييده سنة 1031 لعيلة فينسدوميني، تم تدمير القصر في القرن الـ17 لكن لورد جون تيمبل اكتشفه سنة 1840 وتم إعادة بنائه في 10 سنين. سير جون أغرم بالقصر وكان المكان المثالي اللي بيقابل فيه أصدقائه من النبلاء. لغاية النهاردة القصر مكان ملهم لناس كتير وبيتعمل فيه حفلات إجتماعية وثقافية.
القصر إدى للفرح تيمة كلاسيكية كإنه فرح من العصور الوسطى، الفرح بدأ من أول اليوم لغاية ما خلص تقريبا نص الليل. وأخيرا اليوم التالت والأخير للفرح اتعملت حفلة صغيرة للعرسان في فيلا خاصة للأهل والأصحاب.
حديقة القصر إتزينت بالورود علشان الإستقبال الخاص للفرح، نفس نوع الورد اعتمد عليه منظم الفرح في السنتر بيس على الترابيزات. الشموع كان ليها الدور في لعب الحالة الرومانسية للفرح على كل تربيزة، وطبعا قصر زي ده لازم حديقته يتوسطها نافورة لأن ده الشكل السائد في العصر ده وقتها، تصميم النافورة أكد حالة النقلة للعصور الوسطى.
أحيا الاستقبال فريق موسيقى جاز، أما الدانس فلور كانت في قاعة كبيرة في القصر مجهزة بكورة ديسكو كبيرة نورت المكان كله.
العروسة والعريس اختاروا اللوك بتاعهم يكون كلاسيكي علشان يتماشى مع حالة المكان. العروسة اختارت فستان بقصة الميرميد برقبة عالية من غير أكمام وكان من القماش المطرز، رقة الفستان خلت العروسة تختار تسريحة شعر هادية، رفعت شعرها على الطريقة الأسبانية، وعلى نفس شكل الاختيارات كان اختيار ألوان المكياج، اللي راحت أكتر للألوان الترابية المايلة للون الروز، اكتمل لوك العروسة ببوكيه ورد صغير متعلق في إيديها.
العريس اختار يظهر في فرحه بالذقن المهندمة، واتبع اللوك الكلاسيكي لأي عريس بدلة وبيبون أسود.
متخصصين الفرح:
منظم الفرح: Weddingitaly
الورد: Tuscany Flowers Florence
الشعر والمكياج: Lara Navarrini Make up
الفستان: Heba&Hala
فيديو: أحمد صلاح
تصوير: ريمون الماركيز
مساعد تصوير: جيهاد
التصوير الأفقي: Waterfall Visuals
فلورنسا أرض الرومانسية، الفنون، التاريخ، الثقافة، والسحر كانت الإختيار المثالي لفرح فريدة ومحمد، موضة الأفراح اللي برا القاهرة بقالها كذا سنة، عرسان كتير بيعملوا أفراحهم على البحر، شوفنا كتير أفراح جميلة في الساحل والعين السخنة وغيره لكن ما شوفناش لسة في فلورنسا إيطاليا! العرسان المرة دي مفكروش بس برا الصندوق هما فكروا برا القارة كلها.
المقالة دي محاولة بسيطة نقدر نبارك بيها للعرسان على جوازهم وعلى إختيارهم الرائع للمكان. مش كتير بيقدروا الفن، الثقافة، التاريخ، والجمال بالشكل ده، وعلشان كده قررنا نشارك معاكوا فرح من أكتر الأفراح الرومانسية والمختلفة اللي صادفتنا! مفيش حاجة صدفة في إختيار زي ده، فلورنسا مش بس مدينة رومانسية وعريقة هي بلد عمالقة الثقافة والفنون زي مايكل أنجيلو، دانتيه، جاليليو، ليناردو دافينشي، وماكيفيلي.
شوفي أكتر: بيرونا وحسين عملوا أروش فرح على البحر في العين السخنة!
مصور الفرح ريمون الماركيز وصف تجربته مع تصوير فرح محمد وفريدة اللي استمر على مدار 3 أيام، بأنه ويك إند ممتع ومختلف، لأنه صور أجمل اللحظات مع العرسان. أول ليلة لمحمد وفريدة في فلورنسا كان العشاء مع الأهل والأصحاب في مطعم إسمه أوبيكا في وسط البلد. اليوم التاني الفرح نفسه اتعمل في قصر فيسيجلياتا، تم تشييده سنة 1031 لعيلة فينسدوميني، تم تدمير القصر في القرن الـ17 لكن لورد جون تيمبل اكتشفه سنة 1840 وتم إعادة بنائه في 10 سنين. سير جون أغرم بالقصر وكان المكان المثالي اللي بيقابل فيه أصدقائه من النبلاء. لغاية النهاردة القصر مكان ملهم لناس كتير وبيتعمل فيه حفلات إجتماعية وثقافية.
القصر إدى للفرح تيمة كلاسيكية كإنه فرح من العصور الوسطى، الفرح بدأ من أول اليوم لغاية ما خلص تقريبا نص الليل. وأخيرا اليوم التالت والأخير للفرح اتعملت حفلة صغيرة للعرسان في فيلا خاصة للأهل والأصحاب.
حديقة القصر إتزينت بالورود علشان الإستقبال الخاص للفرح، نفس نوع الورد اعتمد عليه منظم الفرح في السنتر بيس على الترابيزات. الشموع كان ليها الدور في لعب الحالة الرومانسية للفرح على كل تربيزة، وطبعا قصر زي ده لازم حديقته يتوسطها نافورة لأن ده الشكل السائد في العصر ده وقتها، تصميم النافورة أكد حالة النقلة للعصور الوسطى.
أحيا الاستقبال فريق موسيقى جاز، أما الدانس فلور كانت في قاعة كبيرة في القصر مجهزة بكورة ديسكو كبيرة نورت المكان كله.
العروسة والعريس اختاروا اللوك بتاعهم يكون كلاسيكي علشان يتماشى مع حالة المكان. العروسة اختارت فستان بقصة الميرميد برقبة عالية من غير أكمام وكان من القماش المطرز، رقة الفستان خلت العروسة تختار تسريحة شعر هادية، رفعت شعرها على الطريقة الأسبانية، وعلى نفس شكل الاختيارات كان اختيار ألوان المكياج، اللي راحت أكتر للألوان الترابية المايلة للون الروز، اكتمل لوك العروسة ببوكيه ورد صغير متعلق في إيديها.
العريس اختار يظهر في فرحه بالذقن المهندمة، واتبع اللوك الكلاسيكي لأي عريس بدلة وبيبون أسود.
متخصصين الفرح:
منظم الفرح: Weddingitaly
الورد: Tuscany Flowers Florence
الشعر والمكياج: Lara Navarrini Make up
الفستان: Heba&Hala
فيديو: أحمد صلاح
تصوير: ريمون الماركيز
مساعد تصوير: جيهاد
التصوير الأفقي: Waterfall Visuals
