فساتين صاحبات العروسة تجنن ولا ما تتلبسش تاني!

Large

لقيتي الشخص المناسب وخلاص إتقدملك؟ بدأتي تجهزي للفرح؟، ما قدرتيش تستني علشان تقولي لصاحباتك الخبرمش كده؟ فكرتي في فساتين صاحبات أو وصيفات العروسة ولا لسة؟ أكيد لحظة مهمة لما شاركتي فرحتك مع صاحباتك، فرحتهم بيكي خلت الفرحة فرحتين، الصاحبات دول بيبقوا أقرب الناس للعروسة اللي بتحس معاهم بالأمان والثقة الكاملة وهما حواليها يوم الفرح.

قبل ما تختاري فساتين صاحباتك للفرح لازم تكوني عارفة كويس مين اللي هيلبسهم، دول بيبقوا دايرة الثقة بتاعتك، أقرب وأعزالناس لقلبك واللي زي أخواتك بالظبط، هتختاري صاحباتك اللي عايزاهم يشاركوكي كل لحظة في التجهيز وفي الفرح، بيرقصوا حواليكي من فرحتهم بيكي وكإن الفرح فرحهم!.

وصلنا لفساتين صاحبات العروسة، بعد ما تقولي لصاحباتك على تاريخ ومكان الفرح حددي معاهم معاد علشان تتقابلوا وتتفقوا على موديل، قصة ولون الفساتين وطبعا الخياط اللي هينفذ الموديل، إحنا عارفين إنك كعروسة عايزة تختاري كل تفصيلة لفرحك لكن علشان خاطر صاحباتك حاولي تبقي مرنة شوية معاهم وخليهم يختاروا القصة والموديل اللي هيكون لايق على أجسامهم، أكيد حابة إن شكلهم يبقى جميل ويكونوا مبسوطين بفساتينهم، وأنتي يا عروسة هتختاري اللون اللي هيتناسب مع تيمة فرحك لأن فساتين صاحباتك هتكون واجهة فرحك.

تصوير ميلاد ناصف

ترزي صاحبات العروسة:

إعملي أبحاثك علشان تختاري أفضل ترزي يفصلك فساتين صاحباتك، وممكن تختاري ترزي مرشح من حد بتثقي في ذوقه وفي رأيه، لازم الترزي يكون عنده النظرة المهنية اللي هتساعدكم في إختيار الموديل المناسب لكل واحدة ولكل جسم، ويقدر يساعد في إختيار اللون المناسب لو لسة مش متأكدة من اللون، موقع الترزي مهم جدا، إختاروا حد مكانه محوري وسهل الوصول ليه علشان هتروحوله أكتر من مرة.

تيمة الفرح وفساتين صاحبات العروسة:

قبل رحلتكم للترزي لازم تعرفي صاحباتك الأول تيمة وألوان الفرح علشان اختيار الموديل على أساسهم، كل ما هتكونوا محددين الألوان والموديلات هيسهل عليكم وهتتفادوا أي لخبطة عند الترزي.

موديلات فساتين صاحبات العروسة:

في أغلب الأوقات موديلات فساتين صاحبات العروسة بيكون إختيارهم الشخصي، لكن العروسة لها رأي، ولو فيه حاجات معينة زي اللون أو الطول لازم يكونوا موحدين، اختيار الموديل لازم يتماشي مع تيمة الفرح، لازم كلهم يبقى فيهم نوع من المطابقة سواء الموديل أو اللون أو الستايل.

تصوير إيهاب ذكريا

قماش فساتين صاحبات العروسة:

القماش لازم يطابق تيمة الفرح وكمان الموسم، أكيد صاحباتك هيبقوا عارفين معاد الفرح وبالتالي الجو والموسم معروفين، وده هيسهل اختيار القماش، الترزي برضه يقدر يوجهكم في اختيار نوعية القماش المناسب لموديلات الفساتين، مفيش أحلى من الخروجات سوا علشان تشتروا قماش الفساتين مع بعض،آخر حاجة روحوا المحلات الكبيرة لتوافر معظم أنواع القماش عندهم.

لون فساتين صاحبات العروسة:

إختيار اللون بيبقى على أساس الموسم اللي فيه معاد الفرح، لو صيف أو ربيع اختاري الألوان الفاتحة ولو شتاء إختاري ألوان أغمق شوية، برضه اللون معتمد بشكل كبيرعلى التيمة والألوان المستخدمة في الفرح، حاولي تخلي كل الألوان متماشية مع بعض علشان يبقى فيه إنسجام في الفرح والصور.

تصوير محمد عاطف

فستان العروسة:

ما تنسيش أهم حاجة وهي فستانك وشكلك ككل، كل التفاصيل اللي اتكلمنا عنها لإختيار أحسن فستان لصاحباتك كانت علشان تكمل صورتك وصورة فرحك بأجمل وأكمل وجه، ركزي إن فساتينهم تكون لايقة على فستانك.

تصوير ميلاد ناصف

مين بيدفع ثمن فساتين صاحبات العروسة؟:

العروسة في بعض الأوقات ممكن تختار تدفع ثمن فساتين صاحابتها علشان ما تحملهمش تكاليف زيادة، لكن في الأغلب كل واحدة بتدفع تكاليف فستانها، ببساطة لأن ده أكيد هيزود ميزانية الفرح، في الآخر العروسة بتقرر الألوان وممكن الموديل والستايل وبتسيب لصاحابتها حرية الإختيار. 

هل ممكن صاحبات العروسة يغيروا الفستان بعد الزفة؟:

عمرك أخدتي بالك في بعض الأفراح لو صاحبات العروسة بيغيروا فستانهم بعد التصوير والزفة ولا لأ؟، الحقيقة فيه بعض العرايس بيشترطوا على صاحباتهم أنهم ما يغروش فساتينهم ولا حتى بعد التصوير ما يخلص، لكن الأفضل إنك تبقي مرنة وتسيبلهم حرية الاختيار، سواء إنهم يغيروا بعد التصوير والزفة أو كل واحدة تفضل بالفستان، لأنك أكيد عايزة صاحباتك يبقوا مرتاحين ومبسوطين في فرحك.

تصوير محمد عاطف

 

لقيتي الشخص المناسب وخلاص إتقدملك؟ بدأتي تجهزي للفرح؟، ما قدرتيش تستني علشان تقولي لصاحباتك الخبرمش كده؟ فكرتي في فساتين صاحبات أو وصيفات العروسة ولا لسة؟ أكيد لحظة مهمة لما شاركتي فرحتك مع صاحباتك، فرحتهم بيكي خلت الفرحة فرحتين، الصاحبات دول بيبقوا أقرب الناس للعروسة اللي بتحس معاهم بالأمان والثقة الكاملة وهما حواليها يوم الفرح.

قبل ما تختاري فساتين صاحباتك للفرح لازم تكوني عارفة كويس مين اللي هيلبسهم، دول بيبقوا دايرة الثقة بتاعتك، أقرب وأعزالناس لقلبك واللي زي أخواتك بالظبط، هتختاري صاحباتك اللي عايزاهم يشاركوكي كل لحظة في التجهيز وفي الفرح، بيرقصوا حواليكي من فرحتهم بيكي وكإن الفرح فرحهم!.

وصلنا لفساتين صاحبات العروسة، بعد ما تقولي لصاحباتك على تاريخ ومكان الفرح حددي معاهم معاد علشان تتقابلوا وتتفقوا على موديل، قصة ولون الفساتين وطبعا الخياط اللي هينفذ الموديل، إحنا عارفين إنك كعروسة عايزة تختاري كل تفصيلة لفرحك لكن علشان خاطر صاحباتك حاولي تبقي مرنة شوية معاهم وخليهم يختاروا القصة والموديل اللي هيكون لايق على أجسامهم، أكيد حابة إن شكلهم يبقى جميل ويكونوا مبسوطين بفساتينهم، وأنتي يا عروسة هتختاري اللون اللي هيتناسب مع تيمة فرحك لأن فساتين صاحباتك هتكون واجهة فرحك.

تصوير ميلاد ناصف

ترزي صاحبات العروسة:

إعملي أبحاثك علشان تختاري أفضل ترزي يفصلك فساتين صاحباتك، وممكن تختاري ترزي مرشح من حد بتثقي في ذوقه وفي رأيه، لازم الترزي يكون عنده النظرة المهنية اللي هتساعدكم في إختيار الموديل المناسب لكل واحدة ولكل جسم، ويقدر يساعد في إختيار اللون المناسب لو لسة مش متأكدة من اللون، موقع الترزي مهم جدا، إختاروا حد مكانه محوري وسهل الوصول ليه علشان هتروحوله أكتر من مرة.

تيمة الفرح وفساتين صاحبات العروسة:

قبل رحلتكم للترزي لازم تعرفي صاحباتك الأول تيمة وألوان الفرح علشان اختيار الموديل على أساسهم، كل ما هتكونوا محددين الألوان والموديلات هيسهل عليكم وهتتفادوا أي لخبطة عند الترزي.

موديلات فساتين صاحبات العروسة:

في أغلب الأوقات موديلات فساتين صاحبات العروسة بيكون إختيارهم الشخصي، لكن العروسة لها رأي، ولو فيه حاجات معينة زي اللون أو الطول لازم يكونوا موحدين، اختيار الموديل لازم يتماشي مع تيمة الفرح، لازم كلهم يبقى فيهم نوع من المطابقة سواء الموديل أو اللون أو الستايل.

تصوير إيهاب ذكريا

قماش فساتين صاحبات العروسة:

القماش لازم يطابق تيمة الفرح وكمان الموسم، أكيد صاحباتك هيبقوا عارفين معاد الفرح وبالتالي الجو والموسم معروفين، وده هيسهل اختيار القماش، الترزي برضه يقدر يوجهكم في اختيار نوعية القماش المناسب لموديلات الفساتين، مفيش أحلى من الخروجات سوا علشان تشتروا قماش الفساتين مع بعض،آخر حاجة روحوا المحلات الكبيرة لتوافر معظم أنواع القماش عندهم.

لون فساتين صاحبات العروسة:

إختيار اللون بيبقى على أساس الموسم اللي فيه معاد الفرح، لو صيف أو ربيع اختاري الألوان الفاتحة ولو شتاء إختاري ألوان أغمق شوية، برضه اللون معتمد بشكل كبيرعلى التيمة والألوان المستخدمة في الفرح، حاولي تخلي كل الألوان متماشية مع بعض علشان يبقى فيه إنسجام في الفرح والصور.

تصوير محمد عاطف

فستان العروسة:

ما تنسيش أهم حاجة وهي فستانك وشكلك ككل، كل التفاصيل اللي اتكلمنا عنها لإختيار أحسن فستان لصاحباتك كانت علشان تكمل صورتك وصورة فرحك بأجمل وأكمل وجه، ركزي إن فساتينهم تكون لايقة على فستانك.