اختيارنا لفرح الأسبوع المرة دي راح للفرح التقليدي، لكن مش تقليدي بالمعنى المتعارف عليه، لأن العرسان قرروا يعملوا الديكور مزيج بين التقليدي والمودرن. فرح في قاعة في فندق فخم بكل فقرات الأفراح المعتادة، لكن بديكور وألوان مودرن أكتر. ميار وقدري عملوا الفرح وكتب الكتاب في نفس اليوم والمكان وهو فندق دوسيت تاني ليك فيو القاهرة، تعالوا نتعرف على تفاصيل أكتر عن تنظيم الفرح.
جلسة تصوير العريس والعروسة بدأت من الصبح بدري في الغرف في الفندق وقت التجهيزات وسط أصحابهم وأهلهم. مجرد ما خلصوا نزلوا الجنينة على البيسين، وكانت أول مرة يشوفوا بعض كعريس وعروسة قبل غروب الشمس بشوية، المكان والزمان عملوا أحلى شغل مع المصور إيهاب زكريا وهو بيصور للعروسين.
شوفي أكتر: بيرونا وحسين عملوا أروش فرح على البحر في العين السخنة!
جمال العروسة واختيارتها المميزة ظهرت في كل تفصيلة بداية من الفستان للبوكيه، الفستان من تصميم نور عزازي كوتيور، الشعر رزق هير ستوديو، والمكياج دينا راغب. غير كده العروسة اختارت بوكيه من الورد البري بألوان مبهجة ومربوط بالإيد.
إختيار ميار للون الأسود لفساتين صحباتها كان جريء ومختلف جدا، عبر عن ذوقها وضاف للستايل المودرن في الفرح، وعكس الذوق الشيك اللي كان ظاهر جدا في أناقة ديكور الكراسي والترابيزات المتزينة بفازات الورد، الإضاءة، الكوشة، والدانس فلور.
كتب الكتاب تم عقده في قاعة صغيرة في الفندق مجهزة بكراسي على شكل مسرح للمعازيم وترابيزة كبيرة للعريس، العروسة، الأهل، الشهود، والمأذون. الطقوس والإجراءات كلها تمت والكل دعى من قلبه للعروسين، الزغاريد رنت في الفندق كله وفضلت مستمرة لغاية ما وصلوا للقاعة الكبيرة، وبدأ الفرح واستمر لبعد نص الليل.
متخصصين الفرح:
المصور: إيهاب زكريا
المكان: دوسيت تاني ليك فيو
الشعر: رزق هير ستوديو
المكياج: دينا راغب
ديكور الفرح: By Mayar
تصميم الفستان: نور عزازي كوتيور
اختيارنا لفرح الأسبوع المرة دي راح للفرح التقليدي، لكن مش تقليدي بالمعنى المتعارف عليه، لأن العرسان قرروا يعملوا الديكور مزيج بين التقليدي والمودرن. فرح في قاعة في فندق فخم بكل فقرات الأفراح المعتادة، لكن بديكور وألوان مودرن أكتر. ميار وقدري عملوا الفرح وكتب الكتاب في نفس اليوم والمكان وهو فندق دوسيت تاني ليك فيو القاهرة، تعالوا نتعرف على تفاصيل أكتر عن تنظيم الفرح.
جلسة تصوير العريس والعروسة بدأت من الصبح بدري في الغرف في الفندق وقت التجهيزات وسط أصحابهم وأهلهم. مجرد ما خلصوا نزلوا الجنينة على البيسين، وكانت أول مرة يشوفوا بعض كعريس وعروسة قبل غروب الشمس بشوية، المكان والزمان عملوا أحلى شغل مع المصور إيهاب زكريا وهو بيصور للعروسين.
شوفي أكتر: بيرونا وحسين عملوا أروش فرح على البحر في العين السخنة!
جمال العروسة واختيارتها المميزة ظهرت في كل تفصيلة بداية من الفستان للبوكيه، الفستان من تصميم نور عزازي كوتيور، الشعر رزق هير ستوديو، والمكياج دينا راغب. غير كده العروسة اختارت بوكيه من الورد البري بألوان مبهجة ومربوط بالإيد.
إختيار ميار للون الأسود لفساتين صحباتها كان جريء ومختلف جدا، عبر عن ذوقها وضاف للستايل المودرن في الفرح، وعكس الذوق الشيك اللي كان ظاهر جدا في أناقة ديكور الكراسي والترابيزات المتزينة بفازات الورد، الإضاءة، الكوشة، والدانس فلور.
كتب الكتاب تم عقده في قاعة صغيرة في الفندق مجهزة بكراسي على شكل مسرح للمعازيم وترابيزة كبيرة للعريس، العروسة، الأهل، الشهود، والمأذون. الطقوس والإجراءات كلها تمت والكل دعى من قلبه للعروسين، الزغاريد رنت في الفندق كله وفضلت مستمرة لغاية ما وصلوا للقاعة الكبيرة، وبدأ الفرح واستمر لبعد نص الليل.
متخصصين الفرح:
المصور: إيهاب زكريا
المكان: دوسيت تاني ليك فيو
الشعر: رزق هير ستوديو
المكياج: دينا راغب
ديكور الفرح: By Mayar
تصميم الفستان: نور عزازي كوتيور
