غلطات العروسة هتندم عليهم يوم الفرح

إعرفيهم علشان ما تندميش

Large

كل عروسة وقعت على الأقل في غلطتين يوم الفرح، والأكيد غلطات الفرح مش مقصودة، أهمها إنهم أخدوا وقت كبير فى تظبيط شكلهم ولبسهم ونسيو للأسف يتبسطو، وعشان ده أهم يوم في حياة أي بنت، جمعنالك غلطات الفرح إلى بتقع فيهم أى عروسة يوم فرحها، وإلى لازم تاخدى بالك منهم عشان فرحك يكون جميل وكمان تقدرى تتبسطى بكل حاجه فيه. 

- الوقت بيخلص بسرعه

المكياج، ولبس فستان الفرح، و "الفوتوسيشن"، أكتر حاجات بتاخد وقت من العروسة، ودايما بيكونو سبب فى تأخيرها، وده بيخليها مستعجله، ومبتحسش بفرحة اللحظة إلى بتعيشها، وممكن كمان متاخدش بالها من تفاصيل مهمه فى يومها، عشان كده لازم كل عروسة تدى نفسها وقت زيادة أكتر من إلى هى محتاجاه عشان تجهز.

- التوتر و"الأوفر ثينكينج"

لازم فى وقت معين تبطلى تفكير فى كل التفاصيل الصغيرة، وتسيبى كل حاجه للشخص إلى المفروض يعملها، وتتبسطى بكل حاجه حواليكى، خدى نفس عميق، واتطمنى إن عيلتك وصحابك هيتصرفوا فى أى موقف يحصل فجأه ، فمفيش داعى تتوترى، عشان تقدرى تفتكرى بعد كده كل حاجه حصلت فى فرحك، ومتضيعيش الذكريات الحلوة دى عشان كنتى قلقانه على ألون المناديل إلى على "ترابيزات" الضيوف.

- متنسيش تاكلي

كل الدوشة حواليكى، هتخلي الأكل آخر حاجه تفتكريها، بس لما ترقصى وتتحركى بفستان الفرح الكبير والتقيل، ممكن جدا تدوخى من التعب، فلازم تفطرى وتتغدى كويس، خصوصا إنك هتقضى يوم طويل بين الماكياج والشعر، وده هيخلي طاقتك تخلص بسرعة.

إقرا أكتر: للعريس والعروسة هتفطروا إيه يوم الفرح؟

- لازم تلبسى " فلات شوز"

شكلك طبعا مهم، لكن راحتك أهم بكتير فى اليوم ده، وأغلب "شوزات" الأفراح بتكون متعبة جدا لأنها بكعب عالى، وهتخليكى متضايقه وتعبانه مع الحركة الكتير، عشان كده الأحسن تاخدى معاكى "فلات شوز" وتلبسيه فى نص الفرح، وممكن كمان تبدلى فستان فرحك بفستان تانى مريح، خصوصا لو الفرح هيفضل لوقت متأخر.

Top Wedding Day Mistakes_اخطاء العروسه

- خليكي فاكرة ضيوفك

ما تنسيش تسلمى على كل ضيوفك فى الفرح، وتشكريهم على أنهم كانو معاكى فى يوم زى ده، عشان يحسوا إن وجودهم مهم فى أحلى يوم فى حياتك.

- خليكى واقعية وحطي حلول بديلة

كل بنت نفسها تكون سندريلا يوم فرحها، وكل حاجه تكون خيالية وجميلة، لكن مهما اهتميتى بكل التفاصيل لازم تعرفى إن مفيش حاجه بتكون "بيرفيكت"، عشان كده ممكن تحطى حلول بديلة لأى مشكلة أو غلطة ممكن تحصل، ويبقى عندك السلاسة إنك تغيريها، لأن مش كل الحاجات بتحصل زى ما إحنا عايزين بالظبط، لكن نقدر نتعلم من غلطات غيرنا عشان يومنا يكون جميل وميتنسيش.

عاوزة تعرفي أكتر إقري: ١٥ حاجة للعريس والعروسة مينفعش تتعمل يوم الفرح

كل عروسة وقعت على الأقل في غلطتين يوم الفرح، والأكيد غلطات الفرح مش مقصودة، أهمها إنهم أخدوا وقت كبير فى تظبيط شكلهم ولبسهم ونسيو للأسف يتبسطو، وعشان ده أهم يوم في حياة أي بنت، جمعنالك غلطات الفرح إلى بتقع فيهم أى عروسة يوم فرحها، وإلى لازم تاخدى بالك منهم عشان فرحك يكون جميل وكمان تقدرى تتبسطى بكل حاجه فيه. 

- الوقت بيخلص بسرعه

المكياج، ولبس فستان الفرح، و "الفوتوسيشن"، أكتر حاجات بتاخد وقت من العروسة، ودايما بيكونو سبب فى تأخيرها، وده بيخليها مستعجله، ومبتحسش بفرحة اللحظة إلى بتعيشها، وممكن كمان متاخدش بالها من تفاصيل مهمه فى يومها، عشان كده لازم كل عروسة تدى نفسها وقت زيادة أكتر من إلى هى محتاجاه عشان تجهز.

- التوتر و"الأوفر ثينكينج"

لازم فى وقت معين تبطلى تفكير فى كل التفاصيل الصغيرة، وتسيبى كل حاجه للشخص إلى المفروض يعملها، وتتبسطى بكل حاجه حواليكى، خدى نفس عميق، واتطمنى إن عيلتك وصحابك هيتصرفوا فى أى موقف يحصل فجأه ، فمفيش داعى تتوترى، عشان تقدرى تفتكرى بعد كده كل حاجه حصلت فى فرحك، ومتضيعيش الذكريات الحلوة دى عشان كنتى قلقانه على ألون المناديل إلى على "ترابيزات" الضيوف.