غلطات أول مقابلة لازم تبعدوا عنها... الإنطباع الأول يدوم

Large

عادة أول مقابلة بين أي اتنين بتكون مجهدة للإعصاب، لإن كل واحد بيحاول يقنع التاني بنفسه، وده ممكن وقعك في غلطات، في العادي مينفعش تحصل، زي مثلا إنك تمسك تليفونك كتير، أو تتكلم كتير عن نفسك في وقت لسة بدري أوي. مهم جدا إنك ما تحطش أي توقعات في أول مقابلة، خليك على طبيعتك، متواضع وتتكلم في إطار الحوار اللي بينكم، وعلشان ما تبقاش أول مقابلة فيها مواقف مش حلوة، هنقولك على الأخطاء اللي لازم تبعد عنها.

التأخير عن المعاد

التأخير عن أي معاد أمر مش مقبول! خصوصا لو كان ده أول معاد تتقابلوا فيه. التزم بالوقت المحدد لمعاد المقابلة، وما تخليش التأخير يكون سبب بإنه يخلي مود الطرف التاني مش حلو. خد بالك إن هنا بتسيب الانطباع الأول، علشان كدا لازم تبين إنك مسؤول وبتحترم وقت الناس.

مش بتسأل

المقابلات هتخليكم تتعرفوا على بعض، فبلاش تخلي المقابلة تعدي من غير ما تسأل الأسئلة الصح في الوقت الصح. حط في بالك إنك لو ما سألتش معناها إنك مش مهتم تعرف حاجة عن الطرف التاني، وده ممكن يخلي الطرف تاني يفقد متعة أول مقابلة، ويحس إنه ملوش لازمة في حياتك.

خط أحمر

الخط الأحمر ده هو إنك تتعامل بطريقة في تكبر وتعالي مع الجرسون! كونك إنك بتتعامل بالطريقة دي مع الناس اللي بتعملك خدمة، هتتشاف إنك شخص مش آمن ومش بتحترم الناس. كتير بيشوفوا التصرف ده خط أحمر وعلامة إنذار إنهم لازم يهربوا من أقرب باب يقابلهم.

مش كل حاجة تتقال

مشاركتك مع الطرف التاني شوية حاجات عن نفسك حاجة كويسة علشان تقدروا تتعرفوا على بعض، لكن اللي مش كويس وممكن يوقعك في الغلط إنك تخلي الطرف التاني يخاف منك وإنت بتتكلم عن مخاوفك ومشاكلك في الحياة. خد بالك من إنك تكشف كل حاجة في أول مقابلة هيخلي حياتك الخاصة رقم واحد في الحوار بينكم، وكمان التفاصيل دي ممكن تبقى مش مريحة للطرف التاني.

إقرا أكتر: أحسن أماكن تخرجوا فيها مع بعض.. الخروجة على فين؟

تتكلم كتير عن نفسك

إنت مش رايحة المقابلة دي علشان تتكلم كتير عن نفسك، بلاش اللي قدامك يحس بالنرجسية! إنت رايح تقابل حد تكلمه عن إنجازاتك في الحياة وقد إيه إنت شخص مسؤول في حياتك وفي شغلك. حط في اعتبارك الشخص اللي قدامك، وخلي الكلام يكون ماشي على مستوى واحد بينكم، علشان مش كل واحد يعلي عالتاني.

التوتر

أكيد هتحس بتوتر أول مقابلة، لكن الصح إنك لازم تتحكم في التوتر ده وما تخليهوش يسيطر عليك. خد نفس عميق إهدى كدا، وبلاش تحط أي توقعات في بالك لا قبل، ولا وقت، ولا بعد المقابلة. خلي كل حاجة تمشي بمنتهى الهدوء علشان ما تغلطش، إنت اللي تقدر تسيطر على التوتر مش التوتر هو اللي يقدر يسيطر عليك.

 

عادة أول مقابلة بين أي اتنين بتكون مجهدة للإعصاب، لإن كل واحد بيحاول يقنع التاني بنفسه، وده ممكن وقعك في غلطات، في العادي مينفعش تحصل، زي مثلا إنك تمسك تليفونك كتير، أو تتكلم كتير عن نفسك في وقت لسة بدري أوي. مهم جدا إنك ما تحطش أي توقعات في أول مقابلة، خليك على طبيعتك، متواضع وتتكلم في إطار الحوار اللي بينكم، وعلشان ما تبقاش أول مقابلة فيها مواقف مش حلوة، هنقولك على الأخطاء اللي لازم تبعد عنها.

التأخير عن المعاد

التأخير عن أي معاد أمر مش مقبول! خصوصا لو كان ده أول معاد تتقابلوا فيه. التزم بالوقت المحدد لمعاد المقابلة، وما تخليش التأخير يكون سبب بإنه يخلي مود الطرف التاني مش حلو. خد بالك إن هنا بتسيب الانطباع الأول، علشان كدا لازم تبين إنك مسؤول وبتحترم وقت الناس.

مش بتسأل

المقابلات هتخليكم تتعرفوا على بعض، فبلاش تخلي المقابلة تعدي من غير ما تسأل الأسئلة الصح في الوقت الصح. حط في بالك إنك لو ما سألتش معناها إنك مش مهتم تعرف حاجة عن الطرف التاني، وده ممكن يخلي الطرف تاني يفقد متعة أول مقابلة، ويحس إنه ملوش لازمة في حياتك.