عشان محدش ينام على الكنبة.. نصايح للكابلز بعد الجواز
March 12, 2021
وقت القراءة:
3د
عشان محدش ينام على الكنبة.. نصايح للكابلز بعد الجواز
خناقات الكابلز مفيش هروب منها، خصوصا لو كانوا متوترين بسبب حاجه او مش عارفين يتفاهموا حوالين موضوع معين. وفى كتب ومقالات كتير اتكتبت عن ازاى الكابلز يتواصلوا بشكل احسن وازاى تكون علاقتهم فيها تفاهم، وحتى برامج "التوك شو" والمتخصصين، كلهم قالوا نظريات كتير عن الطريقة الصح الى تخلى العلاقات بين الكابلز تكون أحسن وتستمر علطول. وده الى خلانا نجمعلكم لسته فيها نصايح تساعدكم تخرجوا بسرعه من موود الزعل والخناق أول ما تبدأو تختلفو فى الرأى على أى حاجه.
إمتى تتكلموا أو تسمعوا
أكتر نصيحة مهمة لازم تاخدوا بالكم منها وانتو بتتكلموا مع شريك حياتكم هو اختيار الوقت المناسب للكلام او المناقشة وامتى تتراجعوا وتسمعوا بس الحاجه الى عايزين يقولوها. ممكن ده يكون فى الوقت الى هما حابين يتكلموا فيه عن يومهم العادى، أو حتى لما تكونوا فى وسط خناقه كبيرة او مناقشة ومحدش سامع التاني كويس بيقول ايه. ابدأوا انتو بالخطوة دى وخدوا نفس عميق واشرحوا بهدوء.
أنا مش أنت
ده مهم لما تحاولوا تشرحوا الحاجه الى ضايقتكم ومش عايزينها تتكرر تانى. خصوصا ان الهجوم والعصبيه وانتو بتوضحوا التصرفات الى بتضايقكم او مبتحبوهاش مبتجبش نتيجة كويسه، وهتخلى شريك حياتكم يحس باحساس وحش بس، وبدل ما تعملوا كده، الاحسن تستخدموا كلام زى "انا حاسس ان" أو "انا شايف الموضوع بالشكل ده"، وبكده هتخلو شريك حياتكم يحس بالى انتو حاسين بيه ويفهمه. وهتكتشفوا ساعتها انه ما كانش واخد باله من وجهة نظركم بسبب طريقة توضيحها من الاول.
إقرا أكتر: علامات تقول إنكم مستعدين للجواز!
اتفاق يرضي الطرفين
الاتفاق الى يرضي الطرفين بين اى كابلز حاجه مهمه اوى انهم يوصلولها. خصوصا لو مش عارفين تفهموا آراء بعض. وده الحل الوسط الى يناسب الاتنين. وممكن تطبقوا ده على كل حاجه سواء كانت فى اختيار مدرسه للولاد فرنش ولا أمريكان، أو هتقضوا الاجازة مع اسرة مين فيكم، أو حتى حوالين فستان ميتلبسش فى يوم معين. كل دى أمثلة للاتفاقات اللى ترضى الطرفين، وهي خطوة مهمة اوى لو عايزين علاقتكم تكبر وتستمر .
لازم تعرفوا ان النصايح دى مش هتبقي زى السحر لكل مشاكل أو خناقات الكابلز وتحل كل مشاكلهم، بس هتساعدكم تعرفوا تتواصلوا بشكل احسن مع بعضكم، وخليكو متأكدين ان ال ده هو الى بيخلى العلاقات تبقي صحية وفيها تفاهم، من غير ما حد يضطر ينام على الكنبه فى آخر اليوم.
خناقات الكابلز مفيش هروب منها، خصوصا لو كانوا متوترين بسبب حاجه او مش عارفين يتفاهموا حوالين موضوع معين. وفى كتب ومقالات كتير اتكتبت عن ازاى الكابلز يتواصلوا بشكل احسن وازاى تكون علاقتهم فيها تفاهم، وحتى برامج "التوك شو" والمتخصصين، كلهم قالوا نظريات كتير عن الطريقة الصح الى تخلى العلاقات بين الكابلز تكون أحسن وتستمر علطول. وده الى خلانا نجمعلكم لسته فيها نصايح تساعدكم تخرجوا بسرعه من موود الزعل والخناق أول ما تبدأو تختلفو فى الرأى على أى حاجه.
إمتى تتكلموا أو تسمعوا
أكتر نصيحة مهمة لازم تاخدوا بالكم منها وانتو بتتكلموا مع شريك حياتكم هو اختيار الوقت المناسب للكلام او المناقشة وامتى تتراجعوا وتسمعوا بس الحاجه الى عايزين يقولوها. ممكن ده يكون فى الوقت الى هما حابين يتكلموا فيه عن يومهم العادى، أو حتى لما تكونوا فى وسط خناقه كبيرة او مناقشة ومحدش سامع التاني كويس بيقول ايه. ابدأوا انتو بالخطوة دى وخدوا نفس عميق واشرحوا بهدوء.
أنا مش أنت
ده مهم لما تحاولوا تشرحوا الحاجه الى ضايقتكم ومش عايزينها تتكرر تانى. خصوصا ان الهجوم والعصبيه وانتو بتوضحوا التصرفات الى بتضايقكم او مبتحبوهاش مبتجبش نتيجة كويسه، وهتخلى شريك حياتكم يحس باحساس وحش بس، وبدل ما تعملوا كده، الاحسن تستخدموا كلام زى "انا حاسس ان" أو "انا شايف الموضوع بالشكل ده"، وبكده هتخلو شريك حياتكم يحس بالى انتو حاسين بيه ويفهمه. وهتكتشفوا ساعتها انه ما كانش واخد باله من وجهة نظركم بسبب طريقة توضيحها من الاول.
إقرا أكتر: علامات تقول إنكم مستعدين للجواز!
اتفاق يرضي الطرفين
الاتفاق الى يرضي الطرفين بين اى كابلز حاجه مهمه اوى انهم يوصلولها. خصوصا لو مش عارفين تفهموا آراء بعض. وده الحل الوسط الى يناسب الاتنين. وممكن تطبقوا ده على كل حاجه سواء كانت فى اختيار مدرسه للولاد فرنش ولا أمريكان، أو هتقضوا الاجازة مع اسرة مين فيكم، أو حتى حوالين فستان ميتلبسش فى يوم معين. كل دى أمثلة للاتفاقات اللى ترضى الطرفين، وهي خطوة مهمة اوى لو عايزين علاقتكم تكبر وتستمر .
لازم تعرفوا ان النصايح دى مش هتبقي زى السحر لكل مشاكل أو خناقات الكابلز وتحل كل مشاكلهم، بس هتساعدكم تعرفوا تتواصلوا بشكل احسن مع بعضكم، وخليكو متأكدين ان ال ده هو الى بيخلى العلاقات تبقي صحية وفيها تفاهم، من غير ما حد يضطر ينام على الكنبه فى آخر اليوم.
