عرسان جداد.. تعملوا ايه بعد الفرح بـ3 أيام؟
Suzan Magdy
May 26, 2019
وقت القراءة:
4د
عرسان جداد.. تعملوا ايه بعد الفرح بـ3 أيام؟
قائمة مهام العرسان الجداد
زي ما في قائمة مهام للعرسان قبل الفرح، في برضه قائمة مهام للعرسان بعد الفرح، لكن هي إيه تفاصيلها، وهل هي بنفس مجهود القائمة اللي قبل الفرح؟!
كل عريس وعروسه جداد بيقضوا شهور لتحضير فرحهم والفرح بيجي ويخلص في كام ساعة بيعدوا في لمح البصر، كل تفصيلة في اليوم بيكون معمول حسابها، متخطط ومترتب لها صح، لكن اللي مش معمول حسابه الترتيبات اللي لازم تحصل بعد الفرح علي طول.
أغلب العرسان مش بتهتم بقائمة المهام اللي بعد الفرح، ويلاقوا نفسهم مش عارفين يتصرفوا إزاي، سواء في لبس الفرح أو مثلا مين اللي جاب الهدية، علشان كده النهاردة هنقولك على قائمة ترتيبات تعملوها بعد الفرح على طول.
قائمة مهام العريس والعروسة بعد الفرح:
- تجهيز البيت:
في كذا حاجه ممكن العرسان الجداد يعملوها، يا إما هتسافروا شهر العسل على طول، أو هتباتوا كذا يوم في بيتكم الجديد الأول، في النهاية هترجعوا على البيت، وأكيد محتاج تنضيف، في الحالة دي اتفقوا مع حد من اخواتكم او مامتكم أو أي شخص يجهز ليكم البيت قبل ما تروحوا.
- تسجيل النقطة وهدية الجواز:
هدايا الجواز غالبا بتيجي بعد الفرح، في الزيارات أوالعزوومات، بس ده ما يمنعش إن أكيد ناس هتديكم نقطة يوم الفرح، سجلوا أساميهم والمبالغ أول بأول، والأفضل إن يكون في شخص مسؤول عن الموضوع ده، أخوك أو أخوكي.
- الدراي كلين وعودة الحاجة إلى قواعدها:
أكيد مش فاضين بعد الفرح تفكروا هتعملوا إيه في لبس الفرح، سواء الفستان أو البدلة أو أي حاجة تانية، لازم تعملوا حسابكم من قبلها يعني لو الفستان متأجر، خلي حد يقوم بمهمة إنه يودي الفستان للدراي كلين ويرجعه لمكان التأجير، ولو بتاعك يبقى بعد ما ترجعي من شهر العسل قومي انتي بالمهمة دي علشان تحافظي عليه.
- شكر المعازيم والمتخصصين:
أي تعبير عن تقدير أو شكر أفضل إنه يحصل في وقتها أو بعدها على طول، حاولوا متأجلوش رسائل الشكر،ولو مفيش وقت خالص، ابعتوا رساله موحدة لكل الناس على الفيس بوك أو الواتس آب، اشكروهم على حضروهم، وقولوا لهم قد إيه اليوم فرق بوجودهم، أو إنهم ساعدوا في ترتيب يوم مميز بالنسبة لكم، وحاولوا ما تنسوش متخصصين الفرح اللي ساعدوا في تحقيق اليوم وتحقيق حلمكم.
- تقييم المتخصصين:
أي علاقة شغل بتكون مبنية على التبادل، يعني شخص بيقدم خدمة في مقابل أجر، وده جزء من علاقتكم مع متخصصين الفرح، بس زي ما هي علاقة مادية، أكيد في جزء معنوي لما بتشكروهم لأنهم خلوا الحلم واقع، أقل حاجة ممكن تعملوها إنكم تساعدوهم في حياتهم المهنية وتقيموهم، التقييم ممكن يكون على فيس بوك، أو عن طريق ترشيحهم لأصحابكم، أو الصور اللي بتنزلوها تكتبوا أسماءهم عليها.
- تجميع الصور والفيديوهات:
ممكن تطلبوا من أصحابكم وأقاريبكم في الفرح اللي بيصوروكم يبعتوا الصور على طول، أكيد مش هيكونوا زي صور مصور الفرح، بس الأكيد هيكونوا طبيعيين ومليانين لحظات خاصة هتحبوا تحتفظوا بيها لطول العمر.
- مكالمة المصور:
عايزين تشوفوا صور الفرح في أسرع وقت، يبقى لازم مكالمة المصور تعلمها بدري، لأنهم بيحبوا ياخدوا وقتهم، هنا ممكن تزنوا عادي لحد ما يبعتوهم.
- ريحوا دماغكم شوية:
افتكروا إنكم لسه متجوزين، انسوا كل المسؤوليات والحاجات اللي مفروض تتعمل، حقكم تنبسطوا ببعض واحتفلوا بأي طريقة تحبوها.
القائمة اللي فاتت دي كلها خطوات بسيطة، اعملوها من غير أي إحساس بالمسؤولية، هي مجرد عملية تنظيمية ممكن تظبتلكم حاجات ما جتش في بالكم أو ماكنتوش عاملين حسابكم عليها، مفيش خطوة فيهم هتاخد وقت أو مجهود، أهم حاجة استمتعوا بأول أيام الجواز، لوحدكم بعيد عن العالم الحقيقي، ما تستعجلوش عليه علشان قريب هترجعوا له!.
زي ما في قائمة مهام للعرسان قبل الفرح، في برضه قائمة مهام للعرسان بعد الفرح، لكن هي إيه تفاصيلها، وهل هي بنفس مجهود القائمة اللي قبل الفرح؟!
كل عريس وعروسه جداد بيقضوا شهور لتحضير فرحهم والفرح بيجي ويخلص في كام ساعة بيعدوا في لمح البصر، كل تفصيلة في اليوم بيكون معمول حسابها، متخطط ومترتب لها صح، لكن اللي مش معمول حسابه الترتيبات اللي لازم تحصل بعد الفرح علي طول.
أغلب العرسان مش بتهتم بقائمة المهام اللي بعد الفرح، ويلاقوا نفسهم مش عارفين يتصرفوا إزاي، سواء في لبس الفرح أو مثلا مين اللي جاب الهدية، النهاردة هنقولك على قائمة ترتيبات تعملوها بعد الفرح على طول.
قائمة مهام العريس والعروسة بعد الفرح:
- تجهيز البيت:
في كذا حاجه ممكن العرسان الجداد يعملوها، يا إما هتسافروا شهر العسل على طول، أو هتباتوا كذا يوم في بيتكم الجديد الأول، في النهاية هترجعوا على البيت، وأكيد محتاج تنضيف، في الحالة دي اتفقوا مع مامتك أو أي شخص يجهز ليكم البيت قبل ما تروحوا.
- تسجيل النقطة وهدية الجواز:
هدايا الجواز غالبا بتيجي بعد الفرح، في الزيارات أوالعزوومات، بس ده ما يمنعش إن أكيد ناس هتديكم نقطة يوم الفرح، سجلوا أساميهم أول بأول، والأفضل إن يكون في شخص مسؤول عن الموضوع ده، أخوك أو أخوكي.
- الدراي كلين وعودة الحاجة إلى قواعدها:
أكيد مش فاضين بعد الفرح تفكروا هتعملوا إيه في لبس الفرح، سواء الفستان أو البدلة أو أي حاجة تانية، لازم تعملوا حسابكم من قبلها يعني لو الفستان متأجر، خلي حد يقوم بمهمة إنه يودي الفستان للدراي كلين ويرجعه لمكان التأجير، ولو بتاعك يبقى بعد ما ترجعي من شهر العسل قومي انتي بالمهمة دي علشان تحافظي عليه.
- شكر المعازيم والمتخصصين:
أي تعبير عن تقدير أو شكر أفضل إنه يحصل في وقتها أو بعدها على طول، حاولوا متأجلوش رسائل الشكر،ولو مفيش وقت خالص، ابعتوا رساله موحدة لكل الناس على الفيس بوك أو الواتس آب، اشكروهم على حضروهم، وقولوا لهم قد إيه اليوم فرق بوجودهم، أو إنهم ساعدوا في ترتيب يوم مميز بالنسبة لكم، وحاولوا ما تنسوش متخصصين الفرح اللي ساعدوا في تحقيق اليوم وتحقيق حلمكم.
- تقييم المتخصصين:
أي علاقة شغل بتكون مبنية على التبادل، يعني شخص بيقدم خدمة في مقابل أجر، وده جزء من علاقتكم مع متخصصين الفرح، بس زي ما هي علاقة مادية، أكيد في جزء معنوي لما بتشكروهم لأنهم خلوا الحلم واقع، أقل حاجة ممكن تعملوها إنكم تساعدوهم في حياتهم المهنية وتقيموهم، التقييم ممكن يكون على فيس بوك، أو عن طريق ترشيحهم لأصحابكم، أو الصور اللي بتنزلوها تكتبوا أسماءهم عليها.
- تجميع الصور والفيديوهات:
ممكن تطلبوا من أصحابكم وأقاريبكم في الفرح اللي بيصوروكم يبعتوا الصور على طول، أكيد مش هيكونوا زي صور مصور الفرح، بس الأكيد هيكونوا طبيعيين ومليانين لحظات خاصة هتحبوا تحتفظوا بيها لطول العمر.
- مكالمة المصور:
عايزين تشوفوا صور الفرح في أسرع وقت، يبقى لازم مكالمة المصور تعلمها بدري، لأنهم بيحبوا ياخدوا وقتهم، هنا ممكن تزنوا عادي لحد ما يبعتوهم.
- ريحوا دماغكم شوية:
افتكروا إنكم لسه متجوزين، انسوا كل المسؤوليات والحاجات اللي مفروض تتعمل، حقكم تنبسطوا ببعض واحتفلوا بأي طريقة تحبوها.
القائمة اللي فاتت دي كلها خطوات بسيطة، اعملوها من غير أي إحساس بالمسؤولية، هي مجرد عملية تنظيمية ممكن تظبتلكم حاجات ما جتش في بالكم أو ماكنتوش عاملين حسابكم عليها، مفيش خطوة فيهم هتاخد وقت أو مجهود، أهم حاجة استمتعوا بأول أيام الجواز، لوحدكم بعيد عن العالم الحقيقي، ما تستعجلوش عليه علشان قريب هترجعوا له!.
