عايز تتجوز فين؟ إزاي تختار الجامع أو الكنيسة المناسبة؟

Large

مش كل الناس بتختار تكتب كتابها في يوم غير يوم الفرح، في ناس بتكتب الكتاب وبعدين تطلع على مكان الفرح، وفي اللي بيكتب كتابه في نفس المكان، لو انتم قررتوا إن كتب الكتاب أو الإكليل يكونوا منفصلين عن الفرح إقروا المقالة دي علشان تعرفوا أهم النصايح اللي هتساعدكوا تختاروا الجامع أو الكنيسة المناسبة لعقد الجواز.

تصوير حامد كامل

قرب أو بعد المكان:

إختاروا المكان القريب منكم انتم الإتنين، وفي نفس الوقت يكون محوري لمعظم الناس علشان تسهلوا على المعازيم الحضور، وفي حالة إن كل واحد فيكم ساكن في طرف من أطراف المدينة، إختاروا مكان في الوسط علشان يبقى سهل عليكم توصلوا له تحت أي ظروف، لكن  لو في حالة إن كتب الكتاب والفرح في نفس اليوم يبقى لازم المكانين يكونوا قريبين من بعض لسهولة وسرعة التنقل.

الراحة والسهولة:

مش بس المكان لازم يكون محوري علشان المعازيم مايعانوش في الطريق، لكن اختاروا مكان يكون سهل الوصول له، لأن أكيد مش عايزين حد يتوه وهو رايح الفرح وفي الآخر تلاقوا نفسكم لوحدكم في القاعة!

التيما أو الفكرة: 

عاوزين تيما تكون تقليدية ولا ليها طابع أثري شوية؟ تحب كتب كتابك أو إكليلك يبقوا في مسجد أو كنيسة أثريين علشان يبقى المود أكتر أصالة وعراقة؟، هنا لازم تحددوا عاوزين إيه، بعد ما تختاروا المسجد أو الكنيسة لازم البدلة والفستان يكونوا مناسبين للمكان الديني.

تصوير Chronicle Studios

 

شوفي أكتر: قبل الفرح بسنة: إزاي ترتب لفرحك

الميزانية:

أختاروا المكان اللي يناسب ميزانيتكم،  في أماكن معروفة ممكن تكون أغلى بكتير علشان معظم الناس بتحب تحجز فيهم، وفي أماكن ممكن تبقى أغلى علشان شكلها ومودها طالعين موضة، حاولوا تختاروا المكان المناسب لميزانيتكم، للتيما والقريب منكم ، مش لازم تمشي ورا المكان اللي اختارته معظم العرسان!

المساحة:

هل مساحة المكان كافية لعدد المعازيم؟ هل المكان يسيع كل العدد المعزوم ولا الناس مش هتلاقي مكان حتى علشان تقف؟ ما تختاروش مكان ضيق لمجرد إنه مناسب لسهولة الوصول له، أو صغير لدرجة إن الناس مش هتكون مرتاحة في قاعدتها، انتوا هتكونوا مشغولين بإن الناس تكون مرتاحة، أكثر من إنكم تفرحوا بجوازكم، وكمان مش هتقدروا تعزموا كل العدد اللي إنتوا عايزينه.

تصوير رامي مزيكا

حجز المكان:

أهم حاجة تحجزوا في الوقت المناسب وما تستنوش لآخر لحظة قبل الفرح، علشان مش هتلاقوا أماكن مناسبة، إبدؤا دوروا على الأماكن 9 شهور قبل الفرح، وما تتأخروش عن 4 شهور للحجز النهائي، لإن ممكن تضطروا تحجزوا في مكان مش كويس أو مش مناسب، تاني حاجة لازم تركزوا فيها هو تاريخ الحجز، إبعدوا عن الأعياد والأجازات الطويلة، لأن غالبية الناس ممكن تكون مسافرة، وهتحطوا المعازيم بين اختيارين، ناس ممكن تلغي السفر وناس تانية ممكن ما تحضرش أهم يوم بالنسبة لكم، فالأفضل يكون في وقت مناسب. 

تصوير ريمون الماركيز

 

مش كل الناس بتختار تكتب كتابها في يوم غير يوم الفرح، في ناس بتكتب الكتاب وبعدين تطلع على مكان الفرح، وفي اللي بيكتب كتابه في نفس المكان، لو انتم قررتوا إن كتب الكتاب أو الإكليل يكونوا منفصلين عن الفرح إقروا المقالة دي علشان تعرفوا أهم النصايح اللي هتساعدكوا تختاروا الجامع أو الكنيسة المناسبة لعقد الجواز.

تصوير حامد كامل

قرب أو بعد المكان:

إختاروا المكان القريب منكم انتم الإتنين، وفي نفس الوقت يكون محوري لمعظم الناس علشان تسهلوا على المعازيم الحضور، وفي حالة إن كل واحد فيكم ساكن في طرف من أطراف المدينة، إختاروا مكان في الوسط علشان يبقى سهل عليكم توصلوا له تحت أي ظروف، لكن  لو في حالة إن كتب الكتاب والفرح في نفس اليوم يبقى لازم المكانين يكونوا قريبين من بعض لسهولة وسرعة التنقل.

الراحة والسهولة:

مش بس المكان لازم يكون محوري علشان المعازيم مايعانوش في الطريق، لكن اختاروا مكان يكون سهل الوصول له، لأن أكيد مش عايزين حد يتوه وهو رايح الفرح وفي الآخر تلاقوا نفسكم لوحدكم في القاعة!

التيما أو الفكرة: 

عاوزين تيما تكون تقليدية ولا ليها طابع أثري شوية؟ تحب كتب كتابك أو إكليلك يبقوا في مسجد أو كنيسة أثريين علشان يبقى المود أكتر أصالة وعراقة؟، هنا لازم تحددوا عاوزين إيه، بعد ما تختاروا المسجد أو الكنيسة لازم البدلة والفستان يكونوا مناسبين للمكان الديني.

تصوير Chronicle Studios

 

شوفي أكتر: قبل الفرح بسنة: إزاي ترتب لفرحك

الميزانية:

أختاروا المكان اللي يناسب ميزانيتكم،  في أماكن معروفة ممكن تكون أغلى بكتير علشان معظم الناس بتحب تحجز فيهم، وفي أماكن ممكن تبقى أغلى علشان شكلها ومودها طالعين موضة، حاولوا تختاروا المكان المناسب لميزانيتكم، للتيما والقريب منكم ، مش لازم تمشي ورا المكان اللي اختارته معظم العرسان!

المساحة:

هل مساحة المكان كافية لعدد المعازيم؟ هل المكان يسيع كل العدد المعزوم ولا الناس مش هتلاقي مكان حتى علشان تقف؟ ما تختاروش مكان ضيق لمجرد إنه مناسب لسهولة الوصول له، أو صغير لدرجة إن الناس مش هتكون مرتاحة في قاعدتها، انتوا هتكونوا مشغولين بإن الناس تكون مرتاحة، أكثر من إنكم تفرحوا بجوازكم، وكمان مش هتقدروا تعزموا كل العدد اللي إنتوا عايزينه.

تصوير رامي مزيكا

حجز المكان:

أهم حاجة تحجزوا في الوقت المناسب وما تستنوش لآخر لحظة قبل الفرح، علشان مش هتلاقوا أماكن مناسبة، إبدؤا دوروا على الأماكن 9 شهور قبل الفرح، وما تتأخروش عن 4 شهور للحجز النهائي، لإن ممكن تضطروا تحجزوا في مكان مش كويس أو مش مناسب، تاني حاجة لازم تركزوا فيها هو تاريخ الحجز، إبعدوا عن الأعياد والأجازات الطويلة، لأن غالبية الناس ممكن تكون مسافرة، وهتحطوا المعازيم بين اختيارين، ناس ممكن تلغي السفر وناس تانية ممكن ما تحضرش أهم يوم بالنسبة لكم، فالأفضل يكون في وقت مناسب.