صباحية مباركة يا عرسان!

تعملوا إيه أول يوم بعد الفرح؟

Large

النهاردة أول يوم بعد فرحكم وأول يوم تقضوه سوا كزوج وزوجة، الفرح بيكون نهاية وبداية في نفس الوقت، نهاية جميلة لمرحلة تعارف، خطوبة وتجهيزات كتيرة، وفي نفس الوقت بداية لرحلة جديدة هتخوضوها مع بعض، النهاردة هتبتدوا فصل تاني من حياتكم مع بعض وهتكتبوا قصتكم بنفسكم.

القصد ورا المقالة أكيد مش إننا نقولكم تعملوا إيه وما تعملوش إيه أول يوم جواز، ببساطة هي مجرد أفكار ومقترحات مختلفة إزاي ممكن تقضوا اليوم ده، وبرضه علشان نفكركم بحاجات ممكن تعملوها بعد الفرح على طول، اليوم ده هتنسوا كل حاجة تانية في الحياة وهتسلموا نفسكم لبعض تماما، هتكتشفوا طرق جديدة للحب وازاي تقدروا تخلوا اللي قدامكم يشوف الحب ده. 

تصوير ريمون الماركيز

1- جه وقت الراحة:

بعد أيام، أسابيع وشهور من اللف في المحلات والتجهيزات اللي ملهاش آخر، جه الوقت أخيرا اللي هتخدوا فيه نفسكم وتاخدوا راحة!، بس مش أي راحة، الراحة دي بيجي معاها مكافأة كبيرة، وهي إنكم تناموا في حضن بعض كل يوم. 

2- قضوا اليوم في البيت:

خلوا كل حاجة بسيطة في أول يوم بعد الفرح، خدوا وقتكم علشان تتعافوا من أي إرهاق جسدي أو ذهني مريتوا بيه في وقت تجهيزات الفرح، أفضل طريقة تقدروا تريحوا فيها تماما هي إنكم تقضوا اليوم في البيت مع بعض، حاجة أكيد هتبقى جديدة عليكم ومش متعودين عليها، خدوا وقتكم وإستمتعوا بكل لحظاتها.

تصوير رامي مزيكا

3- الفطار في السرير:

من أكتر الحاجات الرومانسية اللي ممكن تعملوها يوم الصباحية هي إنكم تجهزوا فطار حلو وتفطروا مع بعض في السرير، لو قاعدين في فندق يبقى إطلبوا الأكل على الأوضة على طول وقضوا اليوم كله مرتاحين ومتغذين كويس. 

4- رجعوا أي حاجة متأجرة:

سواء كنتم مأجرين البدلة، الفستان أو العربية لازم ترجعوا كل حاجة على طول بعد الفرح، إطلبوا من أي حد قريب ياخد الحاجة وينظفها الأول قبل ما ترجع، إتأكدوا إن الحاجة متتأخرش على الشركات اللي مأجرين منهم وإن الحاجة تكون في حالة كويسة.

تصوير ريمون الماركيز

5- إبعتوا الفستان والبدلة للدراي كلين:

إبعتوا الفستان والبدلة للدراي كلين علشان تشيلوهم أو ترجعوهم لو متأجرين، لو مسافرين على طول على شهر العسل شوفوا حد ممكن يتولى الموضوع ده بدالكم، بلاش الحاجة تستنى مش نظيفة لحد ما ترجعوا  خصوصا لو متأجرة.

6- جهزوا شنطة شهر العسل:

في حالة لو ما كنتوش جهزتم شنط شهر العسل بتاعتكم لحد دلوقتي، جه الوقت خلاص اللي تعملوا ده فيه، الا لو لسة هتسافروا بعدين. 

تصوير محمد عاطف

7- إعملوا برنش جماعي:

في حالة إن الفرح برا القاهرة،  ممكن تجهزوا برنش جماعي بعد الظهر مع العيلة والأصحاب القريبين قبل ما تطلعوا على شهر العسل لو فيه يوم أو يومين فاضيين، لأن بيبقى معظم الناس لسة موجودة في مكان الفرح أو قريب منه. 

8- اتكشفوا الرومانسية من جديد:

مش لازم نقول إن أول يوم بعد الفرح بيكون من أكتر الأيام الرومانسية والمثيرة اللي هتقضوها مع بعض، استمتعوا بكل لحظة تمر عليكم وكل تفصيلة هتكتشفوها لأول مرة في شريك حياتكم الجديد، جهزوا جو رومانسي يحطكم في المود ويخليكم مرتاحين أكتر مع بعض.

 Chronicle Studios تصوير

9- اتكشفوا علاقتكم الحميمة:

من غير كلام الجزء ده هيبقى أهم حاجة هتعملوها يومها سوا، المهم هو إن لازم تاخدوا وقتكم علشان تعرفوا بعض بالشكل الجديد، وتكونوا مرتاحين نفسيا وجسديا، ما تستعجلوش أوي في الأول خلوا الموضوع ياخد وقته علشان تتعودوا على أجسام بعض، خلوا الجو رومانسي ومثير بينكم في الأول قبل ماتبدأوا أي حاجة.

 

النهاردة أول يوم بعد فرحكم وأول يوم تقضوه سوا كزوج وزوجة، الفرح بيكون نهاية وبداية في نفس الوقت، نهاية جميلة لمرحلة تعارف، خطوبة وتجهيزات كتيرة، وفي نفس الوقت بداية لرحلة جديدة هتخوضوها مع بعض، النهاردة هتبتدوا فصل تاني من حياتكم مع بعض وهتكتبوا قصتكم بنفسكم.

القصد ورا المقالة أكيد مش إننا نقولكم تعملوا إيه وما تعملوش إيه أول يوم جواز، ببساطة هي مجرد أفكار ومقترحات مختلفة إزاي ممكن تقضوا اليوم ده، وبرضه علشان نفكركم بحاجات ممكن تعملوها بعد الفرح على طول، اليوم ده هتنسوا كل حاجة تانية في الحياة وهتسلموا نفسكم لبعض تماما، هتكتشفوا طرق جديدة للحب وازاي تقدروا تخلوا اللي قدامكم يشوف الحب ده. 

تصوير ريمون الماركيز

1- جه وقت الراحة:

بعد أيام، أسابيع وشهور من اللف في المحلات والتجهيزات اللي ملهاش آخر، جه الوقت أخيرا اللي هتخدوا فيه نفسكم وتاخدوا راحة!، بس مش أي راحة، الراحة دي بيجي معاها مكافأة كبيرة، وهي إنكم تناموا في حضن بعض كل يوم. 

2- قضوا اليوم في البيت:

خلوا كل حاجة بسيطة في أول يوم بعد الفرح، خدوا وقتكم علشان تتعافوا من أي إرهاق جسدي أو ذهني مريتوا بيه في وقت تجهيزات الفرح، أفضل طريقة تقدروا تريحوا فيها تماما هي إنكم تقضوا اليوم في البيت مع بعض، حاجة أكيد هتبقى جديدة عليكم ومش متعودين عليها، خدوا وقتكم وإستمتعوا بكل لحظاتها.

تصوير رامي مزيكا

3- الفطار في السرير:

من أكتر الحاجات الرومانسية اللي ممكن تعملوها يوم الصباحية هي إنكم تجهزوا فطار حلو وتفطروا مع بعض في السرير، لو قاعدين في فندق يبقى إطلبوا الأكل على الأوضة على طول وقضوا اليوم كله مرتاحين ومتغذين كويس. 

4- رجعوا أي حاجة متأجرة:

سواء كنتم مأجرين البدلة، الفستان أو العربية لازم ترجعوا كل حاجة على طول بعد الفرح، إطلبوا من أي حد قريب ياخد الحاجة وينظفها الأول قبل ما ترجع، إتأكدوا إن الحاجة متتأخرش على الشركات اللي مأجرين منهم وإن الحاجة تكون في حالة كويسة.

تصوير ريمون الماركيز

5- إبعتوا الفستان والبدلة للدراي كلين:

إبعتوا الفستان والبدلة للدراي كلين علشان تشيلوهم أو ترجعوهم لو متأجرين، لو مسافرين على طول على شهر العسل شوفوا حد ممكن يتولى الموضوع ده بدالكم، بلاش الحاجة تستنى مش نظيفة لحد ما ترجعوا  خصوصا لو متأجرة.

6- جهزوا شنطة شهر العسل:

في حالة لو ما كنتوش جهزتم شنط شهر العسل بتاعتكم لحد دلوقتي، جه الوقت خلاص اللي تعملوا ده فيه، الا لو لسة هتسافروا بعدين. 

تصوير محمد عاطف

7- إعملوا برنش جماعي:

في حالة إن الفرح برا القاهرة،  ممكن تجهزوا برنش جماعي بعد الظهر مع العيلة والأصحاب القريبين قبل ما تطلعوا على شهر العسل لو فيه يوم أو يومين فاضيين، لأن بيبقى معظم الناس لسة موجودة في مكان الفرح أو قريب منه. 

8- اتكشفوا الرومانسية من جديد:

مش لازم نقول إن أول يوم بعد الفرح بيكون من أكتر الأيام الرومانسية والمثيرة اللي هتقضوها مع بعض، استمتعوا بكل لحظة تمر عليكم وكل تفصيلة هتكتشفوها لأول مرة في شريك حياتكم الجديد، جهزوا جو رومانسي يحطكم في المود ويخليكم مرتاحين أكتر مع بعض.

 Chronicle Studios تصوير

9- اتكشفوا علاقتكم الحميمة:

من غير كلام الجزء ده هيبقى أهم حاجة هتعملوها يومها سوا، المهم هو إن لازم تاخدوا وقتكم علشان تعرفوا بعض بالشكل الجديد، وتكونوا مرتاحين نفسيا وجسديا، ما تستعجلوش أوي في الأول خلوا الموضوع ياخد وقته علشان تتعودوا على أجسام بعض، خلوا الجو رومانسي ومثير بينكم في الأول قبل ماتبدأوا أي حاجة.

 

الترتيب لفرحك أسهل كتير مع Weds360. لأننا عارفين إيه المهم، تقدر تعتمد علينا في كل تفصيلة.

Tools website

موقع الفرح

ده المكان اللي هتحتفظ فيه بكل الأوقات الحلوة وكل صور الفرح للأبد وتتحكم في كل التفاصيل. وهتقدر تختار تصميمه، وتخلي المعازيم يبعتولك عليه الصور والفيديوهات واللحظات المميزة في فرحك. اختار موقع الفرح
Tools budgeter

تكاليف الفرح

لو محدد الرقم اللي هتصرفه في الفرح، هنساعدك هنا تعرف تستغله صح وترتب التكاليف صح. اتحكم في فلوس فرحك
Tools checklist

جدول المهام

حدد الحاجات اللي وراك، اعمل لنفسك جدول بالمهم منها وبأولوياتك في تنظيم الفرح علشان متنساش حاجة. ابدأ من هنا
Tools guestlist

المعازيم

مين اللي جاي الفرح؟ ومين اللي لازم تأكد عليه؟ ومين اعتذر؟ كلها حاجات هتقدر تنظمها، تتحكم فيها وتبعت دعوات فرح مخصصة لكل مجموعة. ابدأ من هنا
Tools vendors

متخصصين الفرح

اعرف أكتر عن متخصصين الأفراح في كل المجالات وشوف شغلهم واختار الأفضل ليك ولفرحك. ابدأ من هنا
Tools registry

هدايا الفرح

جمع كل هدية نفسك فيها، كل محل بتحبه في مكان واحد، وساعد المعازيم يختاروا هدية الجواز من غير مواقف محرجة أو تكرار للهدايا. ابدأ من هنا
× Logo
Weds360
Mobile App
Install now