شبهها وطعمها لذيذ.. بدايل لتورتة الفرح

Large

فيه شوية حاجات الفرح مش هيكمل من غيرها، العروسة، والعريس، وطبعا تورتة الفرح. كل سنة بيكون فيه تريندات مختلفة لتورت الأفراح، من التورتة الضخمة أوى الى مش كلها بتتاكل، والتورتة الصغيرة البسيطة، أو التورتة المتزوقة بأحجار كريمة أو معمولة بديزاين معين، وكمان النيكد كيك.

شكل التورت اتغير كتير على مدى السنين الى فاتت عشان تمشى مع أى ستايل أو تيمة فرح مختلفة ممكن العرسان يعملوها، بس لو مكنتوش بتحبوا التورت ياترى هيكون إيه البديل؟ ولو عايزين حاجة بتتاكل بدل التورته هتعملوا ايه؟ احنا اخترنالكم مجموعة من الحاجات الى تشبه تورتة الفرح وممكن تبقي بديل هايل ليها!

كيكة الوافل

كل الناس بيحبوا الوافل، ومفيش حاجه هتبقى ألذ من برج طويل من الوافل فى بوفيه الفرح وممكن كمان تزوقوها فى النص او فوقيها بحاجات تليق مع تيمة الفرح بتاعكم وتعبر عنها، من الفاكهه والعصاير وجوه طبقاتها زى المكسرات، وكيكة الوافل ممتعة وينفع تتعمل بطرق كتير تناسب ذوقكم فى الأكل، عشان ممكن تتعمل بكل النكهات والاضافات الى بتحبوها.

كيكة الكريب

زى كيكة الوافل بالظبط، كيكة الكريب كمان أوبشن هايل فى الفرح، وبقى منتشر على السوشيال ميديا وصفات ليها بطرق سهلة ولذيذه، وأحسن حاجه فيها انها ممكن تتعمل بطبقات كتير أوى على قد ما انتو عايزين، وهى كمان خفيفة ومناسبه لأى عرسان ما بيحبوش التورت التقيله وعايزين يركزوا فى الحلويات التانيه ويقدروا ياكلوها، وهى بسيطه وممكن تتزوق بالويبد كريم بس، وهتبقى أوبشن حلو ومفيهوش مجازفه لان النكهات بتاعتها سهله وكل الناس بتحبها.

إقرا أكتر: أفكار للكيك توبر تغير شكل تورتة الفرح

تشيز كيك

بتحبوا الجبنه؟ لو بتحبوا الفوندو الطازه بالجبنه، وعايزين تورتة فرح بديزاين حلو عشان تليق على الاستايل بتاعكم وفى نفس الوقت يكون طعمها حلو، فأحسن أوبشن هو عجلة تشيز كيك، وهتناسب العرسان الى حابين الفرينش استايل، والميزه فيها انها معمولة من عجلات مختلفة من الجبنه، و بتتكشط ما بتتقطعش ! ودى حاجه جميلة عشان ممكن يتقدم معاها بسكوت ويكون لكل عجلة فليفور مختلف، وهتبقى مملحة شوية بس لذيذة.

كيك الدوناتس