ستايكيشن! علشان متملوش.. إزاي ممكن تتبسطوا فى البيت

Large

"ستايكيشن" يعنى تقضي أجازتك فى البيت، وهى بقت فكرة مش بطالة بعد كل الأخبار الى بنقراها اليومين دول. ليه تجازف بإنك تخرج وتتعدى، لما ممكن تفضل فى البيت وتظبط يوم حلو تتسلي فيه مع شريك حياتك، مش بس كده إنت كمان هتستفيد بيومك، وأكيد كلنا بنحتاج نسترخى في الويد إند عشان نرتاح بعد أسبوع شغل متعب، مفيش حاجة أحسن من إنك تقعد في البيت مع الى بتحبه، عشان كده جمعنا شوية أفكار لحاجات تعملوها سوا هتخليكم مبسوطين ومرتاحين.

تطبخوا أكله مع بعض

دى أول فكرة حطيناها فى الليسته بتاعتنا. مفيش حاجة رومانسية زى انكم تطبخوا أكله سوا. حتى لو فى حد منكم بس هو الى بيطبخ والتانى واقف معاه، مجرد وجوده معاك يشاركك ده في حد ذاته وقت مريح ورومانسي، أما المكافأة الحلوة هي أنكم هتقضوا وقت طويل سوا، خصوصا لو بتطبخوا أكله صعبه. وبالنسبة للكابلز الى مش شاطرين فى المطبخ، حاولوا تعملوا حاجه سهله زي الكب كيك مثلًا .

لعبة تنفع فى السهرة

أيوه زى ما قريت بالظبط، عارفين إنها تسليه قديمة، بس الـ board games  فعلا مسلية، وتخليك تنسى الوقت تماما وفي نفس الوقت مرتاح ومسترخي. وممكن تلعبوا "سكرابل" أو "مونوبولي" ، وأحسن  حاجة في الألعاب دي إنها ممكن تستمر لساعات طويلة أو دقايق قصيرة حسب مزاجكم. ولو الألعاب دى مش موجودة فالكوتشينة ممكن تأدى الغرض.

إقرا أكتر: لغات الحب الخمسة.. إعرف إزاي تعبر عن حبك!

"موفي نايت"

منقدرش نتكلم عن أجازه فى البيت من غير ما نجيب سيرة "الموفي نايت"فيلم السهرة. لإن دي أكتر حاجة مناسبة في الوضع ده، مفيش أحسن من إنك تتفرج على فيلمك المفضل مع الى بتحبه، من غير مجهود ولا تكاليف؟ وكمان فى اختيارات كتير أوى للأفلام الى ممكن تشوفوها سوا، وتكملوا الجو الرومانسى ده بالهوت تشوكليت والبوب كورن وهتبقي زي السهرة فى السينما.

اتمشوا

يمكن المشي مش حاجه تتعمل فى البيت، بس هو مهم جدا لتغيير الجو. وممكن اتمشوا سوا في المنطقة الى انتو ساكنين فيها، ماسكين فى إيد بعض. ولو انتوا كابلز نشيط  اركبوا عجل. الحاجات دي هتكون فرصة تاخدوا صور حلوه مع بعض. كل الأفكار دى جمعنهالك علشان تدي لأجازتك طعم علشان ما تحسش بالملل والزهق وأنت بتقضي أجازتك في البيت.

"ستايكيشن" يعنى تقضي أجازتك فى البيت، وهى بقت فكرة مش بطالة بعد كل الأخبار الى بنقراها اليومين دول. ليه تجازف بإنك تخرج وتتعدى، لما ممكن تفضل فى البيت وتظبط يوم حلو تتسلي فيه مع شريك حياتك، مش بس كده إنت كمان هتستفيد بيومك، وأكيد كلنا بنحتاج نسترخى في الويد إند عشان نرتاح بعد أسبوع شغل متعب، مفيش حاجة أحسن من إنك تقعد في البيت مع الى بتحبه، عشان كده جمعنا شوية أفكار لحاجات تعملوها سوا هتخليكم مبسوطين ومرتاحين.

تطبخوا أكله مع بعض

دى أول فكرة حطيناها فى الليسته بتاعتنا. مفيش حاجة رومانسية زى انكم تطبخوا أكله سوا. حتى لو فى حد منكم بس هو الى بيطبخ والتانى واقف معاه، مجرد وجوده معاك يشاركك ده في حد ذاته وقت مريح ورومانسي، أما المكافأة الحلوة هي أنكم هتقضوا وقت طويل سوا، خصوصا لو بتطبخوا أكله صعبه. وبالنسبة للكابلز الى مش شاطرين فى المطبخ، حاولوا تعملوا حاجه سهله زي الكب كيك مثلًا .

لعبة تنفع فى السهرة

أيوه زى ما قريت بالظبط، عارفين إنها تسليه قديمة، بس الـ board games  فعلا مسلية، وتخليك تنسى الوقت تماما وفي نفس الوقت مرتاح ومسترخي. وممكن تلعبوا "سكرابل" أو "مونوبولي" ، وأحسن  حاجة في الألعاب دي إنها ممكن تستمر لساعات طويلة أو دقايق قصيرة حسب مزاجكم. ولو الألعاب دى مش موجودة فالكوتشينة ممكن تأدى الغرض.

إقرا أكتر: لغات الحب الخمسة.. إعرف إزاي تعبر عن حبك!

"موفي نايت"