زاي تعمل فرح أونلاين في زمن الكورونا في 8 خطوات!

Large

بعد الكورونا كل حاجة ختلفت! لا الحياة هي نفس الحياة، وإحنا نفسنا مش زي ما إحنا. العروسة والعريس اللي كانوا بيحلموا بفرح كبير، زفة وهيصة ورقص، كل ده إتأجل أو بالأصح اتلغى! السؤال هل ممكن يتعمل فرح في زمن الكورونا! ممكن تحضر فرح بالبيجامة!. الإجابة أيوا ممكن لو اتعمل فرح أونلاين.

مفيش زفة، مفيش بوفيه، مفيش Dance Floor، لكن في أهل وأصحاب معاك من أي مكان هيحضروا فرحك. أوعى تفتكر علشان هو أونلاين مش هيكون له تحضيرات، لا طبعا في تحضيرات وتفاصيل كتيرة لازم تعملها، آه مش كتير ومش كبيرة لكن في الآخر اسمها تحضيرات هم 8 خطوات وفرحك الأونلاين هيكون جاهز.

 إزاي ترتب فرح أونلاين في 8 خطوات:

1) إتأكد من جودة الإنترنت:

دي أول وأهم تفصيلة بما إن الليلة كلها لايف على الإنترنت! إتأكدوا إن السرعة تمام والجودة عالية كذا مرة قبل معاد الفرح وجربوا الإنترنت على الجهاز اللي هتستخدموه وقت الفرح.

2) إختيار الـ application

Zoom:

ممكن تستخدموا application Zoom  للفرح وتقدروا تعزموا لحد 100 شخص، والمقابلة ممكن تستمر مدة لغاية 24 ساعة وده أكيد هيكون كافي لعدد ساعات الفرح، ممكن المعازيم يفتحوا الفيديو من عندهم علشان يقدروا يشوفوكوا بوضوح أكتر، والعريس والعروسة يقدروا يستخدموا الفيديو الجماعي اللي بتظهر كل الناس في نفس الوقت. ممكن تتفقوا مع شخص من العازيم ياخد screen shots لكل الناس في أوقات ولحظات مختلفة.

Facebook Live:

الإختيار التاني ممكن يبقى جروب على فيسبوك تقدروا تعملوا event  خاص تعزموا فيه كل الناس، في وقت الفرح الناس هتدخل تتفرج على المراسم لايف. Facebook  كمان مفيد جدا في حاجات تانية حتى لو هتستخدموا Zoom، زي إن المعازيم هيدخلوا على صفحة الـ event  يباركوا للعرسان قبل الفرح وبالطريقة دي هتكون عاملة زي الـ guest book الافتراضي.

3) إختيار المعدات المناسبة:

لازم تختاروا الجهاز الأساسي اللي هتستخدموه في المقابلة الاونلاين، وتجربوه مع الانترنت في البيت علشان تتأكدوا إن مفيش أي مشاكل تقنية، لو موبايل أو تابلت إستخدموا معاه tripod علشان تثبتوا الصورة، ولو لاب توب يبقى حطوه على ترابيزة منفصلة علشان مفيش حاجة تلخبط الصورة.

إقرا أكتر: إزاي تعملي فرحك في فترة الكورونا؟ هنقولك على أفكار تساعدك

4) إبعتوا للمعازيم دعوة للفرح:

ممكن تستعينوا بالقسم الخاص بـ"المعازيم" في Weds360 علشان تبعتوا الدعوات خصوصا لو فيه ناس مش على فيسبوك، ما تنسوش تحطوا لينك الفرح على الـ application اللي هتستخدموها في الدعوة، أو فيه الـ event أو الجروب على فيسبوك، أو تبعتوه للناس بشكل منفصل.

5) كلموا متخصصين الفرح:

حتى لو هو مش فرح حقيقي مش معناه إن فيه حاجات مش هتعملوها زي الأفراح بظبط بس بشكل أبسط، ممكن تجيبوا مصور فوتوغرافية وفيديو يسجل الفرح وتحافظوا على التباعد ما بينكوا، ممكن تطلبوا كيكة فرح وعشاء لعدد أشخاص أقل.

6) الديكور والإضاءة:

جهزوا المكان للمناسبة مع ديكور لطيف، رتبوا المكان للفرح، وخدوا بالكم إن الإضاءة تكون رومانسية وفي نفس الوقت قوية كفاية، الديكورات المناسبة زي الأنوار المتعلقة في أسلاك، بلالين، شمع، ورود ونباتات، وكوشة للعرسان.

7) لبس الفرح:

مش علشان هتعملوا فرحكوا في البيت اونلاين وقت الكورونا يبقى تلبسوا أي حاجة وخلاص، ليه لا ما تلبسوش فستان وبدلة مناسبين لفرح صغير؟ العروسة ممكن فستان أبيض وتجيب بوكيه ورد، تعمل شعرها، وتحط مكياج، والعريس يختار بدلة كاجوال شيك للمناسبة. ما تحرموش نفسكوا من حاجة!

8) سجلوا فيديو للفرح:

ما تنسوش تسجلوا الفرح اونلاين غير المصور، علشان تقدروا ترجعوا للفيديو وتعيدوا الذكريات الجميلة في أي وقت، ده غير لو أي حد ما قدرش يحضر لاسباب تقنية يقدر يشوف الفرح في وقت تاني.

بعد الكورونا كل حاجة ختلفت! لا الحياة هي نفس الحياة، وإحنا نفسنا مش زي ما إحنا. العروسة والعريس اللي كانوا بيحلموا بفرح كبير، زفة وهيصة ورقص، كل ده إتأجل أو بالأصح اتلغى! السؤال هل ممكن يتعمل فرح في زمن الكورونا! ممكن تحضر فرح بالبيجامة!. الإجابة أيوا ممكن لو اتعمل فرح أونلاين.

مفيش زفة، مفيش بوفيه، مفيش Dance Floor، لكن في أهل وأصحاب معاك من أي مكان هيحضروا فرحك. أوعى تفتكر علشان هو أونلاين مش هيكون له تحضيرات، لا طبعا في تحضيرات وتفاصيل كتيرة لازم تعملها، آه مش كتير ومش كبيرة لكن في الآخر اسمها تحضيرات هم 8 خطوات وفرحك الأونلاين هيكون جاهز.

 إزاي ترتب فرح أونلاين في 8 خطوات:

1) إتأكد من جودة الإنترنت:

دي أول وأهم تفصيلة بما إن الليلة كلها لايف على الإنترنت! إتأكدوا إن السرعة تمام والجودة عالية كذا مرة قبل معاد الفرح وجربوا الإنترنت على الجهاز اللي هتستخدموه وقت الفرح.

2) إختيار الـ application

Zoom:

ممكن تستخدموا application Zoom  للفرح وتقدروا تعزموا لحد 100 شخص، والمقابلة ممكن تستمر مدة لغاية 24 ساعة وده أكيد هيكون كافي لعدد ساعات الفرح، ممكن المعازيم يفتحوا الفيديو من عندهم علشان يقدروا يشوفوكوا بوضوح أكتر، والعريس والعروسة يقدروا يستخدموا الفيديو الجماعي اللي بتظهر كل الناس في نفس الوقت. ممكن تتفقوا مع شخص من العازيم ياخد screen shots لكل الناس في أوقات ولحظات مختلفة.

Facebook Live:

الإختيار التاني ممكن يبقى جروب على فيسبوك تقدروا تعملوا event  خاص تعزموا فيه كل الناس، في وقت الفرح الناس هتدخل تتفرج على المراسم لايف. Facebook  كمان مفيد جدا في حاجات تانية حتى لو هتستخدموا Zoom، زي إن المعازيم هيدخلوا على صفحة الـ event  يباركوا للعرسان قبل الفرح وبالطريقة دي هتكون عاملة زي الـ guest book الافتراضي.

3) إختيار المعدات المناسبة:

لازم تختاروا الجهاز الأساسي اللي هتستخدموه في المقابلة الاونلاين، وتجربوه مع الانترنت في البيت علشان تتأكدوا إن مفيش أي مشاكل تقنية، لو موبايل أو تابلت إستخدموا معاه tripod علشان تثبتوا الصورة، ولو لاب توب يبقى حطوه على ترابيزة منفصلة علشان مفيش حاجة تلخبط الصورة.

إقرا أكتر: إزاي تعملي فرحك في فترة الكورونا؟ هنقولك على أفكار تساعدك

4) إبعتوا للمعازيم دعوة للفرح:

ممكن تستعينوا بالقسم الخاص بـ"المعازيم" في Weds360 علشان تبعتوا الدعوات خصوصا لو فيه ناس مش على فيسبوك، ما تنسوش تحطوا لينك الفرح على الـ application اللي هتستخدموها في الدعوة، أو فيه الـ event أو الجروب على فيسبوك، أو تبعتوه للناس بشكل منفصل.

5) كلموا متخصصين الفرح:

حتى لو هو مش فرح حقيقي مش معناه إن فيه حاجات مش هتعملوها زي الأفراح بظبط بس بشكل أبسط، ممكن تجيبوا مصور فوتوغرافية وفيديو يسجل الفرح وتحافظوا على التباعد ما بينكوا، ممكن تطلبوا كيكة فرح وعشاء لعدد أشخاص أقل.

6) الديكور والإضاءة:

جهزوا المكان للمناسبة مع ديكور لطيف، رتبوا المكان للفرح، وخدوا بالكم إن الإضاءة تكون رومانسية وفي نفس الوقت قوية كفاية، الديكورات المناسبة زي الأنوار المتعلقة في أسلاك، بلالين، شمع، ورود ونباتات، وكوشة للعرسان.