رايحه فرح صاحبتك ومش جاهزة!.. أحلى فساتين ممكن تلبسيها

Large

اختيار فستان لفرح صاحبتك مهمة صعبة، خصوصا إن هدفك يكون شكلك ملفت وشيك، بس مش لدرجة إنك تغطى على العروسة! علشان كدا الفستان الأبيض ابعدي عنه خالص، حتى لو كان بالدرجة الكريمي أو الأبيض الفاتح أو العاجي، والأحسن تبعدى عن كل الألوان الفاتحة من الدرجات دى. يستحسن كمان ميكونش فستانك لونه بيج، ولو حابة اللون ده إعمليه بطريقة شيك، وطبعا ميكونش قصير أوى. الرولز والنصايح كتير فى طريقة اختيار الفساتين، ولإن الوقت قليل عشان تلاقى حاجه تناسبك، هنقولك على الفساتين المناسبة اللي تحضري بيها فرح صاحبتك واختاري منها الى يناسب استايلك.

فستان سيغموند

فستان ينفع يتلبس فى كل الأوقات وبيناسب كل الاستايلات والشخصيات المختلفة، والفستان الميدي ده أحسن اختيار لو بتدورى على حاجه جذابه وجميلة وتحافظى على أناقتك فى نفس الوقت. وهو فستان بيرفيكت لأى حد من المعازيم، عشان خفيف وكمامه الطويلة هتبين شكل جسم بطريقة شيك وجذابه، خصوصا مع فتحة الرجل الى على الجنب، وممكن كمان وممكن كمان تغيرى فى شكل الرقبة بتاعة الفستان وتخليها مدورة أو مربعة.

المنقوشة بالورد

الفساتين دى مميزة وجميلة، ومناسبة أوى عشان تحضره بيها أى فرح، وممكن يكون الورد مطبوع على ديل فستان طويل، وسواء كان الفستان تمنه غالى، عامله ديزاينر، أو اشتريتيه بسرعه من أى محل فساتين، لازم نتفق أنه هيكمل أناقتك، خصوصا لو لعبتى فى الأشكال بتاعته أو ألوانه، بس طبعا تاني بلاش الأبيض، وهتلاقي النتيجة ممتعة، وكلها أنوثه، عشان بيليق على كل الاستايلات واشكال الجسم.

إقرا أكتر: بتحبي الأونلاين شوبنج! إعرفي أفضل مواقع تشتري منها فستان سهرة

الفساتين المكشكشه 

مفيش حاجه أحلى من الفستان المكشكشة لو حابه تلبسى حاجه تناسب استايل الأفراح والسهرات، وفيه منه أشكال وخامات كتير زى التول والمطبوعة، والفساتين المكشكشة جميلة عشان بتدى احساس بالغموض والأناقة، خصوصا لو كان فيها جزء شفاف، وهى كمان اختيار ينفع فى كل الأوقات لو حبيتى تحتفظى بيه لمناسبه تانيه ومتضيعيش فلوسك على الفاضى، واتأكدى انه من الأكمام لحد الياقة، الفستان ده هيعجب كل الى حواليكى.

فستان برقبه مقفوله

مرام برهان بوتيك

لو هتحضرى فرح صاحبتك أوبن إير فى الصيف او الربيع، فأكتر حاجه بيرفيكت ممكن تلبسيها هو فستان ميدي برقبة مقفولة، لأنه بيدى شكل جميل، وممكن يتعمل بتصميمات كتير، وبيكون من غير أكمام ومقفول من عند الرقبه وضهره مكشوف، وهيخليكى مميزه فى اى فرح تحضريه، وأحسن حاجه أنه ممكن يتعمل بأنواع قماش كتير وألوان مختلفة، وطبعا بيليق على اى بنت، واستثمار كويس لفلوسك عشان هيفضل فى دولابك وتلبسيه كتير بعد كده.

اختيار فستان لفرح صاحبتك مهمة صعبة، خصوصا إن هدفك يكون شكلك ملفت وشيك، بس مش لدرجة إنك تغطى على العروسة! علشان كدا الفستان الأبيض ابعدي عنه خالص، حتى لو كان بالدرجة الكريمي أو الأبيض الفاتح أو العاجي، والأحسن تبعدى عن كل الألوان الفاتحة من الدرجات دى. يستحسن كمان ميكونش فستانك لونه بيج، ولو حابة اللون ده إعمليه بطريقة شيك، وطبعا ميكونش قصير أوى. الرولز والنصايح كتير فى طريقة اختيار الفساتين، ولإن الوقت قليل عشان تلاقى حاجه تناسبك، هنقولك على الفساتين المناسبة اللي تحضري بيها فرح صاحبتك واختاري منها الى يناسب استايلك.

فستان سيغموند