دليلك لاختيار طرحة فرحك في 7 خطوات

Large

يوم فرحك هو اليوم الوحيد اللي هتلبسي فيه طرحة الفرح، الطرحة بتضفي عليكي جمال أنثوي وكأنك عروسة خالدة، علشان كدة لازم اهتمامك بيها يكون كبير. 

الطرحة مش مجرد قطعة قماش من التل بتلبسها العروسة يوم فرحها، أهميتها زي فستان الفرح، دي كمان جزء مكمل ورئيسي للعروسة بحكم عاداتنا وتقاليدنا، ودايما الناس بتشوف كل ما كانت الطرحة طويلة كل ما كانت أجمل، لكن الحقيقة مش كدة!.

كل فستان له الطرحة المناسبة له، وكل شكل فرح برضه له طرحته، الفرح الكوكتيل مش زي الفرح الكبير، حتى إكسسوارت الطرحة " headpiece " ليها طرق في الاختيار، الفن إنك إزاي تختاري اللي يناسبك ويناسب ذوقك.

هنعرفك على الدليل الكامل لطريقة وأسلوب اختيار طرحتك.

1- تحديد شكل طرحة الفرح: 

قبل اختيار الطرحة استقري على الفستان وطبعا قبل الاتنين لازم تكوني حددتي شكل الفرح، الصبح ولا بليل، كبير ولا كوكتيل. تحديد شكل الفرح واختيار الفستان وكمان موديل تسريحة الشعر هم اللي هيحددوا الشكل اللي هتختاريه للطرحة.

2- الطرحة ما تغطيش على الفستان: 

من أهم النقاط وقت اختيار تصميم طرحة الفرح، أنها ما تغطيش على الفستان. الطرحة جزء مكمل من الفستان ممكن تستغني عنه في نص الفرح، وبالتالي إظهار جمال وموديل الفستان أهم من الطرحة. مثلا لو الفستان بسيط بلاش طرحة مطرزة تطريزات كتيرة تخفي جمال بساطة الفستان.

3- الطرحة الطويلة- Chapel: 

طول الطرحة المناسب عموما بيكون من متر و10 سم لمتر و20 سم. الطول ده يناسب البنات الطوال والقصيرين، والطول ده كمان مناسب جدا لو فرحك رسمي، لكن في حالة لو عاوزة الطرحة أطول من كدة، خليكي فاكرة إن موديل الفستان لازم يكون مناسب لطرحة طويلة.

شوفي أكتر: صور: لو مش عايزة تلبسي فستان فرح.. تلبسي إيه؟

 

تصميم الطرحة: Anne Barge

4- الطرحة الـFingertip: 

الطرحة دي طولها بيوصل لغاية أطراف صوابع اليد، وده بيكون في الغالب أكثر أنواع الطرح اللي بتناسب موديلات كثيرة من الفساتين، خاصة المفتوحة من الظهر، يعني لو فستانك مفتوح من الظهر الطرحة دي مناسبة جدا له.

5- الطرحة القصيرة الـ Blusher veil: 

الطرحة القصيرة طولها بيغطي لغاية تحت خدود العروسة بشوية، وبتناسب جميع أطوال البنات. ممكن يتم المزج بينها وبين طرحة طويلة، لو عاوزة تحصلي على شكل دراماتيكي.

الطرحة القصيرة بتناسب البنات اللي حابة تكون طرحتها مغطية الوجه في بداية الفرح، وبعدين تقدر ترفعها بعد ما تخلص المراسم الأولى للحفل، ممكن يكون في طبقة تانية طويلة لو حابة الطرحة تكون طبقتين.

6- طرحة اللي بتغطي الوجه: 

الطرحة دي بتكون عبارة عن طبقة واحدة من قماش التل، وبتنزل على الوجه أثناء تسليم العروسة من والدها لعريسها، طولها بيوصل لبداية الرقبة بس، ودي سهل إنك تستغني عنها بعد المراسم الرسمية الأولى في الفرح.

 

7- تطريز الطرحة:

فكري كويس جدا لو راح اختيارك لطرحة مطرزة. مثلا في حالة إذا كان الفستان بسيط وبدون تطريز ممكن الطرحة تكون مطرزة ببعض الكريستالات اللامعة أو أحجار اللؤلؤ، لكن في حالة إذا كان الفستان مطرزة من الأفضل تكون الطرحة بسيطة.

يوم فرحك هو اليوم الوحيد اللي هتلبسي فيه طرحة الفرح، الطرحة بتضفي عليكي جمال أنثوي وكأنك عروسة خالدة، علشان كدة لازم اهتمامك بيها يكون كبير. 

الطرحة مش مجرد قطعة قماش من التل بتلبسها العروسة يوم فرحها، أهميتها زي فستان الفرح، دي كمان جزء مكمل ورئيسي للعروسة بحكم عاداتنا وتقاليدنا، ودايما الناس بتشوف كل ما كانت الطرحة طويلة كل ما كانت أجمل، لكن الحقيقة مش كدة!.

كل فستان له الطرحة المناسبة له، وكل شكل فرح برضه له طرحته، الفرح الكوكتيل مش زي الفرح الكبير، حتى إكسسوارت الطرحة " headpiece " ليها طرق في الاختيار، الفن إنك إزاي تختاري اللي يناسبك ويناسب ذوقك.

هنعرفك على الدليل الكامل لطريقة وأسلوب اختيار طرحتك.

1- تحديد شكل طرحة الفرح: 

قبل اختيار الطرحة استقري على الفستان وطبعا قبل الاتنين لازم تكوني حددتي شكل الفرح، الصبح ولا بليل، كبير ولا كوكتيل. تحديد شكل الفرح واختيار الفستان وكمان موديل تسريحة الشعر هم اللي هيحددوا الشكل اللي هتختاريه للطرحة.

2- الطرحة ما تغطيش على الفستان: 

من أهم النقاط وقت اختيار تصميم طرحة الفرح، أنها ما تغطيش على الفستان. الطرحة جزء مكمل من الفستان ممكن تستغني عنه في نص الفرح، وبالتالي إظهار جمال وموديل الفستان أهم من الطرحة. مثلا لو الفستان بسيط بلاش طرحة مطرزة تطريزات كتيرة تخفي جمال بساطة الفستان.

3- الطرحة الطويلة- Chapel: 

طول الطرحة المناسب عموما بيكون من متر و10 سم لمتر و20 سم. الطول ده يناسب البنات الطوال والقصيرين، والطول ده كمان مناسب جدا لو فرحك رسمي، لكن في حالة لو عاوزة الطرحة أطول من كدة، خليكي فاكرة إن موديل الفستان لازم يكون مناسب لطرحة طويلة.

شوفي أكتر: صور: لو مش عايزة تلبسي فستان فرح.. تلبسي إيه؟