خاص: ممكن تقعوا في الحب لكن ما تتفقوش في الجواز! برجك بيقولك إيه

برجك هيقولك تتجوزي مين ومين يفضل مجرد صديق

Large

ناس كثيرة بتحب تتابع الأبراج وتتعرف على صفاتها وهل في أبراج معينة هي اللي بتتوافق معاه ومع صفاته، وهل في فرق بين الأبراج الصديقة والأبراج الأفضل  للزواج!

خبيرة الأبراج والاستشارات الزوجية فاطمة كامل قدمت قائمة كاملة لـWeds360 بشكل حصري بحسابات خاصة عن الأبراج الصديقة والأبراج الأفضل للزواج، وكمان الأبراج اللي يحصل بينهم انجذاب لكن ما يتفقوش في الزواج.

برج الحمل: بينجذب بشكل عاطفي لأبراج الحوت، العقرب والسرطان، لكنه الانجذاب بيكون رومانسي بس. لو حدث بينهم ارتباط بيكون في صعوبة كبيرة في التفاهم بينهم، وده بسبب إن مفيش بينهم اتفاق والاتقاء في الطباع والتفكير.

لكن أفضل الأبراج اللي بتتفق في الزواج مع برج الحمل هما، الميزان، الجوزاء، الدلو والقوس، أما الأبراج اللي بتبني علاقة صداقة قوية مع الحمل هي الأسد والقوس.

برج الثور: ينجذب أصحاب برج الثور بشكل عاطفي ويقعوا في حب أصحاب برج الميزان. لكن الصعوبة بتكون في الارتباط، ولو حصل ممكن الارتباط يستمر لكن لازم يكون فيه بعض التنازلات من الطرفين.

أفضل الأبراج اللي يتجوز منها برج الثور أصحاب العقرب، الجدي، العذراء والسرطان، أما أفضل صديق للثور برج الحوت.

إقرا أكتر: أفلام تفتح نفسك ع الجواز

برج الجوزاء: ينجذب الجوزاء ويقع في غرام برج الدلو والعقرب، لكن الارتباط والزواج بيكون صعب جدا، ولو حصل بتكون العلاقة مهددة بالفشل دايما، وده لإن مفيش أي لغة تفاهم أو اتفاق بينهم.

الأبراج الصديقة لبرج الجوزاء، الدلو، القوس، والميزان، وممكن تحصل صداقة مع العقرب لكنها مش هتستمر.

أفضل الأبراج للزواج لأصحاب برج الجوزاء أصحاب القوس، الحمل والأسد، وممكن تتطور الصداقة بين الجوزاء والميزان للزواج، لكن هيكون في تنازلات بين الطرفين علشان يستمر الارتباط.

برج السرطان: بينجذب السرطان ويقع في غرام أبراج الجوزاء والميزان، لكن بدون ارتباط، خصوصا إن في صعوبة في استمرار العلاقة، وده لأن العلاقة دايما بيتخللها البعد عن أرض الواقع والخيال.

الأبراج الصديقة لأصحاب برج السرطان أبراج الجدي، الحوت، العذراء، العقرب والقوس.

أما أفضل الأبراج للزواج من أصحاب برج السرطان، أبراج العذراء، الجدي، الحوت والعقرب.

برج الأسد: برج الأسد بينغرم ويقع فريسة للحب مع أبراج الحوت، الجدي، وممكن يتطور الحب للارتباط والزواج، وبينجذب وبيشعر بالضعف قدام برج الجوزاء لكن ما بيحصلش بينهم ارتباط وزواج.

أكثر الأبراج الصديقة لبرج الأسد، برج الميزان خصوصا إذا جمعهم العمل، وكمان أبراج الحوت، الجدي والدلو.

أفضل أبراج للزواج لبرج الأسد أبراج الدلو، الحمل، الجدي، الحوت والسرطان.

إقرا أكتر: العريس: "وفجأة لقيت نفسي العروسة"