حط التتش بتاعك 5 حاجات تعلى بيها مستوى فرحك

Large

كل العرسان بيحلموا بفرح زى الأحلام ما يتنسيش، ومع إنهم بيركزوا فى كل تفاصيله، لكن للأسف فى حاجات كتير بتقع منهم وبينسوها، أو بتطلع مش مظبوطه، زى مثلا إن المزيكا تكون عالية زيادة عن الطبيعى فتبقى مزعجه، أو كراسى الفرح تكون حلوه بس مش مريحه، عشان كده جمعنا 5 حاجات ممكن العرسان أو الـ "ويدنج بلانر" يعملوها ها تعلى مستوى الفرح وتخليه شيك.

استثمر في الترفيه:

أول حاجه ممكن تتعمل هى إنهم ما يستخسروش في الجزء بتاع الترفيه، ومش لازم يعتمدو على الشهرة فى اختياراتهم، وتكون حاجه يتبسط بيها المعازيم، يعنى مش مهم تكون فقرات الترفيه كتيره، قد ما هو مهم انها تكون مسلية.

Saxophonist Ramy Samy

إرضي كل الأذواق

الفكرة التانية هي الأكل، ومعظم الأفراح بيكون فيها "أوبن بوفيه" أو بتختار تجيب شركة "كاترينج"، لكن ده مش معناه أن العرسان ما يختاروش أنواع الأكل أو الحلويات إلى هتتقدم للمعازيم، يعنى لو فى طبق مش عايزينه ممكن أوى يغيروه، لكن برده يعملوا حسابهم إن فى على الأقل 100 شخص تانى هياكلوا، ولازم يختاروا حاجات ترضى أذواق كتير.

إقرا أكتر: قبل الفرح بـ6 شهور: إزاي تختاري تورتة الفرح؟ !

ستاف الفرح

ستاف الفرح كمان ليه دور فى إنه يخلى الفرح شيك أو يبوظ شكله، يعنى لو مكان الفرح جميل، والاكل حلو أوى، لكن "ستاف" الفرح وحش، ده هيأثر على الفرح، عشان كده لازم تختار شركة بتهتم بمستوى "الاستاف" بتاعها، لأن فرحك ده "إيفينت" مهم، وأى مشكلة قدام المعازيم هتبوظ شكل الفرح.

أوماي

بلاش فرح بعيد عن شخصيتكم

لازم الفرح يكون لايق على "ستايل" العرسان، دى أكتر حاجه بتميز فرحهم عن أى فرح تانى، وكل ما بتختارو نفس الحاجات إلى شفتوها فى أفراح تانيه، كل ما هتخلو المعازيم يحسوا إن ده مجرد "كوبى" من أى فرح وإن مفيش أى فرق، لكن  ممكن تخلوا فرحكم مميز ويبقى فيه "تتش" خاص بيكم، زى مثلا تتكتب حروف أسمائكم على المناديل وأطقم "الترابيزات"، أو على يافطه "نيون" في مدخل الفرح.

Yasmina Flower

الجو العام للفرح

"الفاير ووركس" حاجه بنشوفها فى كل الأفراح تقريبا، لكن ممكن تعملوا فكرة تانيه  مميزة وهى الشمع، لكن نعمل حسابنا طبعا أنه يتحط بطريقة صح تعمل جو رومانسى وفى نفس الوقت يكون بعيد عن أى حاجه ممكن تسبب حريقه، والشمع هيخلى الإضاءة حلوة وتناسب صور "السيلفى"... دى شوية أفكار بسيطة ومتنسوش إن "التتش" بتاعكم مهم وانتو بتجهزوا لفرحكم، لان دى الحاجه إلى بتخليه مميز وبتربطه بيكم، وألف مبروك. 

A to Z Events Organizing & Wedding Planning

كل العرسان بيحلموا بفرح زى الأحلام ما يتنسيش، ومع إنهم بيركزوا فى كل تفاصيله، لكن للأسف فى حاجات كتير بتقع منهم وبينسوها، أو بتطلع مش مظبوطه، زى مثلا إن المزيكا تكون عالية زيادة عن الطبيعى فتبقى مزعجه، أو كراسى الفرح تكون حلوه بس مش مريحه، عشان كده جمعنا 5 حاجات ممكن العرسان أو الـ "ويدنج بلانر" يعملوها ها تعلى مستوى الفرح وتخليه شيك.

استثمر في الترفيه:

أول حاجه ممكن تتعمل هى إنهم ما يستخسروش في الجزء بتاع الترفيه، ومش لازم يعتمدو على الشهرة فى اختياراتهم، وتكون حاجه يتبسط بيها المعازيم، يعنى مش مهم تكون فقرات الترفيه كتيره، قد ما هو مهم انها تكون مسلية.

Saxophonist Ramy Samy

إرضي كل الأذواق

الفكرة التانية هي الأكل، ومعظم الأفراح بيكون فيها "أوبن بوفيه" أو بتختار تجيب شركة "كاترينج"، لكن ده مش معناه أن العرسان ما يختاروش أنواع الأكل أو الحلويات إلى هتتقدم للمعازيم، يعنى لو فى طبق مش عايزينه ممكن أوى يغيروه، لكن برده يعملوا حسابهم إن فى على الأقل 100 شخص تانى هياكلوا، ولازم يختاروا حاجات ترضى أذواق كتير.

إقرا أكتر: قبل الفرح بـ6 شهور: إزاي تختاري تورتة الفرح؟ !

ستاف الفرح

ستاف الفرح كمان ليه دور فى إنه يخلى الفرح شيك أو يبوظ شكله، يعنى لو مكان الفرح جميل، والاكل حلو أوى، لكن "ستاف" الفرح وحش، ده هيأثر على الفرح، عشان كده لازم تختار شركة بتهتم بمستوى "الاستاف" بتاعها، لأن فرحك ده "إيفينت" مهم، وأى مشكلة قدام المعازيم هتبوظ شكل الفرح.