حتى لو مشغول.. إزاى تحافظ على علاقتك بشريك حياتك

لو عندك إرادة فيه وسيلة

Large

الشغل من البيت، والاجتماعات، والعلاقات الاجتماعية، مخليه جدولنا دايما مشغول، والمحافظة على علاقتك بشريك حياتك فى وسط الزحمة دى مش سهلة، لأنها محتاجة تنازلات و تضحيات كتير، متخليش حياتك العملية تعرض حياتك العاطفية للخطر وأعمل التوازن الصح بينهم، وعشان علاقتك بشريك حياتك تنجح، لازم كل واحد فيكم يخصص وقت للتانى، والمحافظة على العلاقات المشغولة صحية تقدر تعملها بالخطوات البسيطة دى:

قارن جداول الشغل

الخطوة دى هتساعدك تعرف مواعيد شريك حياتك اليومية وإمتى كل واحد فيكم يقدر ياخد بريك، وهتجنبك الأسئلة المزعجة المستمرة حوالين الوقت الى هتكون فاضى فيه، ويخلق فرصه تتواصلوا مع بعض.

خطط لمواعيد قصيرة

الخروج مش لازم يكون عشا فى مكان شيك، خليك مرن واخرج فى مواعيد عفوية على مدار الأسبوع تكون قصيرة وممتعة، تتمشوا أو تاكلوا آيس كريم أو تشربوا قهوة!

خليك موجود

الوقت عملة غالية في علاقتك بشريك حياتك، استمتع بيه وانتوا مع بعض. فضى نفسك من أى حاجه تانيه مهما كانت أهميتها فى الفترة إلى انتو مع بعض فيها، ومتخليش حاجه تشغلك عنه.

إقرا أكتر: بـ5 خطوات هتحافظ على العلاقات البعيدة

رسالة على الموبايل

مش معنى إنك مشغول، متكلمش شريك حياتك أو تبعتلة رسالة لطيفة، جمله بسيطة زى "صباح الخير" أو "بفكر فيك" مش بس هتخليه يتبسط، لكن كمان هتعرفه إنك مشغول بس مهتم بيه دايما.