جسمك بيقول إيه عن علاقتك بشريك حياتك؟!

أوعي يغرك جسمك!

Large

فيه طرق كتير بنقدر نعرف بيها الشخص اللي معجبين بيه، ومن الطرق دي قراية لغة الجسد اللي بنبعتها بدون وعي للشخص اللي بننجذب له، زي رفع الحواجب، ميل الجسم تجاه الشخص التاني، إبتسامات، تسبيلات، كثرة اللمسات التلقائية، ميل الراس على جنب واحد، لقاء العيون، كل دي طرق بتفضحنا في الأول، بعدها الإنجذاب بيتحول لحب والحب بيكبر مع العشرة لولاء وإخلاص، ولغة الجسد بتبتدي تاخد أشكال مختلفة. 

ساعات كتير مش بناخد بالنا من نوع الإشارات اللي بنبعتها بجسمنا ومش بندرك مدى أهمية النوع ده من التواصل مع أعز الناس لينا، تعالوا نعرف شوية من معاني الإشارات دي وإزاي ممكن نستخدمهم لصالحنا.

تصوير: Chronicle Studios

العيون مرايات للي جوانا:

في أي مناقشة أو حتى خناقة ما تبصش على أي حاجة غير على الشخص اللي قدامك، لأن ببساطة لو عيونا في التليفون أو مركزين على أي حاجة تانية يبقى الحاجة دي أهم منه أو بتدي معنى إن كلامه مش مهم، النظرات برضه ليها معاني كتيرة، يعنى مثلا لو لفيت عينك وبصيط في السقف معناه إنك مش مهتم أو متضايق من الكلام وده مع الوقت بينمي مشاعر سلبية بينكم.

من الناحية الرومانسية والعاطفية النظر المستمر في عيون بعض ممكن يحرك جواكم مشاعر قوية اتجاه الطرف التاني، خصوصا أثناء العلاقة الحميمية. 

تصوير: حامد كامل

الضحك معدي:

بلاش كشرية! لو حبيبك جاي عليك مبتسم مينفعش تكشر!، اضحكوا مع بعض، خلوا الضحك يغلب وما تكشروش في وش بعض، خلوا الضحك عادة لأن مع الوقت بدون ما تخدوا بالكم العادة دي سواء ضحك أو تكشير هتكون عنوان لعلاقتكوا.

تصوير: Chronicle Studios

شوفي أكتر: الأبحاث العلمية بتقول إن فيه 5 أنواع للعلاقات الزوجية.. إعرفوا إنتوا أي نوع فيهم!

بوس وأحضان (مش بالكم بالكيف):

من أكتر الطرق اللي بتساعدنا في التعبيرعن مشاعرنا بتكون جسدية، ومن أكتر التعبيرات الجسدية المؤثرة وبتحصل بشكل تلقائي بين أي إتنين متجوزين، الأحضان والقبلات، وهنا لازم نقول إن مينفعش يبقوا بالكم لكن بالكيف، الشفايف المفتوحة شوية بسيطة بتدعي للتواصل، على عكس لو مقفولة تماما ممكن تدي الإيحاء أنه مجرد واجب أو تجنب القرب. الحضن له قواعد تانية، وهي إن مش المفروض يبقى فيه مسافة كبيرة بينكم، والأسوأ أنه يكون نوع الحضن أخوي مفيهوش شغف نهائيا، كل التفاصيل دي مهمة جدا في نوع وشكل التواصل اللي بتخلقوه بينكم.

الإقتراب في المسافة والتواصل الجسدي:

عارفين مقولة "اللي بعيد عن العين بعيد عن القلب"؟، واللي بعيد عن الإيدين بعيد برضه عن القلب!، لما بنحب حد بنبقى عايزين نقرب منه جسديا مش بس معنويا، زي حراكات وإيماءات تلقائية بتحصل مننا بشكل يومي مع شركاء حياتنا، قاعدين قريبين من بعض على الكنبة في البيت، النوم في حضن بعض بليل، ماسكين إيدين بعض وأنتوا بتتمشوا في الشارع، لمسات حنينة في أوقات ومواقف مختلفة، والميل إتجاه بعض في وسط أي مناقشة، كلها إيحاءات وتعبيرات عن الإهتمام والقرب بين إتنين.

إفتح دراعاتك واستقبل :

الحب لوحده عمره ما كان كافي في أي علاقة صحية، من أهم الحاجات اللي بتنجح أي جوازة هو الإحترام، إحترامنا للشخص اللي قدامنا بيبان في استعدادنا للإستماع لكلامه ولمشاعره، وعلشان كده حاول ما تربعش إيدك وإنت بتتكلم، لأن بعض الدراسات أثبتت إن ده ممكن يكون بيحجب تقبلنا للرسايل بشكل متكافيء، غير كمان إن في الخناقات ممكن يدي الإحساس بالسيطرة على الشخص التاني.

تصوير: رامي مزيكا

صحة علاقتنا الزوجية بتحتاج مننا مجهود بشكل مستمر، لكن المجهود ده بيحصل بحب وتلقائية، بنلاقي نفسنا كمان حريصين على مشاعر بعض، لما بندرك أهمية معاني الإشارات اللي جسمنا بيوصلها أكيد هنهتم بيها أكتر، وبالتالي نتفادى مشاكل ممكن تحصل نتيجة عن أي سوء تفاهم، وقتها نقدر نقوي علاقتنا الزوجية. 

لمسات كلها حب، أحضان كلها دفىء، ونظرات كلها شغف تملى عليكم حياتكم.

فيه طرق كتير بنقدر نعرف بيها الشخص اللي معجبين بيه، ومن الطرق دي قراية لغة الجسد اللي بنبعتها بدون وعي للشخص اللي بننجذب له، زيرفع الحواجب، ميل الجسم تجاه الشخص التاني، إبتسامات، تسبيلات، كثرة اللمسات التلقائية، ميل الراس على جنب واحد، لقاء العيون، كل دي طرق بتفضحنا في الأول، بعدها الإنجذاب بيتحول لحب والحب بيكبر مع العشرة لولاء وإخلاص، ولغة الجسد بتبتدي تاخد أشكال مختلفة. 

ساعات كتير مش بناخد بالنا من نوع الإشارات اللي بنبعتها بجسمنا ومش بندرك مدى أهمية النوع ده من التواصل مع أعز الناس لينا، تعالوا نعرف شوية من معاني الإشارات دي وإزاي ممكن نستخدمهم لصالحنا.

تصوير: Chronicle Studios

العيون مرايات للي جوانا:

في أي مناقشة أو حتى خناقة ما تبصش على أي حاجة غير على الشخص اللي قدامك، لأن ببساطة لو عيونا في التليفون أو مركزين على أي حاجة تانية يبقى الحاجة دي أهم منه أو بتدي معنى إن كلامه مش مهم، النظرات برضه ليها معاني كتيرة، يعنى مثلا لو لفيت عينك وبصيط في السقف معناه إنك مش مهتم أو متضايق من الكلام وده مع الوقت بينمي مشاعر سلبية بينكم.

من الناحية الرومانسية والعاطفية النظر المستمر في عيون بعض ممكن يحرك جواكم مشاعر قوية اتجاه الطرف التاني، خصوصا أثناء العلاقة الحميمية. 

تصوير: حامد كامل

الضحك معدي:

بلاش كشرية! لو حبيبك جاي عليك مبتسم مينفعش تكشر!، اضحكوا مع بعض، خلوا الضحك يغلب وما تكشروش في وش بعض، خلوا الضحك عادة لأن مع الوقت بدون ما تخدوا بالكم العادة دي سواء ضحك أو تكشير هتكون عنوان لعلاقتكوا.