توكسيدو ولا بدلة عادية! اعرف الفرق قبل ما تختار لفرحك

Large

التوكسيدو هي البدلة الأكثر شياكة فى البدل الرجالي، وبتتلبس فى مناسبات معينة، عكس البدلة العادية، يعني مينفعش تلبس التوكسيدو في الشغل أو المناسبات التانية. وهنا السؤال اللي هتسأله لنفسك.. ألبس إيه في الفرح! إجابة السؤال مرتبطة بوقت ومكان الفرح.

توكسيدو تتلبس بالليل، وفي الغالب للمناسبات الرسمية والأفراح، وبالتالي مينفعش تتلبس بالنهار  أو فى فرح على البحر، لإن لبسها له قواعد صعبة شوية مش زي البدلة العاديه. أكيد أنت  حر في الي تحب تلبسه، بس لو عندك فرح بالليل وعايز بدلة أنيقة وكلاسي، يبقي التوكسيدو هى أنسب اختيار. هنقولك على أهم الاختلافات الى لازم تعرفها بين التوكسيدو وبدلة الفرح علشان تختار صح. 

1. الكرافتة vs البابيون

أول فرق هتلاحظه هو ربطات كل بدلة. في البدل العادية هتلبس كرافته عادي، لكن مع التوكسيدو لازم بابيون، مستحيل يتلبس عليها كرافته. ده أول فرق لازم تعرفه.

2. الزراير

في البدلة العادية الزراير بتكون عادية ومش لامعة، على العكس فى التوكسيدو الزراير دايما من الستان اللامع، خصوصا إنها بتتلبس فى مناسبات معينة. لاحظ كمان إن الزراير في التوكسيدو أقل من البدل العادية. التوكسيدو الكلاسيك فيها زرار واحد بس، لكن البدل العادية بتوصل فيها الزراير لغاية 3 زراير.

3. القماش

التوكسيدو بتتميز بتداخل قماش الستان فيها، لكن نادر استخدام القماش ده في البدل الرجالي العاديه. ولما تقارن بين الإتنين، هتلاقي إن الزراير وأطراف البنطلون وياقة الجاكيت من الستان في التوكسيدو. لكن البدل الكلاسيكية العاديه بتتعمل من الأقمشة المريحة والعملية.

إقرا أكتر: نصايح عشان تظبط بدلة فرحك.. خد مقاساتك بالسنتى

4. ياقة الجاكيت

غير الاختلافات الكتير في القصه والشكل، ياقة "لتوكسيدو  مشهورة دايما بتلمع، وده الى بيخليها مناسبة للسهرات بس. لكن البدل العادية مفيهاش أي تداخل مع قماش الستان، وده يخليها مناسبة إنها تتلبس على مدار اليوم مش في السهرات.

5. القميص

البدلة العاديه بيمشي معاها أي قميص رسمي أو فورمال بأي لون وأى ستايل، لكن التوكسيدو لازم ما يتلبسش معاها غير قميص أبيض. ممكن يتلبس قميص أسود لكن فى استثناءات معينة . ولازم ياقة القميص تكون "wingtip" واللي هي الياقة اللي شبه الطير عشان يتظبط عليها البابيون. آخر اختلاف إن لازم قميص التوكسيدو يكون فيه الزراير المعدنية الفرنسية في الكمام، واللي هي الـ cufflinks.

التوكسيدو هي البدلة الأكثر شياكة فى البدل الرجالي، وبتتلبس فى مناسبات معينة، عكس البدلة العادية، يعني مينفعش تلبس التوكسيدو في الشغل أو المناسبات التانية. وهنا السؤال اللي هتسأله لنفسك.. ألبس إيه في الفرح! إجابة السؤال مرتبطة بوقت ومكان الفرح.

توكسيدو تتلبس بالليل، وفي الغالب للمناسبات الرسمية والأفراح، وبالتالي مينفعش تتلبس بالنهار  أو فى فرح على البحر، لإن لبسها له قواعد صعبة شوية مش زي البدلة العاديه. أكيد أنت  حر في الي تحب تلبسه، بس لو عندك فرح بالليل وعايز بدلة أنيقة وكلاسي، يبقي التوكسيدو هى أنسب اختيار. هنقولك على أهم الاختلافات الى لازم تعرفها بين التوكسيدو وبدلة الفرح علشان تختار صح. 

1. الكرافتة vs البابيون