تقولى إيه ومتقوليش إيه بعد الجواز! نصايح تحافظ على خصوصيتك مع جوزك

Large

ازاى تحددى الحاجات الى ينفع تقوليها لما تتجوزى؟ بعد الجواز طبيعى يتغير شكل العلاقة بينك وبين شريك حياتك ، وكمان بينك وبين كل الى حواليكى. المواقف الى تحصل جوه البيت فى وسط عيلتك او فى علاقاتك تأثيرها مبقاش عليكى انتى بس ، لكن عليكم انتم الاتنين. وده لازم يخلى كل الكلام الى بتقوليه مع صحباتك او فى خروجاتك، أو مع مامتك وعيلتك وانتو بتشربو الشاى، يتغير عشان جوازك يبقي فيه مساحة خصوصيه.

ده الى خلانا نجمعلك الحاجات الى مينفعش ابدا تحكيها لحد، والحاجات الى ممكن تشاركيها مع صحابك وقرايبك لو عايزه ده. ومهم تاخدى بالك ان الحاجات دى لازم تتناقشى فيها الأول مع جوزك عشان ممكن تتغير حسب راحتكم. وافتكرى ان مفيش قواعد أكيده للطريقة الى المفروض تتعاملى بيها معاه، بس هى افكار مفيدة ممكن تخلى حياتك اسهل.

العلاقة

فى حاجات الأحسن انها تفضل خاصة زى العلاقة مع جوزك، ودى اهم حاجه مينفعش تتكلمى عنها. عشان دى حاجه مبتخصكيش لوحدك وفى طرف تانى فيها، واى تفاصيل هتقوليها عن علاقتك بجوزك قدام عيلتك او صحابك حاجه مش ضرورية وكمان مش لطيفة. فلازم تكونى كتومة فى الموضوع ده.

الخناقات

اتخانقتوا سوا، خلينا نفترض ان الخناقة بينكم على موقف معين خلاكى مش مبسوطه اوى مع جوزك. مهم فى الوقت ده تفكرى الاول لو هتحكى اى تفاصيل عن الموقف ده هيكون ايه الهدف من كده، يعنى مثلا محتاجه نصيحة ازاى تحلى المشكلة بينكم ولا عايزه بس تخرجى الى جواكى عشان ترتاحى؟ او عايزه بس تخرجى الغضب الى جواكى، فلازم تاخدى بالك فى كل الى هتقوليه وقت العصبية، عشان بعد ما تنطقيه هيكون صعب تتراجعى فيه وهيتحسب عليكى.

إقرا أكتر: يا هتكمل.. يا هتكمل! ليه لازم تروح لمستشار علاقات زوجية!

الانتقاد

ده موضوع حساس اوى لازم تاخدى بالك منه. كلنا عندنا ملاحظات على بعض، سواء كانوا اصحابنا او عيلتنا او شريك حياتنا، وطبيعى ان يكون عندك انتقادات لتصرفات بيعملها جوزك وبتضايقك، بس ده مش معناه انك تحكى لكل الناس الحاجات الى بيعملها زى انه مبيحطش الشوز بتاعه فى الجزامه، أو  مبيغسلش الكوبايات الى بيشرب فيها، أو بياكل كل الاكل الباقي فى التلاجه، لو الحاجات دى بتضايقك يبقي لازم تقوليهاله هو بس وتناقشيه فيها عشان توصلوا لحل يخليكم مرتاحين مع بعض.

الهزار الى بينكم 

بعد الجواز الهزار الى بينك وبين جوزك اسمه كده عشان لازم يفضل جوه الحدود دى وميطلعش بره خالص عشان كمان خصوصية الناس الى اسماءهم اتقالت فى اى موقف بيضحك، والمواقف دى الى ممكن تضحككم مهمه وبتخلى علاقتكم فيها حيويه وحياة، بس مينفعش تتحكى لحد تانى هتبقي حاجه بايخة ومش لطيفه. وعموما مهم انك تتكلمى مع جوزك فى الحاجات الى ينفع تحكيها لحد والحاجات الى مينفعش ابدا تطلع بره البيت

ازاى تحددى الحاجات الى ينفع تقوليها لما تتجوزى؟ بعد الجواز طبيعى يتغير شكل العلاقة بينك وبين شريك حياتك ، وكمان بينك وبين كل الى حواليكى. المواقف الى تحصل جوه البيت فى وسط عيلتك او فى علاقاتك تأثيرها مبقاش عليكى انتى بس ، لكن عليكم انتم الاتنين. وده لازم يخلى كل الكلام الى بتقوليه مع صحباتك او فى خروجاتك، أو مع مامتك وعيلتك وانتو بتشربو الشاى، يتغير عشان جوازك يبقي فيه مساحة خصوصيه.

ده الى خلانا نجمعلك الحاجات الى مينفعش ابدا تحكيها لحد، والحاجات الى ممكن تشاركيها مع صحابك وقرايبك لو عايزه ده. ومهم تاخدى بالك ان الحاجات دى لازم تتناقشى فيها الأول مع جوزك عشان ممكن تتغير حسب راحتكم. وافتكرى ان مفيش قواعد أكيده للطريقة الى المفروض تتعاملى بيها معاه، بس هى افكار مفيدة ممكن تخلى حياتك اسهل.

العلاقة

فى حاجات الأحسن انها تفضل خاصة زى العلاقة مع جوزك، ودى اهم حاجه مينفعش تتكلمى عنها. عشان دى حاجه مبتخصكيش لوحدك وفى طرف تانى فيها، واى تفاصيل هتقوليها عن علاقتك بجوزك قدام عيلتك او صحابك حاجه مش ضرورية وكمان مش لطيفة. فلازم تكونى كتومة فى الموضوع ده.

الخناقات

اتخانقتوا سوا، خلينا نفترض ان الخناقة بينكم على موقف معين خلاكى مش مبسوطه اوى مع جوزك. مهم فى الوقت ده تفكرى الاول لو هتحكى اى تفاصيل عن الموقف ده هيكون ايه الهدف من كده، يعنى مثلا محتاجه نصيحة ازاى تحلى المشكلة بينكم ولا عايزه بس تخرجى الى جواكى عشان ترتاحى؟ او عايزه بس تخرجى الغضب الى جواكى، فلازم تاخدى بالك فى كل الى هتقوليه وقت العصبية، عشان بعد ما تنطقيه هيكون صعب تتراجعى فيه وهيتحسب عليكى.

إقرا أكتر: يا هتكمل.. يا هتكمل! ليه لازم تروح لمستشار علاقات زوجية!

الانتقاد