تفاصيل صغيرة تخلي فرحك في الشتا شكل تاني

Large

الكريسماس قرب، وده معناه إن موسم أفراح الشتا الخيالية إلى كلها سحر بدأ... عرسان كتير بيحبو يعملوا فرحهم فى السيزون ده، وهو بصراحة موسم مثالي للأفراح. أحسن وقت يتعمل فيه فرح الشتا بيكون بين الكريسماس، ورأس السنة، والفلانتين.

لو أنت أو إنتي من عشاق الشتا وبالنسبة لك ده الوقت الرومانسي الخيالي اللي بتستناه، هنقولك على تفاصيل صغيرة جدا تخلي فرحك في الشتا تجربة جميلة بكل تفاصيلها.

Knotch Weddings

أول حاجه محتاجها عشان تخلى فرحك خيالى وتستغل جو الشتا هى الألوان، عايزه أزرق، ولا أبيض كله، ولا فضي بيلمع، دى خطوة مهمة عشان تحدد فرح الشتا. الألوان ليها عامل كبير في الديكور اللي هينقلك من عالم عادي لعالم ساحر إنت بتحلم بي، يا إما هياخدك للقطب الشمالي الجليدي أو هيخليك تعيش تجربة الحياة المتغطية باللون الأبيض حواليك. مجرد ما تحدد لون الديكور لازم تتناقش مع منظم الفرح وتتفق معاه على البادجيت المناسبة لك.

If I May

مهم أوى ناخد بالنا إن المكان يكون مناسب لفرح الشتا، هل هيكون فى مكان مقفول ولا أوبن إير! لإن المكان هو اللي هيحدد شكل الديكور إلى هيتعمل. لو هتعمل الفرح أوبن إير يبقى لازم الديكور الأساسى يكون الطبيعة، وتزود عليها بس شوية حاجات صغيرة تظهرها،  لكن لو الفرح هيكون فى مكان مقفول يبقى الديزاين كله هيتعمل بنفس الاستايل إلى أنت عايزه. ممكن توفر على نفسك مجهود كبير وتعمل فرحك فى الـ winter wonderland  إلى فى  Zed Park، وطبعا اختار إلى يناسبك لكن لازم تعمل خطة تمشى عليها خصوصا لو هتأجر جنينة عشان تحسسك بجو الشتا الخيالى والتلج إلى مفتقدينه عندنا.

Knotch Weddings

آخر حاجه لازم العرسان ياخدوا بالهم منها هى إن لبسهم يكون مناسب ستايل فرح الشتا. بالنسبة للعروسة ممكن تفصل فستان فيه  "snowflakes"، أو فستان أبيض طويل متطرز، وممكن كمان يدخل فيه الفرو عشان يدى إحساس البرودة.

دى شوية أفكار عشان فرحك فى الشتا والخيال يبقى حقيقه وتعيشه بجد.

إقرا أكتر: خلى فرحك "fairy tale" واستفيد من سحر الشتا

Hafez Couture

الكريسماس قرب، وده معناه إن موسم أفراح الشتا الخيالية إلى كلها سحر بدأ... عرسان كتير بيحبو يعملوا فرحهم فى السيزون ده، وهو بصراحة موسم مثالي للأفراح. أحسن وقت يتعمل فيه فرح الشتا بيكون بين الكريسماس، ورأس السنة، والفلانتين.

لو أنت أو إنتي من عشاق الشتا وبالنسبة لك ده الوقت الرومانسي الخيالي اللي بتستناه، هنقولك على تفاصيل صغيرة جدا تخلي فرحك في الشتا تجربة جميلة بكل تفاصيلها.