تسمحوا للأطفال يحضروا فرحكم! حاجات لازم تعملوا حسابها فى الحالتين

Large

هتخلوا الأطفال يحضروا فرحكم ولا لأ؟ أطول حوار في تاريخ تحضيرات الفرح ممكن تقابلوه! دايما الآراء بتختلف فيه، فى عرسان بيوصلوا لقرارهم بسرعة، بس كتير منهم بيستهلكوا وقت طويل فى المناقشات في الموضوع ده، خصوصا لو كان معظم قرايبهم فى مرحلة الطفولة. إحنا هنا علشان نسهل عليكم ونساعدكم تاخدوا القرار الصح الى يناسب ظروف فرحكم.

لو هتسمحولهم

السماح للأطفال بحضور الفرح قرار صعب، بس المهم تتأكدوا إن مكان الفرح مناسب لاستقبالهم. مش بنتكلم بس عن ترابيزات للأطفال، لكن كمان وجبات أكل مخصوصة ليهم، والأفضل يكون فيه منطقة ليهم يلعبوا فيها بدل الجرى والحركة وسط المعازيم اللي ممكن تعمل مشكلة. الأحسن يكون فى شخص يقدم فقرة ترفيهية و نانى تاخد بالها منهم. ممكن تطلبوا من الأب والأم فى دعوة الفرح ياخدوا بالهم من أطفالهم وإنهم مسئوليتهم هما.

 مهم أوى تعرفوا أعمار الأطفال الى هييجوا الفرح، يعنى سنهم فى حدود الـ 8 سنين، ولا صغيرين في حدود  الـ4 سنين. كل التفاصيل دي لازم تراعوها قبل ما تدي الموافقة النهائية لحضور الأطفال.

إقرا أكتر: إتيكيت الفرح حاجات مهمه لازم تعمليها.. لا كبيرة على الحاجات دي

لو هتعزموا عدد قليل

 ممكن يكون عندك عدد قليل من بنات أو أولاد الأخت وعاوزهم يحضروا فرحك، ومش الأطفال مسموح إنها تحضر! دي نقطة لازم توضحها للمعازيم، ومع إنه ممكن يكون تصرف عادي ومن حقكم تعملوه، بس هيبقي فيه شرح كتير للأسباب. برضه هيبقي لازم تجهزوا مكان في الفرح لاستقبال الاطفال، لكن طبعا هيبقي المجهود أقل.

لو مش هتعزموهم

 قرار بيختاروه معظم العرسان دلوقتي، خصوصا في الأفراح اللي بتتعمل بليل ويبقى فيها سهر للصبح. ده الحل الأسهل، والأقل صعوبة وقت تحضير الفرح. بس برضه فى عيب، وهو إن عدد من المعازيم هيضطروا يمشوا بدرى عشان ولادهم مش معاهم، وغالبية الأهل مبيحبوش يسيبوا ولادهم فترة طويلة لوحدهم.

عموما لازم تكونوا عارفين إن ده يومكم والقرار بتاعكم، والأهم من كل ده تعملوا قايمة المعازيم من الناس الى بتحبوهم.

هتخلوا الأطفال يحضروا فرحكم ولا لأ؟ أطول حوار في تاريخ تحضيرات الفرح ممكن تقابلوه! دايما الآراء بتختلف فيه، فى عرسان بيوصلوا لقرارهم بسرعة، بس كتير منهم بيستهلكوا وقت طويل فى المناقشات في الموضوع ده، خصوصا لو كان معظم قرايبهم فى مرحلة الطفولة. إحنا هنا علشان نسهل عليكم ونساعدكم تاخدوا القرار الصح الى يناسب ظروف فرحكم.

لو هتسمحولهم

السماح للأطفال بحضور الفرح قرار صعب، بس المهم تتأكدوا إن مكان الفرح مناسب لاستقبالهم. مش بنتكلم بس عن ترابيزات للأطفال، لكن كمان وجبات أكل مخصوصة ليهم، والأفضل يكون فيه منطقة ليهم يلعبوا فيها بدل الجرى والحركة وسط المعازيم اللي ممكن تعمل مشكلة. الأحسن يكون فى شخص يقدم فقرة ترفيهية و نانى تاخد بالها منهم. ممكن تطلبوا من الأب والأم فى دعوة الفرح ياخدوا بالهم من أطفالهم وإنهم مسئوليتهم هما.

 مهم أوى تعرفوا أعمار الأطفال الى هييجوا الفرح، يعنى سنهم فى حدود الـ 8 سنين، ولا صغيرين في حدود  الـ4 سنين. كل التفاصيل دي لازم تراعوها قبل ما تدي الموافقة النهائية لحضور الأطفال.

إقرا أكتر: إتيكيت الفرح حاجات مهمه لازم تعمليها.. لا كبيرة على الحاجات دي

لو هتعزموا عدد قليل