ترتيبات الشقة آخر ٣ أسابيع قبل الفرح

علشان متنسيش حاجة، وتستعدي يا عروسة

Large

أول مرة هيبقالك بيت باسمك، تعملي فيه كل اللي ييجي على بالك ويكون على مزاجك، بس بيتك قبل الفرح محتاج ترتيبات أخيرة علشان يكون مستعد زيك بالظبط. في رحلة التجهيز للفرح، ممكن تنسي الشقة وتفاصيلها، بس إحنا جمعنالك كل المهام اللي محتاجة تخلصيها قبل الفرح بتلات أسابيع وأقل. 

علشان متنسيش أي حاجة وتستعدي يا عروسة، خلي معاكي القائمة دي واتأكدي إنك خلصتي كل اللي فيها. 

قبل الفرح بتلات أسابيع:

١- آخر تعديلات الديكور ولمساته النهائية. لو لسه بتظبطي حاجات في ديكور وترتيب الشقة زي إنك بتفرشي أجزاء منها وبتزينيها بتابلوهات، صور، أنتيكات أو حتى Beanbags وكراسي مريحة، يبقى اعملي حسابك إن ده آخر أسبوع ممكن تعملي فيه كده. وحاولي تأجلي باقي التفاصيل الخاصة بالديكورات الأخيرة لبعد شهر العسل. 

٢- انقلي هدايا الفرح. لو حد من المعازيم، الأهل أو الأصحاب جابلك هدية الجواز خلاص، يبقى محتاجة تنقلي الهدايا دي لبيتك الجديد قبل الفرح بتلات أسابيع علشان يكون عندك وقت كفاية للترتيب والتوضيب. 

٣- اتأكدي من مرافق أو صيانة الشقة. يعني حاولي تقضي يوم كامل في بيتك قبل الفرح بتلات أسابيع، جربي في الوقت ده توصيلات الكهرباء، التكييفات والدفايات، الأجهزة الكهربائية والإلكترونية، البوتاجاز والفرن واتأكدي من توصيلات الغاز والمياه للحمام والمطبخ. دي آخر فرصة علشان تلحقي تصلحي أي حاجة محتاجة تصليح وزيارة من عمال قبل الجواز. 

قبل الفرح بأسبوعين:

١- بعد ما تتأكدي وتتممي على الخطوات اللي فاتت، ييجي دور التنظيف. أسبوعين قبل الفرح وقت مناسب لتنظيف البيت ونقل الرفايع والحاجات الخفيفة.

٢- الخطوة اللي جاية هي نقل الهدوم، اللانجيري والحاجات الشخصية. النقل ده مش هيحتاج منك كتير، لكن كل ما كان بدري، كل ما كان مريح ليكي. 

٣- شنطة شهر العسل. لو خلاص نقلتي كل حاجاتك، يبقى فاضلك دلوقتي تحضري شنطة السفر لشهر العسل وتسيبيها جاهزة جنب الباب.

قبل الفرح بأسبوع:

١- ده وقت تحضير الأكل. آخر أسبوع ده هو اللي هتبدأي تعملي فيه الشوبينج بتاع البيت، خضار وفاكهة ومعلبات ومستلزمات المطبخ، خليكي جاهزة علشان البيت ما يكونش فاضي في أول أسبوع جواز. في الوقت ده، ممكن تحضري كام طبخة وتسيبيهم في الفريزر لحد ما تحتاجيهم. والأحسن، إنك تنقلي الوجبات جاهزة من مطعم بيعمل أكل بيتي أو من عند ماما مثلا. 

٢- وأنتي بتحضري الأكل وبتشتري إحتياجات البيت، جربي تعزمي صديقة قريبة منك في بيتك. أولا، هي هتساعدك جدا وتسهل عليكي المهمة وثانيا، رأيها وتعليقاتها على بيتك، شكله، روحه وذوقه هيخليكي متحمسة للنقل وحاسة إنك راضية عن كل حاجة فيه ومستعدة قبل الفرح

 

أول مرة هيبقالك بيت باسمك، تعملي فيه كل اللي ييجي على بالك ويكون على مزاجك، بس بيتك قبل الفرح محتاج ترتيبات أخيرة علشان يكون مستعد زيك بالظبط. في رحلة التجهيز للفرح، ممكن تنسي الشقة وتفاصيلها، بس إحنا جمعنالك كل المهام اللي محتاجة تخلصيها قبل الفرح بتلات أسابيع وأقل. 

علشان متنسيش أي حاجة وتستعدي يا عروسة، خلي معاكي القائمة دي واتأكدي إنك خلصتي كل اللي فيها. 

قبل الفرح بتلات أسابيع:

١- آخر تعديلات الديكور ولمساته النهائية. لو لسه بتظبطي حاجات في ديكور وترتيب الشقة زي إنك بتفرشي أجزاء منها وبتزينيها بتابلوهات، صور، أنتيكات أو حتى Beanbags وكراسي مريحة، يبقى اعملي حسابك إن ده آخر أسبوع ممكن تعملي فيه كده. وحاولي تأجلي باقي التفاصيل الخاصة بالديكورات الأخيرة لبعد شهر العسل. 

٢- انقلي هدايا الفرح. لو حد من المعازيم، الأهل أو الأصحاب جابلك هدية الجواز خلاص، يبقى محتاجة تنقلي الهدايا دي لبيتك الجديد قبل الفرح بتلات أسابيع علشان يكون عندك وقت كفاية للترتيب والتوضيب. 

٣- اتأكدي من مرافق أو صيانة الشقة. يعني حاولي تقضي يوم كامل في بيتك قبل الفرح بتلات أسابيع، جربي في الوقت ده توصيلات الكهرباء، التكييفات والدفايات، الأجهزة الكهربائية والإلكترونية، البوتاجاز والفرن واتأكدي من توصيلات الغاز والمياه للحمام والمطبخ. دي آخر فرصة علشان تلحقي تصلحي أي حاجة محتاجة تصليح وزيارة من عمال قبل الجواز. 

قبل الفرح بأسبوعين:

١- بعد ما تتأكدي وتتممي على الخطوات اللي فاتت، ييجي دور التنظيف. أسبوعين قبل الفرح وقت مناسب لتنظيف البيت ونقل الرفايع والحاجات الخفيفة.

٢- الخطوة اللي جاية هي نقل الهدوم، اللانجيري والحاجات الشخصية. النقل ده مش هيحتاج منك كتير، لكن كل ما كان بدري، كل ما كان مريح ليكي. 

٣- شنطة شهر العسل. لو خلاص نقلتي كل حاجاتك، يبقى فاضلك دلوقتي تحضري شنطة السفر لشهر العسل وتسيبيها جاهزة جنب الباب.

قبل الفرح بأسبوع:

١- ده وقت تحضير الأكل. آخر أسبوع ده هو اللي هتبدأي تعملي فيه الشوبينج بتاع البيت، خضار وفاكهة ومعلبات ومستلزمات المطبخ، خليكي جاهزة علشان البيت ما يكونش فاضي في أول أسبوع جواز. في الوقت ده، ممكن تحضري كام طبخة وتسيبيهم في الفريزر لحد ما تحتاجيهم. والأحسن، إنك تنقلي الوجبات جاهزة من مطعم بيعمل أكل بيتي أو من عند ماما مثلا. 

٢- وأنتي بتحضري الأكل وبتشتري إحتياجات البيت، جربي تعزمي صديقة قريبة منك في بيتك. أولا، هي هتساعدك جدا وتسهل عليكي المهمة وثانيا، رأيها وتعليقاتها على بيتك، شكله، روحه وذوقه هيخليكي متحمسة للنقل وحاسة إنك راضية عن كل حاجة فيه ومستعدة قبل الفرح

 

الترتيب لفرحك أسهل كتير مع Weds360. لأننا عارفين إيه المهم، تقدر تعتمد علينا في كل تفصيلة.

Tools website

موقع الفرح

ده المكان اللي هتحتفظ فيه بكل الأوقات الحلوة وكل صور الفرح للأبد وتتحكم في كل التفاصيل. وهتقدر تختار تصميمه، وتخلي المعازيم يبعتولك عليه الصور والفيديوهات واللحظات المميزة في فرحك. اختار موقع الفرح
Tools budgeter

تكاليف الفرح

لو محدد الرقم اللي هتصرفه في الفرح، هنساعدك هنا تعرف تستغله صح وترتب التكاليف صح. اتحكم في فلوس فرحك
Tools checklist

جدول المهام

حدد الحاجات اللي وراك، اعمل لنفسك جدول بالمهم منها وبأولوياتك في تنظيم الفرح علشان متنساش حاجة. ابدأ من هنا
Tools guestlist

المعازيم

مين اللي جاي الفرح؟ ومين اللي لازم تأكد عليه؟ ومين اعتذر؟ كلها حاجات هتقدر تنظمها، تتحكم فيها وتبعت دعوات فرح مخصصة لكل مجموعة. ابدأ من هنا
Tools vendors

متخصصين الفرح

اعرف أكتر عن متخصصين الأفراح في كل المجالات وشوف شغلهم واختار الأفضل ليك ولفرحك. ابدأ من هنا
Tools registry

هدايا الفرح

جمع كل هدية نفسك فيها، كل محل بتحبه في مكان واحد، وساعد المعازيم يختاروا هدية الجواز من غير مواقف محرجة أو تكرار للهدايا. ابدأ من هنا
× Logo
Weds360
Mobile App
Install now