تجيبيله إيه في الفلانتين؟ إزاي تفاجئي حبيبك على حسب شخصيته؟

Large

خلاص الفلانتين على الأبواب يا سيدتي الجميلة ولازم تلحقي تنزلي شوبينج علشان تجيبي هدية الفلانتين لحبيبك، الويك إند ده مش أي ويك إند، اليوم ده مهم أنه فرصة نعبرعن اللي جوانا بصدق، فرصة نكون رومانسيين براحتنا من غير حرج ولا الإحساس بالألش. عملية مفاجأة حبيبك أو جوزك دي لازم تكون عملية ممتعة! 

فيه ستات عارفين كويس أوي هيعملوا إيه يومها، فيه خلصوا كل الأفكار، وفيه طبعا اللي محتاسة وما بتعرفش تخطط لأي مفاجآت. علشان كده إحنا هنساعدك تجيبي الهدية المناسبة وتعملي المفاجأة المعتبرة على حسب شخصيته، خلينا نشوف سوا إزاي ممكن تدلعي حبيبك وتغرقيه بالحب في الفلانتين. 

الراجل العملي:

لو إنتي واحدة من المحظوظين وبتحبي راجل عملي يبقى هتكون عملية إختيار الهدية سهلة وبسيطة فوق ما تتخيلي، يعني مثلا ممكن تجيبيله كوفية شيك، كرافتة معاها منديل الجيب ودبابيس الكمام، ممكن أي قطعة هدوم أو جزمة شيك تكون على ذوقه، ممكن برضه تجيبي ماكينة حلاقة جديدة، لو بقى ليه في العربيات أوي وبيحب عربيته زي عينيه ممكن تجيبي هدية للعربية زي إكسسوارات جديدة. 

إقرا أكتر: قلوب ودباديب؟ ولا ورد وشيكولاتة؟ هتفاجيء حبيبتك إزاي في الفلانتين؟

الراجل الحساس:

نيجي للراجل الحساس ذو المشاعر الفياضة، أحسن حاجة تجيبي هدية خاصة بيه أو بيكوا إنتوا الإتنين، نوع الهدايا دي بتظهر إهتمامك بالتفاصيل وبتوري إنك بذلتي مجهود من نوع مختلف علشان تعملي حاجة تبسطه، طيب تعملي ايه بقى لحبيبك الحساس ده؟ ممكن مبدئيا تحضري له فطار في السرير يقوم يلاقيه في وسط ورد، بلونات، وقلوب، أو ممكن تعملي كارت تكتيبي له فيه وتديهوله على عشاء رومانسي حضرتيه في البيت، ممكن برضه تطلبي تعملي برواز فيه صوركم مع بعض في أوقات ومناسبات مختلفة ومكتوب عليه رسالة حب من كلمات قليلة، جهزي برطمان جواه ورق على شكل قلوب ومكتوب على كل قلب ذكريات جمعتكم ببعض أو كل الحاجات اللي بتحبيها فيه.

الراجل الرومانسي:

لو بتحبي راجل رومانسي يبقى لازم تجهزي نفسك لعشاء رومانسي أوي! سواء هتتعشوا برا في مكان شيك أو هتتعشوا سوا في البيت على ضوء الشموع ومفروش على التربيزة ورد أحمر، لازم تبقي سيكسي وجميلة، البسي الفستان إياه وحطي أكتر برفان بيحبه عليكي. أما الهدية هتيله حاجة متعلقة بيكوا إنتوا الإتنين، اللي هتفضل معاه، وهيكون شايفاها معظم الأوقات زي: ميدالية مفاتيح، حاجة تتعلق في العربية، اسورة أو سلسلة رجالي، مكتوب عليهم رسالة حب بسيطة أو أول حروف من أساميكم، ممكن طبعا تجيبيله برفان أو كتاب شعر أو رواية رومانسية.

الراجل المغامر:

بيحب يعمل حاجة جديدة كل فترة، بيزهق من القاعدة في البيت وبيحب يغير، خططي لمغامرة جديدة لليوم ده وفاجئيه بيها، إحجزي كلاس دانس لإتنين قبل العشاء، في حالة لو هتجهزي مفاجأة مش لازم تجيبي هدية غالية أوي وممكن تكتفي بحاجة بسيطة ومعنوية. كل اللي هتحتاجيه لليوم هو إنك تتحمسي كده للمغامرة الجديدة وتنبسطي! 

من الأخر كده كل الحركات والحبشتكنات دي علشان تغيروا جو مع بعض وإننا حابين نشجعكوا تقضوا وقت حلو بشكل مختلف عن المعتاد مع الأشخاص اللي بتحبوهم، فضي دماغك من الضغوط الحياتية بتاعة كل يوم واستمتعي بالليلة الرومانسية مع شريكك! هابي فلانتين

 

خلاص الفلانتين على الأبواب يا سيدتي الجميلة ولازم تلحقي تنزلي شوبينج علشان تجيبي هدية الفلانتين لحبيبك، الويك إند ده مش أي ويك إند، اليوم ده مهم أنه فرصة نعبرعن اللي جوانا بصدق، فرصة نكون رومانسيين براحتنا من غير حرج ولا الإحساس بالألش. عملية مفاجأة حبيبك أو جوزك دي لازم تكون عملية ممتعة! 

فيه ستات عارفين كويس أوي هيعملوا إيه يومها، فيه خلصوا كل الأفكار، وفيه طبعا اللي محتاسة وما بتعرفش تخطط لأي مفاجآت. علشان كده إحنا هنساعدك تجيبي الهدية المناسبة وتعملي المفاجأة المعتبرة على حسب شخصيته، خلينا نشوف سوا إزاي ممكن تدلعي حبيبك وتغرقيه بالحب في الفلانتين. 

الراجل العملي:

لو إنتي واحدة من المحظوظين وبتحبي راجل عملي يبقى هتكون عملية إختيار الهدية سهلة وبسيطة فوق ما تتخيلي، يعني مثلا ممكن تجيبيله كوفية شيك، كرافتة معاها منديل الجيب ودبابيس الكمام، ممكن أي قطعة هدوم أو جزمة شيك تكون على ذوقه، ممكن برضه تجيبي ماكينة حلاقة جديدة، لو بقى ليه في العربيات أوي وبيحب عربيته زي عينيه ممكن تجيبي هدية للعربية زي إكسسوارات جديدة. 

إقرا أكتر: قلوب ودباديب؟ ولا ورد وشيكولاتة؟ هتفاجيء حبيبتك إزاي في الفلانتين؟

الراجل الحساس:

نيجي للراجل الحساس ذو المشاعر الفياضة، أحسن حاجة تجيبي هدية خاصة بيه أو بيكوا إنتوا الإتنين، نوع الهدايا دي بتظهر إهتمامك بالتفاصيل وبتوري إنك بذلتي مجهود من نوع مختلف علشان تعملي حاجة تبسطه، طيب تعملي ايه بقى لحبيبك الحساس ده؟ ممكن مبدئيا تحضري له فطار في السرير يقوم يلاقيه في وسط ورد، بلونات، وقلوب، أو ممكن تعملي كارت تكتيبي له فيه وتديهوله على عشاء رومانسي حضرتيه في البيت، ممكن برضه تطلبي تعملي برواز فيه صوركم مع بعض في أوقات ومناسبات مختلفة ومكتوب عليه رسالة حب من كلمات قليلة، جهزي برطمان جواه ورق على شكل قلوب ومكتوب على كل قلب ذكريات جمعتكم ببعض أو كل الحاجات اللي بتحبيها فيه.

الراجل الرومانسي:

لو بتحبي راجل رومانسي يبقى لازم تجهزي نفسك لعشاء رومانسي أوي! سواء هتتعشوا برا في مكان شيك أو هتتعشوا سوا في البيت على ضوء الشموع ومفروش على التربيزة ورد أحمر، لازم تبقي سيكسي وجميلة، البسي الفستان إياه وحطي أكتر برفان بيحبه عليكي. أما الهدية هتيله حاجة متعلقة بيكوا إنتوا الإتنين، اللي هتفضل معاه، وهيكون شايفاها معظم الأوقات زي: ميدالية مفاتيح، حاجة تتعلق في العربية، اسورة أو سلسلة رجالي، مكتوب عليهم رسالة حب بسيطة أو أول حروف من أساميكم، ممكن طبعا تجيبيله برفان أو كتاب شعر أو رواية رومانسية.

الراجل المغامر:

بيحب يعمل حاجة جديدة كل فترة، بيزهق من القاعدة في البيت وبيحب يغير، خططي لمغامرة جديدة لليوم ده وفاجئيه بيها، إحجزي كلاس دانس لإتنين قبل العشاء، في حالة لو هتجهزي مفاجأة مش لازم تجيبي هدية غالية أوي وممكن تكتفي بحاجة بسيطة ومعنوية. كل اللي هتحتاجيه لليوم هو إنك تتحمسي كده للمغامرة الجديدة وتنبسطي!