بيرونا وحسين عملوا أروش فرح على البحر في العين السخنة!

كتير بنزهق ونتعب من حياة المدينة خصوصا  لو بصخب وزحمة القاهرة! ومع أول فرصة أجازة هتجري لأي مكان جديد علشان تجدد طاقتك اللي استنفزت من الضغط المستمر والدوشة الرهيبة.

العين السخنة موقع مثالي لفرح خارج القاهرة، من ناحية المسافة هي على بعد ساعة، أما من ناحية الموقع مثالية لفرح بوهيمي وبسيط على البحر. ممكن تقولوا عليها خطة ذكية بإنكم تبدأوا أول خطوة في حياتكم من مكان وأجواء مختلفة تماما عن اللي انتوا واخدين عليها، وبالتالي يا أعزائي اختارنا فرح الأسبوع لبيرونا وحسين في ستيلا دي ماري العين السخنة.

تفاصيل الفرح كانت بسيطة وشيك، بدأ قبل غروب الشمس بساعات قليلة، العرسان قرروا الفوتوسيشن يكون على البحر، وبدأ الفرح واستمر لغاية بعد نص الليل بساعات كتر. 

شوف أكتر: خديجة وعمرو جدفوا مركبتهم سوا لبداية حياة جديدة 

العروسة قررت إن الفستان يكون بسيط وشيك من روح الديكور البوهيمي للفرح، استخدمت ألوان مكياج ترابية، أما الشعر فقررت إنها ترفعه وزينته بإكسسوار صغير على شكل هلال. 

أما العريس قرر إنه يتنازل عن البدلة الكاملة في الفرح، واكتفى قميص أبيض، بيبيون، صديري أسود وبنطلون بيج وجزمة جملي.

متخصصين الفرح:

تصوير: Mangawy Owes Photography

تنظيم الفرح: Bloemevents

مكياج وشعر: والدة العروسة

المكان: ستيلا دي ماري العين السخنة

دي جي : دي جي كيرو