بـ4 إكسسوارات هتخلي بيتك دافي ومريح

Large

عشان تحول شقتك لبيت مريح ودافي، موضوع بيتحتاج منك اهتمام طول ما انت عايش فيه، إكسسوارت البيت مهمة، والفكرة مش بس إنك تختار العفش المناسب الى يدى روح للمكان، لكن فيه حاجات كتير أوى لو عملتها هتخلى بيتك مريح وكمان شكله جميل، زى إنك تديله لمسة بسيطة وتفاصيل صغيرة، وهنقولك على شوية إكسسوارات منهم.

فازات الورد

كل الناس تقريبا بتحب الفازات الشيك سواء كانت جواها ورد أو حتى محطوطة لوحدها ديكور، والفازات أكتر حاجه هتضيف لمسة حلوة لبيتك من غير مجهود، عشان بتتباع فى اماكن كتير، زى جاليري الهاند ميد، أو أون لاين على حسابات الإنستجرام، أو في وسط البلد والزمالك القديمة، وهتلاقي فازات شيك تناسب كل استايلات الديكور الى ممكن تعملها فى بيتك، ونصيحة كمان للناس الشاطرين الى عندهم مواهب فنية، لو ملقتوش الفازة الى عايزينها، اعملوها بأيديكم .

كتاب "الكوفي تيبل"

الآراء بتختلف على قطعة الإكسسوار دى، وهو عبارة عن مجلد أو كتاب شكله شيك، والغلاف بتاعة مميز، وجواه صور ومعلومات بسيطة أوى، بيتحط على "الكوفي تيبل". بس ياترى ليه تجيب كتاب مش هيتقرى؟ عموما هو مش معمول القرايه لكن عشان الضيوف يقلبوا فيه ويتفرجوا على الصور، وده هيديهم فكرة عن شخصيتك والحاجات الى بتحبها زى سواء كانت الفاشون أو الفن أو السفر، وكمان هيسليهم وهما مستنينك فى البيت، ويدى احساس بالدفا وإكسسوار بيت شيك بدل ما البيت يكون فاضي.

إقرا أكتر: ترتيبات الشقة آخر ٣ أسابيع قبل الفرح

البطانيات والشالات

البطانيات والشالات الصوف إكسسوار للبيت جميل خصوصا في فصل الشتا ، وهي بتتحول لقطعة فنية لما تتحط على الكنبه بطريقة عشوائية من غير ترتيب ، وممكن تبقي معموله من الفرو  أو الصوف أو القطن ، وممكن تختار  شال أو  بطانية ملونة أو لونها كريمى سادة وتحطها على إيد الكنبه عشان تعمل جو مريح وشيك فى البيت. وأجمل حاجه انك لو قررت تسهر على فيلم بالليل  وحسيت انك بردان ، مش ها تضطر تقوم تانى تجيب حاجه تتغطى بيها، عشان البطانية موجودة جنبك.

الشموع الفواحه

مفيش حد فى الدنيا مبيحبش الشموع الفواحة، عشان فعلا شكلهم حلو أوى، خصوصا انك هتقدر تختار من مجموعة كبيرة من الروايح الى بتحبها او مرتبطة بمشاعرك، ده غير الجو الى بتعمله فى البيت. الشموع الفواحة اكتر اكسسوار للبيت هيخلى كله دفا ، لانها ممكن تكون رومانسية أو تدى احساس بالراحة والهدوء بعد يوم شغل وتعب طويل. وسهل تعملها بإيدك في البيت ، أو لو ما لقتش وقت لكده، هتلاقيها بتتباع فى أماكن كتير، وهى فعلا الاكسسوار البرفيكت لبيتك.

 

عشان تحول شقتك لبيت مريح ودافي، موضوع بيتحتاج منك اهتمام طول ما انت عايش فيه، إكسسوارت البيت مهمة، والفكرة مش بس إنك تختار العفش المناسب الى يدى روح للمكان، لكن فيه حاجات كتير أوى لو عملتها هتخلى بيتك مريح وكمان شكله جميل، زى إنك تديله لمسة بسيطة وتفاصيل صغيرة، وهنقولك على شوية إكسسوارات منهم.

فازات الورد

كل الناس تقريبا بتحب الفازات الشيك سواء كانت جواها ورد أو حتى محطوطة لوحدها ديكور، والفازات أكتر حاجه هتضيف لمسة حلوة لبيتك من غير مجهود، عشان بتتباع فى اماكن كتير، زى جاليري الهاند ميد، أو أون لاين على حسابات الإنستجرام، أو في وسط البلد والزمالك القديمة، وهتلاقي فازات شيك تناسب كل استايلات الديكور الى ممكن تعملها فى بيتك، ونصيحة كمان للناس الشاطرين الى عندهم مواهب فنية، لو ملقتوش الفازة الى عايزينها، اعملوها بأيديكم .

كتاب "الكوفي تيبل"