بعد 6-8 شهور من الجواز: فن التعامل مع ضغط الأهل في موضوع الخلفة

7 خطوات للتعامل مع ضغوط المجتمع المتعلقة بالخلفة

Large

جاهزين لمواجهة ضغوط المجتمع وزن الأهل علشان الخلفة؟ لو لسة ما عرفتوش ايه اللي بيحصل بعد الجواز لحد دلوقتي خلينا نديكوا فكرة بسيطة، الناس ببساطة بدل ما بتسأل هتتجوزوا أمتى بتبتدي تسأل هتخلفوا إمتى، في الحقيقة في الأغلب هتلاقوا ناس مختلفة وعشوائية جدا بيدعوا إن ربنا يرزقكوا بنونو صغنن يملى عليكم البيت ولا بدستة عيال تجروا وراهم طول النهار، غير اللي هيسألوكم ليه ما خلفتوش لحد دلوقتي من أصله.!

في نوع من الناس الفضول بياكلهم علشان يعرفوا خططكم للخلفة، هتلاقوا الناس دي بقى يا هيحاولوا يتذاكوا ويعرفوا المعلومة بشكل غير مباشر أو هيسألوا عن التفاصيل بشكل متطفل جدا، في الحالات دي خلينا نقول إن مدى صبركم وقدرة تحملكم للمواقف دي هيتلاشوا من كتر الزن، ده غير كمان انكم هتسمعوا جمل مشهورة ومتداولة كتيرة زي" خدوا بالكم من السن العمر بيجري، العيل بيجي برزقه، مش هتجيبولكم حتة عيل يملى عليكم الدنيا؟ نفسي أسمع كلمة جدو قبل ما أموت، هاتوا عيل وإحنا لسة فينا حيل نربيه معاكم". 

تصوير محمد عاطف

الضغوط دي بتبقى لا تحتمل لدرجة ان الواحد بيحس إنه مستحيل يتعامل معاهم وفي نفس الوقت مستحيل يعيش معاهم برضه، في الأخر هي حياتكم والمفروض تعيشوها بالشكل اللي انتوا عاوزينه وشايفينه مناسب ليكم، الـ7 خطوات دول هيساعدوكم تتعاملوا مع ضغوط الخلفة وتعيشوا حياتكم بشكل طبيعي: 

الخطوة الأولى: انتوا عايزين إيه

أول حاجة لازم تعرفوا إنتوا عاوزين تعملوا إيه، علشان ما تتأثروش بسهولة من الضغوط والزن لما تقابلوها، لازم تحددوا خطة الخلفة سوا، في أغلب الأوقات النقطة دي بتتناقش قبل الجواز، ولازم تتكلموا مع بعض لو حد فيكم غير رأيه إتجاه الموضوع بأي شكل علشان تفضلوا على نفس الصفحة.

الخطوة التانية: إفهموا أبعاد إختياراكم كويس

بعد ما قررتوا عايزين تعملوا إيه، إفهموا أبعاد إختياركم كويس، سواء عايزين أطفال بعد الجواز على طول، أو عايزين تستنوا كام سنة تعيشوا حياتكم وتستمتعوا بيها الأول، أو مش عايزين تخلفوا خالص، هتحتاجوا تدركوا الجوانب الإيجابية والسلبية لكل إختيار قبل ما تقرروا، إكتبوهم على ورقة علشان تشوفوا صورة كاملة للموضوع.

الخطوة التالتة: ما لكوش دعوة الناس كلها بتعمل إيه

كل ما تكونوا عارفين ومدركين إختياركم كويس، كل ما الشكوك اللي هتوجهوها مع الضغوط هتكون أقل، ما لكوش دعوة بأصحابكم والناس القريبة منكم بيعملوا إيه، إنتوا أكيد مش هتخلفوا علشان أصحابكم كلهم بيعملوا كده، ولا علشان تجاملوا أهلكم، ولا برضه علشان العرف بيقول كده، لازم تفتكروا دايما إن إنتوا اللي هاتجيبوا الطفل ده، وهتكونوا مسؤولين عنه مش الأهل ولا الصحاب ولا المجتمع!

تصوير  حامد كامل

الخطوة الرابعة: الثبات على الموقف

من حقكم تاخدوا وقتكم في الإختيار بعد الجواز من غير ضغوط وزن مستمر من الناس القريبة والبعيدة كمان، حتى لو مش مقررين لسة لازم تثبتوا على موقفكم إن يبقى ليكم حق الإختيار من غير ضغط أو تأثير من أي حد حتى أقرب الأهل والصحاب. 

الخطوة الخامسة: إشرحوا موقفكم في الوقت المناسب

إختاروا تقولوا للناس اللي بتحبوهم في الوقت اللي هتحتاجوا تشاركوا الخبر فيه معاهم، ولو حابين تخلوا الموضوع يفضل بينكم لحد ما تعرفوا هتعملوا إيه، مفيش مشكلة تشرحوا وتطلبوا ده من كل الناس اللي حواليكم لو سألوا، إتكلموا مع أهاليكم في الموضوع لو حابين، لأن هم أكيد قلبهم عليكم وعاوزين الأحسن لكم في كل حاجة، قولولهم على خططتكم بصراحة، وما تعشموش حد فيهم في حاجة إلا لو ناوين خلاص. 

الخطوة السادسة: إفرضوا رأيكم لو إضطريتوا

السؤال المحير هو إزاي تتعاملوا مع المواقف اللي ممكن حد من قريب أو من بعيد يضغط أو يحكم عليكم بشكل مبالغ فيه ويعتبر تعدي للخصوصية بشكل واضح وصريح؟ 

• اشرحوا موقفكم وإسمعوا رأيهم للآخر، لكن في نفس الوقت وضحوا إن مش هيتضغط عليكم لإتخاذ القرار لو انتوا مش عاوزين.

• ممكن تعلنوا قراركم بشكل نهائي، وأنه غير قابل للنقاش.

• في أسوأ الحالات ممكن تخلوا قراركم لنفسكم تماما، وتقولوا إنها حاجة شخصية وترفضوا تماما الكلام فيه. 

الخطوة السابعة: واجهوا الضغوط مع بعض

المعركة دي بتاعتكم انتوا الاتنين بغض النظر عن ضغوط الخلفة عليكم جاية من مين، إعملوا حسابكم إنكم داخلينها وهتوجهوها سوا، واجهوا العاصفة، ما تسيبوش بعض، كونوا سند بعض ضد أي حاجة تهدد إحساسكم بالآمان وحياتكم مع بعض.

خلاصة الكلام ما تخافوش لو مش عاوزين تمشوا ورا التيار وطنشوا كلام الناس، ما تخافوش لو عاوزين تعملوا حاجة مش كتير بيختارها، ارتاحوا مع إختيارتكم مهما كانت هي إيه لأن هي إختيارتكم أنتوا وبس.

 

جاهزين لمواجهة ضغوط المجتمع وزن الأهل علشان الخلفة؟ لو لسة ما عرفتوش ايه اللي بيحصل بعد الجواز لحد دلوقتي خلينا نديكوا فكرة بسيطة، الناس ببساطة بدل ما بتسأل هتتجوزوا أمتى بتبتدي تسأل هتخلفوا إمتى، في الحقيقة في الأغلب هتلاقوا ناس مختلفة وعشوائية جدا بيدعوا إن ربنا يرزقكوا بنونو صغنن يملى عليكم البيت ولا بدستة عيال تجروا وراهم طول النهار، غير اللي هيسألوكم ليه ما خلفتوش لحد دلوقتي من أصله.!

في نوع من الناس الفضول بياكلهم علشان يعرفوا خططكم للخلفة، هتلاقوا الناس دي بقى يا هيحاولوا يتذاكوا ويعرفوا المعلومة بشكل غير مباشر أو هيسألوا عن التفاصيل بشكل متطفل جدا، في الحالات دي خلينا نقول إن مدى صبركم وقدرة تحملكم للمواقف دي هيتلاشوا من كتر الزن، ده غير كمان انكم هتسمعوا جمل مشهورة ومتداولة كتيرة زي" خدوا بالكم من السن العمر بيجري، العيل بيجي برزقه، مش هتجيبولكم حتة عيل يملى عليكم الدنيا؟ نفسي أسمع كلمة جدو قبل ما أموت، هاتوا عيل وإحنا لسة فينا حيل نربيه معاكم". 

تصوير محمد عاطف

الضغوط دي بتبقى لا تحتمل لدرجة ان الواحد بيحس إنه مستحيل يتعامل معاهم وفي نفس الوقت مستحيل يعيش معاهم برضه، في الأخر هي حياتكم والمفروض تعيشوها بالشكل اللي انتوا عاوزينه وشايفينه مناسب ليكم، الـ7 خطوات دول هيساعدوكم تتعاملوا مع ضغوط الخلفة وتعيشوا حياتكم بشكل طبيعي: 

الخطوة الأولى: انتوا عايزين إيه

أول حاجة لازم تعرفوا إنتوا عاوزين تعملوا إيه، علشان ما تتأثروش بسهولة من الضغوط والزن لما تقابلوها، لازم تحددوا خطة الخلفة سوا، في أغلب الأوقات النقطة دي بتتناقش قبل الجواز، ولازم تتكلموا مع بعض لو حد فيكم غير رأيه إتجاه الموضوع بأي شكل علشان تفضلوا على نفس الصفحة.

الخطوة التانية: إفهموا أبعاد إختياراكم كويس

بعد ما قررتوا عايزين تعملوا إيه، إفهموا أبعاد إختياركم كويس، سواء عايزين أطفال بعد الجواز على طول، أو عايزين تستنوا كام سنة تعيشوا حياتكم وتستمتعوا بيها الأول، أو مش عايزين تخلفوا خالص، هتحتاجوا تدركوا الجوانب الإيجابية والسلبية لكل إختيار قبل ما تقرروا، إكتبوهم على ورقة علشان تشوفوا صورة كاملة للموضوع.

الخطوة التالتة: ما لكوش دعوة الناس كلها بتعمل إيه

كل ما تكونوا عارفين ومدركين إختياركم كويس، كل ما الشكوك اللي هتوجهوها مع الضغوط هتكون أقل، ما لكوش دعوة بأصحابكم والناس القريبة منكم بيعملوا إيه، إنتوا أكيد مش هتخلفوا علشان أصحابكم كلهم بيعملوا كده، ولا علشان تجاملوا أهلكم، ولا برضه علشان العرف بيقول كده، لازم تفتكروا دايما إن إنتوا اللي هاتجيبوا الطفل ده، وهتكونوا مسؤولين عنه مش الأهل ولا الصحاب ولا المجتمع!

تصوير  حامد كامل

الخطوة الرابعة: الثبات على الموقف

من حقكم تاخدوا وقتكم في الإختيار بعد الجواز من غير ضغوط وزن مستمر من الناس القريبة والبعيدة كمان، حتى لو مش مقررين لسة لازم تثبتوا على موقفكم إن يبقى ليكم حق الإختيار من غير ضغط أو تأثير من أي حد حتى أقرب الأهل والصحاب. 

الخطوة الخامسة: إشرحوا موقفكم في الوقت المناسب

إختاروا تقولوا للناس اللي بتحبوهم في الوقت اللي هتحتاجوا تشاركوا الخبر فيه معاهم، ولو حابين تخلوا الموضوع يفضل بينكم لحد ما تعرفوا هتعملوا إيه، مفيش مشكلة تشرحوا وتطلبوا ده من كل الناس اللي حواليكم لو سألوا، إتكلموا مع أهاليكم في الموضوع لو حابين، لأن هم أكيد قلبهم عليكم وعاوزين الأحسن لكم في كل حاجة، قولولهم على خططتكم بصراحة، وما تعشموش حد فيهم في حاجة إلا لو ناوين خلاص.