بتجهزى لأول عزومة فطار فى رمضان! حاجات لازم تاخدي بالك منها

Large

أول رمضان بيعدى على عرسان جداد بيكون اختبار مهم ليهم، من سؤال العيلة عن البيبى جاى إمتى، لتحمل آرائهم وتعليقاتهم على الأكل وطريقة تقديمة، خصوصًا لو هتعزمى أهل جوزك على الفطار ضرورى كل حاجة تكون مثالية، عشان كده عملنا ليستة فيها كل الحاجات إلى لازم تاخدى بالك منها وانتى بتجهزى أول عزومة فطار فى رمضان بحيث تكون ممتعة وجميلة.

البيت

ضرورى تهتمى بالزينة حتى لو مش من أولوياتك، لازم الضيوف يحسوا بأجواء رمضان أول ما يدخلوا البيت، ممكن تعملى إضاءة خفيفة بالفوانيس إلى جواها شموع، وتحطى مفارش الترابيزات والسفرة المطبوعة بالرسومات الجميلة إلى بتعبر عن رمضان، وتاخدى بالك من تحضير أدوات الأكل والسفرة لو مش هتعملى الفطار أوبن بوفيه، وطبعا ضرورى تكونى عارفة قدراتك وتعزمى العدد المعقول إلى تقدرى تضايفيه كويس عشان متجازفيش بإن العزومة تتحول لفوضى وتتوترى، والأحسن تعملى لستة بالضيوف.

إقرا أكتر: أفضل الأكلات لرمضان استعدى لفرحك ببشرة منورة

الضيوف 

المناقشة مع شريك حياتك حوالين مين المفروض تعزموه، هى حاجة جديدة هتجربيها لأول مرة بعد ما تتجوزى، عشان توصلوا لأرضية مشتركة أو حل وسط 

فى اختيار الضيوف من أفراد العيلة والأصحاب، وبننصحك تعزمى أشخاص يعرفوا يتواصلوا مع بعض حتى لو كانوا من أعمار مختلفة، عشان لما تسيبيهم لوحدهم ما يفضلوش ساكتين، أو الأسوأ تحصل مشكلة بينهم، ليستة الضيوف المثالية صعبة شوية لكن هتخلى عزومتك ناجحة، وعمومًا أحيانا بيكون فيه تجربة و خطأ، لكن فيه حاجات ممكن تتجنبيها بسهولة.

الأكل

لو هنتكلم على الأكل لازم ناخد بالنا من عادات رمضان، الضيوف في عزومة فطار رمضان بيتوقعوا أكلات معينة في المنيو، زى الشوربة والفته بأشكالها وطبق فيه نوع من اللحوم، بلاش تعملى أكلات غريبة مش عربية عشان محدش هيحبها، ولو انتى مش واثقة فى شطارتك في الطبخ، خلى حد من صحابك أو عيلتك يساعدك أو اتفقى مع شركة كاترينج تعملك الأكل.

أول رمضان بيعدى على عرسان جداد بيكون اختبار مهم ليهم، من سؤال العيلة عن البيبى جاى إمتى، لتحمل آرائهم وتعليقاتهم على الأكل وطريقة تقديمة، خصوصًا لو هتعزمى أهل جوزك على الفطار ضرورى كل حاجة تكون مثالية، عشان كده عملنا ليستة فيها كل الحاجات إلى لازم تاخدى بالك منها وانتى بتجهزى أول عزومة فطار فى رمضان بحيث تكون ممتعة وجميلة.

البيت