الواحد يتجوز من هنا والخصوصية تتمسح من هنا!... النظريات بتقول إيه؟

البدايه..النهايه وكل حاجه بينهم

Large

قابلت كام واحد وواحدة بعد الجواز قالوا إنهم ما عندهمش وقت لنفسهم!، كام شخص أكد إن الخصوصية دي انعدمت وانتهت فكرتها بعد الجواز!. كل النظريات العلمية بتأكد إن الواحد لازم يكون له وقت يقعد فيه مع نفسه، مش مهم بيفكر في إيه.. مش مهم إيه شكل الحوار اللي بيدور بينه وبين نفسه.. المهم إنه قدر يختلي بنفسه حتى لو معملش حاجة غير إنه سرح في ملكوت الله.

هل في نظرية بتأكد أهمية تخصيص وقت لنفسك بعد الجواز؟ ده الواحد بيتجوز من هنا والخصوصية بتتمسح من قاموسه من هنا...طيب تعالوا نبدأ من أول القصه.

فاكر أول مرة قابلت فيها مراتك؟ فاكرة إمتى وازاي حبيتي جوزك؟ امتى بالتحديد قررتوا تتجوزوا؟ أكيد كل شخص مميز بحكايته، في النهاية كل القصص بتوصلنا لنفس المراحل وهي، اتقابلتوا، اتعرفوا على بعض، حصل استلطاف ثم حب، وأخيرا الجواز، يعني اثنين من ثقافتين وبيئتين مختلفتين الصدفة جمعتهم، ورغم الاختلاف اكتشفوا إن فيه تشابهات كثيرة بينهم، ما بين الاختلافات والتشابهات في نقطة اتقابلوا فيها.

أكيد معظمكم  متجوز وعايش حياة زوجية سعيدة..هو أنا جيت على الجرح؟!، إحنا موجودين علشان نساعدكم تحققوا الحياة الزوجيه السعيدة، الحل بسيط والسر هو في  تخصيص وقت لنفسك بعيد عن زوجتك أو زوجك.

ده كلام نظريات مبنية على تجارب حقيقية لناس مرت بيها في الواقع، بالإضافة لأراء خبراء ومتخصصين عن أهمية تخصيص وقت لنفسك بعد الجواز.

- نظرية ديبي: "نظرية تيتة وجدو":

ديبي هيربينيك دكتورة وخبيرة في العلاقات الزوجية، كانت بتتكلم عن أهمية تخصيص وقت لنفسك بعد الجواز، وقالت مثال عن دمج حاجتين على طريقة جدتها وجدها والعلاقة الـ co-puttering اللي كانت ما بينهم.

طب إيه هو الـco-puttering ده؟ دي طريقه بيستخدمها بعض المتجوزين علشان يقضوا وقت مع نفسهم، لكن وهم متواجدين في نفس البيت، ديبي قالت إن جدها وجدتها كانوا بيصحوا بدري يفطروا مع بعض، وهو يروح يمارس رياضة الجولف مع أصحابه، وبعد ما بيخلص بيوصل مراته للكورسات بتاعتها، زي كورس الخياطة أو الطبخ أو غيره، وبترجع البيت بيتغدوا سوا. في نص اليوم كل واحد فيهم يمارس هوايته المفضلة، جدتها بتتفرج على المسلسلات اللي بتابعها، وجدها كان بيقعد في البلكونة مع نفسه.

هنا كل واحد فيهم كان بيقضي وقته الخاص به، وقته مع نفسه، وبعدين بيرجعوا تاني يتقابلوا على ترابيزة العشاء.

ديبي أكدت إن زواج جدها وجدتها كان زواج سعيد، وده لأن كل واحد فيهم كان مخصص وقت لنفسه وفي نفس الوقت مش بعيد عن بعض، الروتين ده كان نتيجته إخلاص، حب وسعادة زوجية. 

إقرا أكتر: 10 حاجات تخليك تخصص وقت لنفسك بعد الجواز

- نظرية إيمي: حالة طوارئ

إيمي كاتبة متخصصة في العلاقات الزوجية، نظريتها عن تقضية وقت خاص بكل واحد مبنية على حالة الطوارئ. بعض من الزوجات وبالأخص الأمهات مش مؤمنين بفكرة تقضية وقت خاص بيهم، يا إما علشان مفيش وقت أو شايفين أنها أنانية منهم. 

إيمي بتأكد في نظريتها، إن قضاء وقت مع نفسك بيصفي ذهنك ويخليك دايما مركز، وفي حالة حدوث أي طارئ لا قدر الله، بتكون أول شخص يتم التواصل معاه،علشان كده لازم صحتكم وتركيزكم يكون على أعلى مستوى.

إنك تسرق وقت لنفسك ده مش حاجة ترفيهية، بالعكس ده هيخلي منكم أزواج وآباء وأمهات أفضل كتير، هتكون مركز في تفاصيل الناس اللي بتحبهم، وده اللي يخلينا نقولك أوعى تستغنى عن الوقت ده.

- نظرية شونا: الطفولة

شونا سيدة متجوزة بتنقل تجربتها، وصفت جوازها بأنه مجموعة من العلاقات الجميلة، الصعبه، مليانة تغيرات، مزعجة ورائعه. شونا بتقول إن بعض الأشخاص بيعتقدوا إن الجواز هو اللي هيلاقي فيه كل احتياجاته، لكن تفكير شونا مختلف تماما، هي شايفة إن الإنسان من طفولته محتاج يقضي وقت مع نفسه.

وفسرت نظريتها وقالت "كلنا بنحتاج نقضي وقت لوحدنا من وإحنا أطفال، حتى لما دخلنا إعدادي وثانوي، تقريبا في كل مراحل حياتنا، وطبعا بعد الجواز. يعني من الآخر إحنا اتخلقنا كده، محتاجين نقضي وقت لوحدنا".

نظريتها بتبين أهمية الانفراد مع الذات، وزي ما انت داخل حياتك الزوجية بأسلوب وشكل معين في حياتك، لازم الجزء ده ما يتغيرش أو يقل بعد الجواز.

في الآخر النظريات دي مش مثبتة بقوانين، هي نظريات شخصية اتبنت على مشاعر وتجارب حقيقية ممكن تساعد في خلق حياة زوجية أفضل، وبدل ما تتفاجأ بمشاكل وخنقة بعد الجواز ويتم استنزافكم نفسيا، الأفضل إنكوا تخصصوا وقت لنفسكم تصفوا في ذهنكم وتعيدوا ترتيب حسابتكم وحياتكم.

قابلت كام واحد وواحدة بعد الجواز قالوا إنهم ما عندهمش وقت لنفسهم!، كام شخص أكد إن الخصوصية دي انعدمت وانتهت فكرتها بعد الجواز!. كل النظريات العلمية بتأكد إن الواحد لازم يكون له وقت يقعد فيه مع نفسه، مش مهم بيفكر في إيه.. مش مهم إيه شكل الحوار اللي بيدور بينه وبين نفسه.. المهم إنه قدر يختلي بنفسه حتى لو معملش حاجة غير إنه سرح في ملكوت الله.

هل في نظرية بتأكد أهمية تخصيص وقت لنفسك بعد الجواز؟ ده الواحد بيتجوز من هنا والخصوصية بتتمسح من قاموسه من هنا...طيب تعالوا نبدأ من أول القصه.

فاكر أول مرة قابلت فيها مراتك؟ فاكرة إمتى وازاي حبيتي جوزك؟ امتى بالتحديد قررتوا تتجوزوا؟ أكيد كل شخص مميز بحكايته، في النهاية كل القصص بتوصلنا لنفس المراحل وهي، اتقابلتوا، اتعرفوا على بعض، حصل استلطاف ثم حب، وأخيرا الجواز، يعني اثنين من ثقافتين وبيئتين مختلفتين الصدفة جمعتهم، ورغم الاختلاف اكتشفوا إن فيه تشابهات كثيرة بينهم، ما بين الاختلافات والتشابهات في نقطة اتقابلوا فيها.

أكيد معظمكم  متجوز وعايش حياة زوجية سعيدة..هو أنا جيت على الجرح؟!، إحنا موجودين علشان نساعدكم تحققوا الحياة الزوجيه السعيدة، الحل بسيط والسر هو في  تخصيص وقت لنفسك بعيد عن زوجتك أو زوجك.

ده كلام نظريات مبنية على تجارب حقيقية لناس مرت بيها في الواقع، بالإضافة لأراء خبراء ومتخصصين عن أهمية تخصيص وقت لنفسك بعد الجواز.

- نظرية ديبي: "نظرية تيتة وجدو":

ديبي هيربينيك دكتورة وخبيرة في العلاقات الزوجية، كانت بتتكلم عن أهمية تخصيص وقت لنفسك بعد الجواز، وقالت مثال عن دمج حاجتين على طريقة جدتها وجدها والعلاقة الـ co-puttering اللي كانت ما بينهم.

طب إيه هو الـco-puttering ده؟ دي طريقه بيستخدمها بعض المتجوزين علشان يقضوا وقت مع نفسهم، لكن وهم متواجدين في نفس البيت، ديبي قالت إن جدها وجدتها كانوا بيصحوا بدري يفطروا مع بعض، وهو يروح يمارس رياضة الجولف مع أصحابه، وبعد ما بيخلص بيوصل مراته للكورسات بتاعتها، زي كورس الخياطة أو الطبخ أو غيره، وبترجع البيت بيتغدوا سوا. في نص اليوم كل واحد فيهم يمارس هوايته المفضلة، جدتها بتتفرج على المسلسلات اللي بتابعها، وجدها كان بيقعد في البلكونة مع نفسه.

هنا كل واحد فيهم كان بيقضي وقته الخاص به، وقته مع نفسه، وبعدين بيرجعوا تاني يتقابلوا على ترابيزة العشاء.

ديبي أكدت إن زواج جدها وجدتها كان زواج سعيد، وده لأن كل واحد فيهم كان مخصص وقت لنفسه وفي نفس الوقت مش بعيد عن بعض، الروتين ده كان نتيجته إخلاص، حب وسعادة زوجية. 

إقرا أكتر: 10 حاجات تخليك تخصص وقت لنفسك بعد الجواز

- نظرية إيمي: حالة طوارئ

إيمي كاتبة متخصصة في العلاقات الزوجية، نظريتها عن تقضية وقت خاص بكل واحد مبنية على حالة الطوارئ. بعض من الزوجات وبالأخص الأمهات مش مؤمنين بفكرة تقضية وقت خاص بيهم، يا إما علشان مفيش وقت أو شايفين أنها أنانية منهم. 

إيمي بتأكد في نظريتها، إن قضاء وقت مع نفسك بيصفي ذهنك ويخليك دايما مركز، وفي حالة حدوث أي طارئ لا قدر الله، بتكون أول شخص يتم التواصل معاه،علشان كده لازم صحتكم وتركيزكم يكون على أعلى مستوى.

إنك تسرق وقت لنفسك ده مش حاجة ترفيهية، بالعكس ده هيخلي منكم أزواج وآباء وأمهات أفضل كتير، هتكون مركز في تفاصيل الناس اللي بتحبهم، وده اللي يخلينا نقولك أوعى تستغنى عن الوقت ده.

- نظرية شونا: الطفولة

شونا سيدة متجوزة بتنقل تجربتها، وصفت جوازها بأنه مجموعة من العلاقات الجميلة، الصعبه، مليانة تغيرات، مزعجة ورائعه. شونا بتقول إن بعض الأشخاص بيعتقدوا إن الجواز هو اللي هيلاقي فيه كل احتياجاته، لكن تفكير شونا مختلف تماما، هي شايفة إن الإنسان من طفولته محتاج يقضي وقت مع نفسه.

وفسرت نظريتها وقالت "كلنا بنحتاج نقضي وقت لوحدنا من وإحنا أطفال، حتى لما دخلنا إعدادي وثانوي، تقريبا في كل مراحل حياتنا، وطبعا بعد الجواز. يعني من الآخر إحنا اتخلقنا كده، محتاجين نقضي وقت لوحدنا".

نظريتها بتبين أهمية الانفراد مع الذات، وزي ما انت داخل حياتك الزوجية بأسلوب وشكل معين في حياتك، لازم الجزء ده ما يتغيرش أو يقل بعد الجواز.

في الآخر النظريات دي مش مثبتة بقوانين، هي نظريات شخصية اتبنت على مشاعر وتجارب حقيقية ممكن تساعد في خلق حياة زوجية أفضل، وبدل ما تتفاجأ بمشاكل وخنقة بعد الجواز ويتم استنزافكم نفسيا، الأفضل إنكوا تخصصوا وقت لنفسكم تصفوا في ذهنكم وتعيدوا ترتيب حسابتكم وحياتكم.

الترتيب لفرحك أسهل كتير مع Weds360. لأننا عارفين إيه المهم، تقدر تعتمد علينا في كل تفصيلة.

Tools website

موقع الفرح

ده المكان اللي هتحتفظ فيه بكل الأوقات الحلوة وكل صور الفرح للأبد وتتحكم في كل التفاصيل. وهتقدر تختار تصميمه، وتخلي المعازيم يبعتولك عليه الصور والفيديوهات واللحظات المميزة في فرحك. اختار موقع الفرح
Tools budgeter

تكاليف الفرح

لو محدد الرقم اللي هتصرفه في الفرح، هنساعدك هنا تعرف تستغله صح وترتب التكاليف صح. اتحكم في فلوس فرحك
Tools checklist

جدول المهام

حدد الحاجات اللي وراك، اعمل لنفسك جدول بالمهم منها وبأولوياتك في تنظيم الفرح علشان متنساش حاجة. ابدأ من هنا
Tools guestlist

المعازيم

مين اللي جاي الفرح؟ ومين اللي لازم تأكد عليه؟ ومين اعتذر؟ كلها حاجات هتقدر تنظمها، تتحكم فيها وتبعت دعوات فرح مخصصة لكل مجموعة. ابدأ من هنا
Tools vendors

متخصصين الفرح

اعرف أكتر عن متخصصين الأفراح في كل المجالات وشوف شغلهم واختار الأفضل ليك ولفرحك. ابدأ من هنا
Tools registry

هدايا الفرح

جمع كل هدية نفسك فيها، كل محل بتحبه في مكان واحد، وساعد المعازيم يختاروا هدية الجواز من غير مواقف محرجة أو تكرار للهدايا. ابدأ من هنا
× Logo
Weds360
Mobile App
Install now