الكورونا ضرب شهر العسل؟ الحل هنا!

Large

على مدى الشهور اللي فاتت اتسبب فيروس كورونا (كوفيد19) في إلغاء وتأجيل الأفراح وشهر العسل في العالم كله. ومدام إنتي أو أنت هنا وبتقرا الموضوع ده يبقى أكيد شهر العسل اضرب ومش عارفين تعملوا إيه. إحنا هنا علشان نساعدكم ونقولكم على شوية نقط وأفكار تساعدكم في خطة شهر العسل اللي باظطت. 

هنا هتلاقوا نصائح وأفكار علشان تعملوا شهرعسل بشكل تاني أو في البيت، وإزاي تخلوا بيتكم هو وجهة شهر العسل، أو تأجلوه لغاية ما العالم يرجع تاني زي ما كان، أو الخطة البديلة.

الاختيار ليكم إقروا الأول علشان تعرفوا إيه أكتر حاجة هتميلوا ليها:

1- قلبك مش جايبك: 

لو لسة قلبك متمسك بخطة شهر العسل اللي كانت محطوطة قبل التحول اللي حصل بسبب فيروس الكورونا، يبقى مفيش حل غير التأجيل. كدة يبقى هتستنى رفع قيود السفر، لكن لازم تحط في بالك إن غالبية شركات الطيران هتلغي السفر لبعض الدول والمدن السياحية، أو هتقلل أعداد المسافرين على الطيارة. لكن لو كنت حجزت بالفعل، وفكرت في إلغاء الحجز أكيد ممكن تخسر جزء من فلوسك، بننصحك بقراية العقد كويس جدا، وتشوف هتخسر قد إيه من الفلوس اللي دفعتها قبل ما تاخد قرار الإلغاء مقابل التأجيل.

honeymoon_شهر العسل.

Weds360 بيقر بمبدأ التباعد الاجتماعي وبنتمنى التزام الكل للقوانين اللي تم وضع من قبل وزارة الصحة ومنظمة الصحة العالمية.

2- شهر عسل في البيت: 

لو قررت تأجل شهر العسل أو حتى تلغيه، حط في بالك إن البعد الاجتماعي اللي فرضه فيروس كورونا على العالم في صالحك، لأنه هيساعدك تقطع الاتصال بالعالم الخارجي بسهولة، وتستمتع بوقتك.

- خلي بيتك مكان لشهر عسل بجد: 

في شوية حاجات ممكن تتعمل في البيت علشان تحس بشهر العسل، جهز أوضة النوم لأول ليلة في البيت، غطي السرير بالورد أحمر مع قطع الشيكولاتة، وما تنساش تعمل ركن ميني بار. 

- البعد عن أي حاجة ممكن تشتتكم:

اقفل الموبايلات، وبلاش تستخدم اللاب توب، إنسى الوقت، مواقع التواصل، عناوين الأخبار! قرروا إنكم تعيشوا حالة كإنكم على جزيرة لوحدكم مفيش عليها أي سبل للتواصل. ويا سلام لو قررتوا إن الكهرباء ما يكونش ليها مكان في البيت، وتستخدموا الشموع وكأنكم في كامب في جزيرة منفصلة عن العالم.

- هتعمل إيه في الأكل: 

إجمعوا أسماء المطاعم اللي بتقدم خدمة التوصيل، سواء بشكل مباشر أو من خلال الـApps التانية زي أطلب وغيرها. حط في اعتبارك إن فترة الانتظار ممكن تكون أطول من الأول.

إقرا أكتر: إزاي تعملي فرحك في فترة الكورونا؟ هنقولك على أفكار تساعدك

honeymoon شهر العسل

- خطة لو هتعمل شهر عسل في البيت: 

الهدف إنك تعمل شهر عسل في البيت إنك تحس بالاسترخاء والمتعة، مش الملل خالص، وده معناه إن لازم يكون في خطة محطوطة تعتمد عليها الفترة دي. معندكش خطط، طب بص بقى: 

- إلعبوا طاولة.

- إلعبوا لبعة الـ20 سؤال اللي تخليكم تعرفوا بعض أكتر.

- إعملوا مساج لبعض.

- سجلوا أول لحظة لشروق الشمس وإنتوا مع بعض.

- ارقصوا، ويا سلام لو كل واحد فيكم يعلم التاني رقصة، زي التانجو مثلا.

- اتفرجوا على أفلام جديدة من Netflix، واعملوا Movie Night حلوة.

- ما تنسوش الفشار.

- قبل شهر العسل خلي حد يعمل صورتكم Puzzle واقعدوا جمعوها مع بعض.

- إطبخوا واعملوا الحلو سوا.

backgammon honeymoon طاوله في شهر العسل

3- خطة شهر عسل بديلة: 

لو اتلغت خطة شهر العسل الأساسية بتاعتك بسبب فيروس كورونا، وعندك استعداد لخطة جديدة تماما، هنقولك على طرق تانية تقدر تتبسط بيها.

- فكر في الأماكن القريبة: 

فكر في إنك تعمل شهر عسل في أي مدينة من المدن القريبة، زي شرم الشيخ، الجونة، العين السخنة، الساحل، وفي أماكن كتيرة في بلدنا هتساعدك تعمل خطة بديلة وكمان هتتبسط جدا.

- سامع حد بيقول كامب: 

أه ليه لأ، وفي أماكن كتيرة في مصر زي دهب، نويبع، سانت كاترين، رأس شيطان والفترو دي هتكون الأسعار مش غالية.

في النهاية سواء شهر العسل هيكون في البيت أو هتأجل، أو هتختار الخطة البديلة، الحصل أثر على الكل، لكن دايما إحنا في ضهرك ومعاك.

honeymoon camp كامب شهر العسل.

على مدى الشهور اللي فاتت اتسبب فيروس كورونا (كوفيد19) في إلغاء وتأجيل الأفراح وشهر العسل في العالم كله. ومدام إنتي أو أنت هنا وبتقرا الموضوع ده يبقى أكيد شهر العسل اضرب ومش عارفين تعملوا إيه. إحنا هنا علشان نساعدكم ونقولكم على شوية نقط وأفكار تساعدكم في خطة شهر العسل اللي باظطت. 

هنا هتلاقوا نصائح وأفكار علشان تعملوا شهرعسل بشكل تاني أو في البيت، وإزاي تخلوا بيتكم هو وجهة شهر العسل، أو تأجلوه لغاية ما العالم يرجع تاني زي ما كان، أو الخطة البديلة.

الاختيار ليكم إقروا الأول علشان تعرفوا إيه أكتر حاجة هتميلوا ليها:

1- قلبك مش جايبك: 

لو لسة قلبك متمسك بخطة شهر العسل اللي كانت محطوطة قبل التحول اللي حصل بسبب فيروس الكورونا، يبقى مفيش حل غير التأجيل. كدة يبقى هتستنى رفع قيود السفر، لكن لازم تحط في بالك إن غالبية شركات الطيران هتلغي السفر لبعض الدول والمدن السياحية، أو هتقلل أعداد المسافرين على الطيارة. لكن لو كنت حجزت بالفعل، وفكرت في إلغاء الحجز أكيد ممكن تخسر جزء من فلوسك، بننصحك بقراية العقد كويس جدا، وتشوف هتخسر قد إيه من الفلوس اللي دفعتها قبل ما تاخد قرار الإلغاء مقابل التأجيل.