Amna Magdy
April 21, 2020
وقت القراءة:
4د
الكرش بقى باااظظ بااااظظ خااالص.. إزاي تلحقوا نفسكوا في الحظر قبل الفرح!
كلنا مضطرين نلتزم بالحظر المنزلي علشان نقضي على فيروس الكورونا (كوفيد 19). لو فكرنا كده شوية هنلاقي إن أخيرا العالم كله إجتمع على حاجة واحدة وهي محاربة عدو خفي. لا ما نقصدش كائنات فضائية، الموضوع بقى في غاية الخطورة! وإحنا قاعدين في البيت فاكرين إننا كده آمنين والحمد لله، الخطر الحقيقي بيبدأ يتسرسب من الحيطان ويلاقي طريقه لكروشنا، دراعتنا، فخادنا، ومقاعدنا!
محدش معرفش طعم الملل ولا مجربوش خصوصا الفترة دي! أغلبنا بيكسر ملل قاعدة البيت بطرق مختلفة شوية نطلب أكل من برا، وشوية نجرب طبخات جديدة، وهي دي التسلية الوحيدة قدام التليفزيون، مهما كان في حاجات ممكن نضيع وقتنا بيها في البيت هنزهق برضه وفي الآخر هنلجأ للأكل تاني والأكيد إننا هنتخن. وبدل ما الحظر يقصي علينا كلنا لازم إحنا اللي نقضي عليه! النهاردة هنقولكم نعمل إيه علشان نحاول ننقذ ما يمكن إنقاذه قبل الجواز!
1) فضوا مكان في البيت للتمرين:
مبدئيا حاولوا تشوفوا نص الكباية المليان وهي إننا بناخد راحة من جو الجيم، وتحدي جديد إننا نعمل الفورمة بس من البيت. فضوا مكان في البيت تلعبوا فيه التمرينات الرياضية، سواء في الصالة، أوضة النوم، الليفينج، أو حتى البلكونة! ويا سلام بقى لو فيه جنينة، فلازم تستغل أسوأ إستغلال.
2) إشتري أو إخترع أدواتك الرياضية:
جمعوا كل الأدوات الرياضية اللي في البيت وحطوها في المكان اللي خصصتوه للتمرين، ممكن تستخدموا نط الحبل، دامبلز، مرتبة يوجا، (لو ليها مكان مناسب في البيت) TRX، اساتيك للتمرين والسترتشات، أو أي أوزان موجودة. ممكن تشتروا أونلاين من اماكن زي Decathlon, Sports Mall, Souq. ممكن تعملوا الأدوات بنفسكم، إستخدموا أزايز ماية بدل الدامبلز، إملوا شنطة ضهر بالكتب وإستخدموها في الباك سكوات، أو ممكن تتمسك ويتلعب بيها lunges أو Front Squat.
3) الدايت ثم الدايت:
الأكل بيحب اللمة وبما إن كلنا قاعدين في البيت يبقى اللمة تحلى بالأكل! مفيش قلق من إن الواحد ياكل حاجة من ممنوعات الدايت طالما حاسبها كويس، وإن يكون فيه تمرين على الأقل 4 مرات في الأسبوع. نظام الدايت ممكن يكون وجبات صغيرة كذا مرة في اليوم علشان الملل بدل مثلا الصيام المتقطع.
إقرا أكتر: إعرفيه قبل ما تتجوزيه! اكتشفي شخصية خطيبك بحق وحقيقي في الحجر المنزلي
4) تحديد معاد للتمرين:
حددوا معاد معين للتمرين كل يوم وحاولوا تلتزموا بيه. أحسن حاجة تعملوها تتمرنوا الصبح علشان الكسل ما يتسربش، وفي الآخر لا يبقى في تمرين ولا غيره! ما تقلقوش محدش بيبدأ التمرين بحماس رهيب زي ما انتوا متخيلين خاصة في الظروف دي، لإن كدة كلنا هنكسل، لكن مجرد ما بتبدأ الشعور بيختلف وهتلاقي نفسك مكمل للآخر وتزود وقت التمرين كمان، ومجرد ما تحس إن نتيجة تعبك بدأت تظهر هتتحمس أكتر.
5) تابعوا المدربين والجيم على السوشيال ميديا:
لو قلقانين متلاقوش برنامج تمرين تتابعوه في البيت فمفيش أكتر منهم أونلاين. الانترنت مليان تمارين وشرح تفصيلي ليها بدون مقابل مادي، ممكن تتابعوا صفحات مدربين متخصصين علي يوتيوب. كمان معظم الجيمات في مصر بتنشر تمرينات للبيت بشكل يومي علي صفحات الفيسبوك والانستجرام الخاصة بيهم، زي جولدز جيم، TD Athletics، جربوا وشوفوا إيه أفضل التمارينات من نسبالكم.
6) تمارين الكارديو:
بما إننا مش قادرين نروح الجيم تقدروا بسهولة تحافظوا علي شكل جسمكم بتمرينات السويدي في البيت. تمرينات الكارديو ممكن تتعوض بطلوع ونزول السلم بسرعة كذا مرة في كذا مجموعة، ممكن نط الحبل بالراحة، برضه جربوا تمرين الـ HIT وهو نوع من التمرين اللي بيحرق بشكل عالي جدا زي الجري بس في البيت عادي.
7) شكلوا فريق:
اللي هيزود الحماس وروح التحدي هو الفريق. ممكن إنت ومراتك أو إنتي وجوزك إنتوا تشكلوا فريق، وممكن كمان تشوفوا أصحابكم أو شباب العيلة المهتمين بالرياضة خصوصا اللي حابب يحافظ على اللياقة البدنية وشكل جسمه في الحظر المنزلي. لازم نتحرك حتى وإحنا في البيت علشان نقدر نبني مناعة ضد فيروس الكورونا (كوفيد19) وده هيكون سبب هايل علشان تقنعوا بيه أصحابكم في الفريق للالتزام بالتمرين.
كلنا مضطرين نلتزم بالحظر المنزلي علشان نقضي على فيروس الكورونا (كوفيد 19). لو فكرنا كده شوية هنلاقي إن أخيرا العالم كله إجتمع على حاجة واحدة وهي محاربة عدو خفي. لا ما نقصدش كائنات فضائية، الموضوع بقى في غاية الخطورة! وإحنا قاعدين في البيت فاكرين إننا كده آمنين والحمد لله، الخطر الحقيقي بيبدأ يتسرسب من الحيطان ويلاقي طريقه لكروشنا، دراعتنا، فخادنا، ومقاعدنا!
محدش معرفش طعم الملل ولا مجربوش خصوصا الفترة دي! أغلبنا بيكسر ملل قاعدة البيت بطرق مختلفة شوية نطلب أكل من برا، وشوية نجرب طبخات جديدة، وهي دي التسلية الوحيدة قدام التليفزيون، مهما كان في حاجات ممكن نضيع وقتنا بيها في البيت هنزهق برضه وفي الآخر هنلجأ للأكل تاني والأكيد إننا هنتخن. وبدل ما الحظر يقصي علينا كلنا لازم إحنا اللي نقضي عليه! النهاردة هنقولكم نعمل إيه علشان نحاول ننقذ ما يمكن إنقاذه قبل الجواز!
1) فضوا مكان في البيت للتمرين:
مبدئيا حاولوا تشوفوا نص الكباية المليان وهي إننا بناخد راحة من جو الجيم، وتحدي جديد إننا نعمل الفورمة بس من البيت. فضوا مكان في البيت تلعبوا فيه التمرينات الرياضية، سواء في الصالة، أوضة النوم، الليفينج، أو حتى البلكونة! ويا سلام بقى لو فيه جنينة، فلازم تستغل أسوأ إستغلال.
2) إشتري أو إخترع أدواتك الرياضية:
جمعوا كل الأدوات الرياضية اللي في البيت وحطوها في المكان اللي خصصتوه للتمرين، ممكن تستخدموا نط الحبل، دامبلز، مرتبة يوجا، (لو ليها مكان مناسب في البيت) TRX، اساتيك للتمرين والسترتشات، أو أي أوزان موجودة. ممكن تشتروا أونلاين من اماكن زي Decathlon, Sports Mall, Souq. ممكن تعملوا الأدوات بنفسكم، إستخدموا أزايز ماية بدل الدامبلز، إملوا شنطة ضهر بالكتب وإستخدموها في الباك سكوات، أو ممكن تتمسك ويتلعب بيها lunges أو Front Squat.
3) الدايت ثم الدايت:
الأكل بيحب اللمة وبما إن كلنا قاعدين في البيت يبقى اللمة تحلى بالأكل! مفيش قلق من إن الواحد ياكل حاجة من ممنوعات الدايت طالما حاسبها كويس، وإن يكون فيه تمرين على الأقل 4 مرات في الأسبوع. نظام الدايت ممكن يكون وجبات صغيرة كذا مرة في اليوم علشان الملل بدل مثلا الصيام المتقطع.
إقرا أكتر: إعرفيه قبل ما تتجوزيه! اكتشفي شخصية خطيبك بحق وحقيقي في الحجر المنزلي
4) تحديد معاد للتمرين:
حددوا معاد معين للتمرين كل يوم وحاولوا تلتزموا بيه. أحسن حاجة تعملوها تتمرنوا الصبح علشان الكسل ما يتسربش، وفي الآخر لا يبقى في تمرين ولا غيره! ما تقلقوش محدش بيبدأ التمرين بحماس رهيب زي ما انتوا متخيلين خاصة في الظروف دي، لإن كدة كلنا هنكسل، لكن مجرد ما بتبدأ الشعور بيختلف وهتلاقي نفسك مكمل للآخر وتزود وقت التمرين كمان، ومجرد ما تحس إن نتيجة تعبك بدأت تظهر هتتحمس أكتر.
5) تابعوا المدربين والجيم على السوشيال ميديا:
لو قلقانين متلاقوش برنامج تمرين تتابعوه في البيت فمفيش أكتر منهم أونلاين. الانترنت مليان تمارين وشرح تفصيلي ليها بدون مقابل مادي، ممكن تتابعوا صفحات مدربين متخصصين علي يوتيوب. كمان معظم الجيمات في مصر بتنشر تمرينات للبيت بشكل يومي علي صفحات الفيسبوك والانستجرام الخاصة بيهم، زي جولدز جيم، TD Athletics، جربوا وشوفوا إيه أفضل التمارينات من نسبالكم.
6) تمارين الكارديو:
بما إننا مش قادرين نروح الجيم تقدروا بسهولة تحافظوا علي شكل جسمكم بتمرينات السويدي في البيت. تمرينات الكارديو ممكن تتعوض بطلوع ونزول السلم بسرعة كذا مرة في كذا مجموعة، ممكن نط الحبل بالراحة، برضه جربوا تمرين الـ HIT وهو نوع من التمرين اللي بيحرق بشكل عالي جدا زي الجري بس في البيت عادي.
7) شكلوا فريق:
اللي هيزود الحماس وروح التحدي هو الفريق. ممكن إنت ومراتك أو إنتي وجوزك إنتوا تشكلوا فريق، وممكن كمان تشوفوا أصحابكم أو شباب العيلة المهتمين بالرياضة خصوصا اللي حابب يحافظ على اللياقة البدنية وشكل جسمه في الحظر المنزلي. لازم نتحرك حتى وإحنا في البيت علشان نقدر نبني مناعة ضد فيروس الكورونا (كوفيد19) وده هيكون سبب هايل علشان تقنعوا بيه أصحابكم في الفريق للالتزام بالتمرين.
