العروسة: إزاي تختاري الأبيض اللي يناسبك

من المرمر للبورسلين

Large

كلنا عارفين الازمة اللي بتحصل لما بنقرر ننزل نشتري لبس. كلنا عارفين مأساه لما اللبس يبقى شكله أحلى على الشماعة بكتير من وهو علينا. دلوقتي تخيلي لو وقعتي في الفخ ده وإنتي بتختاري فستان الفرح، تخيلي اليأس والعصبية اللي هتكوني فيها عشان لسة مكتشفة إن اللون الابيض فيه منه درجات مختلفة. امسحي دموعك وركزي في اللي جاي. 

عملنالك أسهل وأصغر كتالوج في الحياه علشان تمشي عليه تقدري تحددي منه إي درجة من اللون الأبيض في فستان الفرح هتبقى حلوة عليكي و إيه لازم تبعدي عنه. 

الكتالوج ده هدفه إنه يقلل اختياراتك عن طريق اللون الأبيض لفستان الفرح ودرجة بشرتك. مفيش أسهل من كده بصراحة. هيا بنا نلعب:

البشرة الداكنة - الابيض الناصع:

الابيض الفاقع زي اللؤلؤ والثلج والصقيع، عامة مش بيليقوا على معظم الناس بسبب جرأتهم. الابيض الناصع أحيانا ممكن يتشاف إنه زيادة أو أوفر. الفكرة هنا إن كل ما بشرتك كانت أغمق كل ما الأبيض الناصع هيليق عليكي أكتر. التناقض ما بين فتحان الفستان وغمقان بشرتك ممكن يكون هو الحاجة اللي ناقصاكي عشان بجد تظهري يوم فرحك.

البشرة المتوسطة - الأبيض الكريمي:

الابيض الكريمي زي المرمر والعاج والورق القديم، بيساعدوا جدا في التخلص من إحمرار البشرة اللي بيتسببوا فيه الجهد والتعب والإرهاق بتوع يوم الفرح. ليه؟ علشان البشرة المتوسطة معظم الوقت بيبقى ليها مسحة زرقه أو بينك، ودي حاجة لازم تبقي مركزة فيها وإنتي بتختاري فستانك.

فستان الفرح تصميم نيهال خليفة

البشرة الزيتونية - الأبيض الهادي: 

العرايس اللي بشرتها زيتونية شكلهم بيبقى أكتر من رائع لما بيختاروا درجة لون فستان الفرح الابيض الهادي. الابيض الهادي بيشمل الشامباين والدانتيل. الحلو في الدرجات دي انهم بيخلوا البشرة الزيتونية تلمع وتنور وبتخلي الشكل راقي لأقصى درجة.  

شوفي أكتر: قبل الفرح بـ12 شهر: إزاي تختاري فستان الفرح اللي يناسب شكل جسمك؟

فستان الفرح تصميم ANSKADA

البشرة الفاتحة - الأبيض الدافي:

البشرة الفاتحة للاسف مش بس بتحمر وبتتحرق بسهولة، بس هي كمان مش بيليق عليها تماما الابيض الناصع لأنه بيخلي شكل العروسة باهت وغريب، على عكس البشرة الغامقة. عشان كده الابيض الدافي أو الداكن زي البيج والكتان بيدي حياه للبشرة الفاتحة. دوري على درجة لون فستان فرح مايل للبيج أو للاصفر الغامق و اتفرجي على المعجزة وهي بتحصل.

فستان الفرح من Malton Bridal

كلنا عارفين الازمة اللي بتحصل لما بنقرر ننزل نشتري لبس. كلنا عارفين مأساه لما اللبس يبقى شكله أحلى على الشماعة بكتير من وهو علينا. دلوقتي تخيلي لو وقعتي في الفخ ده وإنتي بتختاري فستان الفرح، تخيلي اليأس والعصبية اللي هتكوني فيها عشان لسة مكتشفة إن اللون الابيض فيه منه درجات مختلفة. امسحي دموعك وركزي في اللي جاي. 

عملنالك أسهل وأصغر كتالوج في الحياه علشان تمشي عليه تقدري تحددي منه إي درجة من اللون الأبيض في فستان الفرح هتبقى حلوة عليكي و إيه لازم تبعدي عنه. 

الكتالوج ده هدفه إنه يقلل اختياراتك عن طريق اللون الأبيض لفستان الفرح ودرجة بشرتك. مفيش أسهل من كده بصراحة. هيا بنا نلعب:

البشرة الداكنة - الابيض الناصع:

الابيض الفاقع زي اللؤلؤ والثلج والصقيع، عامة مش بيليقوا على معظم الناس بسبب جرأتهم. الابيض الناصع أحيانا ممكن يتشاف إنه زيادة أو أوفر. الفكرة هنا إن كل ما بشرتك كانت أغمق كل ما الأبيض الناصع هيليق عليكي أكتر. التناقض ما بين فتحان الفستان وغمقان بشرتك ممكن يكون هو الحاجة اللي ناقصاكي عشان بجد تظهري يوم فرحك.

البشرة المتوسطة - الأبيض الكريمي:

الابيض الكريمي زي المرمر والعاج والورق القديم، بيساعدوا جدا في التخلص من إحمرار البشرة اللي بيتسببوا فيه الجهد والتعب والإرهاق بتوع يوم الفرح. ليه؟ علشان البشرة المتوسطة معظم الوقت بيبقى ليها مسحة زرقه أو بينك، ودي حاجة لازم تبقي مركزة فيها وإنتي بتختاري فستانك.