الطبيعة هتحبكم! أفكار لأفراح متضرش البيئه وتحافظ على الميزانية

Large

لو فرحكم قرب يبقي لازم تعرفوا إن دلوقتي ناس كتير بتفضل تعمل فرح ميضرش البيئة لإنهم حاسين بالمسؤولية ناحية المكان الى عايشين فيه، وكل سنة الأفراح دي بتزيد وناس كتير بتشارك فى المبادرة دي. دعوات الفرح الورق، والورد، والبلاستيك، وتورتة الفرح المعمولة من 100 دور، كلها حاجات بدأت تتغير علشان المخلفات بتاعتهم بتكون كتيرة وبتضر البيئه. ممكن انتو كمان تساعدوا وتعملوا تأثير إيجابي وتغيروا شوية حاجات بسيطة فى ترتيبات الفرح، منه هيبقى مميز وفى نفس الوقت ميبقاش كله حاجات سلبية تبوظ المكان الى عايشين فيه أكتر وتضره، ودى افكار عشان تساعدكم تعملوا ده:

دعوات فرح أون لاين

احنا فى وقت السوشيال ميديا فيه أهم حاجه، ممكن تستغلوا ده وتبعتوا دعوة الفرح على الفيسبوك مثلا، أو من موقع الفرح الخاص بيك على موقعنا من هنا، واللي هتلاقي فيه دعوات أونلاين بتصميمات مختلفة، ومش هتوفروا تكلفة كبيرة كانت بتروح فى الطباعة بس، كمان هتحافظوا على الشجر الى بييجى منه الورق! ابعدوا عن لخبطة الطباعة وتوزيع الدعوات وإهدار الورق، وابعتوا دعوة الفرح على الانترنت.

جمعوا الأكل الى مش عايزينه 

أي مناسبة كبيرة بتتعمل بيفضل منها أكل كتير ممكن تتبرعوا بيه، وكل فرح تقريبا بيتبقى منه طبقة من التورتة ما اتاكلتش وصواني أكل محدش لمسها، ممكن ترتبوا مع شركة الكاترينج إنهم ياخدوا كل الأكل الباقي ويدوه للمحتاجين أو حتى الحيوانات الى فى الشارع الى مش لاقيه اكل.

بلاش البلاستيك

الاطباق البلاستيك والديكورات الى بتستخدموها مرة واحده بس ابعدوا عنها خالص لو  قررتوا تعملوا فرح ميضرش البيئة، وممكن تختاروا بدالهم حاجات معمولة من مادة ينفع تستخدموها تانى زى الإزاز أو المعدن للمشروبات والأكل. وكمان هتبقي شكلها أفضل ومش هتترمى فى الزباله على الفاضي.

الهدايا الى ينفع تتاكل

هدايا الفرح حاجه لطيفة بس غالبا بتبقي حاجه مش صحية أو بتضر البيئة، وبيستخدموا فيها مواد كتير عشان يلفوها، وغالبا بتفضل الهدايا دي مركونه تلم تراب فى شقة العرسان. ممكن تجربوا حاجة جديدة وهى انكم تعملوا هدايا تنفع تتاكل وأكيد العرسان هيحبوها اكتر!

إقرا أكتر: هدايا للمعازيم تتاكل أكل.. هيروحوا مبسوطين

مكان ميحتاجش ديكورات كتير